Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା AIIMSର ୩୮୪ ଡାକ୍ତର ଏବଂ ନର୍ସିଂ ଷ୍ଟାଫ୍‌ କୋଭିଡ୍‌ ପଜିଟିଭ୍‌ ଚିହ୍ନଟ
  • ||
  • ବିଧାୟକ ନରସିଂହ ମିଶ୍ରଙ୍କୁ କରୋନା, ଟ୍ୱିଟ୍‌ କରି ଦେଲେ ସୂଚନା
  • ||
  • କରୋନାକୁ ମାତ୍‌ ଦେଲେ ୨୦୦୯ ଆକ୍ରାନ୍ତ
  • ||
  • ସୁଧୁରୁନି କରୋନା ସ୍ଥିତି, ଆଜି ଭୁବନେଶ୍ଵରରୁ ଚିହ୍ନଟ ହେଲେ ୪୭୬ ପଜିଟିଭ୍
  • ||
  • ବ୍ରହ୍ମପୁର : ଗଞ୍ଜାମ ଜିଲ୍ଲାର ସବୁ ଧର୍ମାନୁଷ୍ଠାନରେ କଟକଣା, କେବଳ ପୂଜକ ହିଁ କରିପାରିବେ ପୂଜାର୍ଚ୍ଚନା
  • ||
  • ସମ୍ବଲପୁର : ସମ୍ବଲପୁର ବିଶ୍ବବିଦ୍ୟାଳୟରେ ଠିକା କର୍ମଚାରୀଙ୍କ ଆତ୍ମହତ୍ୟା ଘଟଣା, କ୍ଷତିପୂରଣ ଦାବିରେ ମୃତଦେହ ରଖି ଧାରଣା
  • ||
  • ବଲାଙ୍ଗୀର : କରୋନା ସଂକ୍ରମଣ ରୋକିବାରେ ପୋଲିସ-ଜନତାଙ୍କ ସହଭାଗିତା ରହୁ : ଡିଜି ଅଭୟ
  • ||
  • ମାଲକାନଗିରି : ନାରାୟଣପୁରରେ ପୁଣି ମାଓ ହିଂସା, ଲ୍ୟାଣ୍ଡମାଇନ ବିସ୍ଫୋରଣରେ ଜଣେ ଯବାନ ଗୁରୁତର
  • ||
  • ପୁରୀ : ଗଠନ ହେଲା ୭ଜଣିଆ ସେବାୟତ କମିଟି, କିଏ ଟିକା ନେଇଛି, କିଏ ନେବ, କାହାର ସ୍ବାସ୍ଥ୍ୟ କିପରି ଅଛି ହେବ ତଦାରଖ
  • ||
  • କେନ୍ଦୁଝର : ବାଇକ୍ ଆରୋହୀଙ୍କ ଉପରେ ମାଡିଗଲା ହାଇୱା, ଘଟଣାସ୍ଥଳରେ ମୃତ୍ୟୁ
  • ||

ପାକିସ୍ତାନର ସବୁଠାରୁ ମୋଟା ବ୍ୟକ୍ତିଙ୍କ ମୃତ୍ୟୁ : ସେନା ହେଲିକେପ୍ଟରରେ ନିଆଯାଇଥିଲା ହସ୍ପିଟାଲ, ଭାଙ୍ଗିବାକୁ ପଡିଥିଲା ଘର କାନ୍ଥ

8/07/2019 at 7:14 PM

ଲାହୋର ୮/୭ : ପାକିସ୍ତାନର ସବୁଠାରୁ ମୋଟା ବ୍ୟକ୍ତି ନୁଋଲ ହସନଙ୍କ ମୃତ୍ୟୁ ହୋଇଯାଇଛି । ତାଙ୍କୁ କିଛି ଦିନ ପୁର୍ବରୁ ଲାହୋରର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ତାଙ୍କ ଅବସ୍ଥା ଲଗାତାର ବିଗୁଡୁଥିଲା । ତାଙ୍କୁ ବଞ୍ଚାଇବା ପାଇଁ ଡାକ୍ତରମାନେ ବହୁତ ଚେଷ୍ଟା କରିଥିଲେ । କିନ୍ତୁ ରକ୍ଷା କରିପାରିନଥିଲେ ।  

ସାଦିକାବାଦରେ ରହୁଥିବା ନୁଋଲ ହସନ ଜଣେ ଟ୍ୟାକ୍ସି ଡ୍ରାଇଭର ଥିଲେ । ତାଙ୍କ ଓଜନ ୩୩୦ କିଲୋ ଥିଲା । ତାଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାରୁ ତାଙ୍କୁ ପାକିସ୍ତାନୀ ସେନା ହେଲିକେପ୍ଟରରେ ହସ୍ପିଟାଲକୁ ନିଆଯାଇଥିଲା । ଏଥିପାଇଁ ପାକିସ୍ତାନୀ ସେନା ମୁଖ୍ୟ ଜେନେରାଲ କମର ଜାବେଦ ନିର୍ଦେଶ ଦେଇଥିଲେ । ତାଙ୍କୁ ଯେତେବେଳେ ହସ୍ପିଟାଲକୁ ନିଆଯାଇଥିଲା ସେତେବେଳେ ଘରର କାନ୍ଥ ଭାଙ୍ଗିବାକୁ ପଡିଥିଲା । ସେନାର ୧୧୨୨ ଜଣ ଜବାନ ତାଙ୍କୁ ହସ୍ପିଟାଲ ନେବାରେ ସାହାଯ୍ୟ କରିଥିଲେ । ତାଙ୍କୁ ହସ୍ପିଟାଲ ପହଞ୍ଚାଇବା ପ୍ରକ୍ରିଯାକୁ ‘ରେସକ୍ୟୁ ୧୧୨୨’ ନାଁ ଦିଆଯାଇଛି ।

ପାକିସ୍ତାନୀ ମିଡିଆ ରିପୋର୍ଟ ଅନୁଯାୟୀ, ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ନୁଋଲ ହସନ ମୃତ୍ୟୁ ହୋଇଛି । ହସନଙ୍କ ମୃତ୍ୟୁ ରହସ୍ୟମୟୀ ପରିସ୍ଥିତିରେ ହୋଇଛି । ତାଙ୍କ ମୃତ୍ୟୁ କାହିଁକି ଓ କେମିତି ହେଇଛି ତାହା ଏପର୍ଯ୍ୟନ୍ତ ଜଣାପଡିନାହିଁ । ଡାକ୍ତରଙ୍କ କହିବାନୁଯାୟୀ, ତାଙ୍କୁ ବେକଲ୍ପିକ ଭେଣ୍ଟିଲେସନରେ ରଖାଯାଇଥିଲା । ତାଙ୍କ ଅବସ୍ଥାରେ ଧିରେ ଧିରେ ସୁଧାର ଆସୁଥିଲା କିନ୍ତୁ ଅଚାନକ ତାଙ୍କ ମୃତ୍ୟୁ ହୋଇଯାଇଥିଲା ।

ହସନଙ୍କ ସମ୍ପର୍କିୟଙ୍କ କହିବାନୁଯାୟୀ, ମୋଟାପଣ ଯୋଗୁଁ ସେ ସବୁବେଳେ ଚିନ୍ତିତ ରହୁଥିଲେ । ସେ ଥରେ ଡାକ୍ତରଙ୍କ ପାଖକୁ ଯାଇଥିଲେ । ଡାକ୍ତର କହିଥିଲେ କେବଳ ଅପରେସନ ଜରିଆରେ ତାଙ୍କ ଓଜନ ହ୍ରାସ କରାଯାଇ ପାରିବ । ଏଥିପାଇଁ ୧୦ ଲକ୍ଷ ଟଙ୍କା ଖର୍ଚ୍ଚ ହେବ । ଏହାପରେ ସୋଶିଆଲ ମିଡିଆ ଜରିଆରେ ସେ ଲୋକଙ୍କୁ ସାହାଯ୍ୟ ପାଇଁ ଗୁହାରି କଲେ । ଫଳରେ କିଛି ଡାକ୍ତର ତାଙ୍କ ଚିକିତ୍ସା ଫ୍ରିରେ କରିବେ ବୋଲି କହିଥିଲେ । କିନ୍ତୁ ଚିକିତ୍ସାଧିନ ଅବସ୍ଥାରେ ହିଁ ତାଙ୍କର ମୃତ୍ୟୁ ହୋଇଛି ।

ରିପୋର୍ଟ ଅନୁଯାୟୀ, ହସନ ପାକିସ୍ତାନର ସବୁଠାରୁ ମୋଟା ଓ ଓଜନିଆ ବ୍ୟକ୍ତି ଥିଲେ । କିନ୍ତୁ ଏହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ତା ପୁର୍ବରୁ ୨୦୧୭ ମସିହାରେ ୩୬୦ କିଲୋ ଓଜନର ଜଣେ ବ୍ୟକ୍ତିଙ୍କୁ ନେଇ ଚର୍ଚ୍ଚା ହୋଇଥିଲା । ସେହି ବ୍ୟକ୍ତିଙ୍କର ଲାପ୍ରୋସ୍କୋପିକ ସର୍ଜରୀ କରାଯାଇଥିଲା । ଫଳରେ ତାଙ୍କ ଓଜନ ୨୦୦ କିଲୋ କମିଯାଇଥିଲା ।

   Related Posts