Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଚିଟ୍‌ଫଣ୍ଡ ସଂସ୍ଥାଠୁ ବଳିଗଲା ସମବାୟ ସଂସ୍ଥା : ମିଳିମିଶି ଖାଇଗଲେ ଚାଷୀଙ୍କର ୫କୋଟିରୁ ଅଧିକ ଟଙ୍କା, କ୍ରାଇମ୍‌ବ୍ରାଞ୍ଚ ତଦନ୍ତ ଦାବି

19/12/2018 at 5:02 PM

ନୟାଗଡ ୧୯|୧୨: ମିଳିମିଶି ଖାଇଗଲେ ଚାଷୀଙ୍କର ୫କୋଟିରୁ ଅଧିକ ଟଙ୍କା । ନୟାଗଡ଼ ଜିଲ୍ଲା କୁରାଳ ସମବାୟ ସମିତିରେ ଲାଭ ଆଶାରେ ଟଙ୍କା ରଖିଥିବା ତିନି ହଜାରରୁ ଅଧିକ କ୍ଷୁଦ୍ର ଜମାକାରୀ ଚାଷୀ ଏବେ କିପରି ସେମାନଙ୍କ ଟଙ୍କା ଫେରସ୍ତ ପାଇବେ ସେହି ଚିନ୍ତାରେ । ଜମାକାରୀମାନେ ଆନ୍ଦୋଳନ କରିଥିଲେ ମଧ୍ୟ କିଛି ସୁଫଳ ମିଳିନି । ଅନ୍ୟପକ୍ଷରେ ତଦନ୍ତ ଏବଂ କାର୍ଯ୍ୟାନୁଷ୍ଠାନର ଆଶ୍ବାସନା ଦେଇ ଚୁପ୍ ବସିଛନ୍ତି କର୍ତ୍ତୃପକ୍ଷ ।

ସମବାୟ ସମିତିରେ ୫ କୋଟି ଚଳୁ । ଚିଟ୍‌ଫଣ୍ଡ ସଂସ୍ଥା ଭଳି ସମବାୟ ସମିତି ଲୁଟିନେଇଛି ହଜାର ହଜାର ଚାଷୀଙ୍କର ଟଙ୍କା । ଆନ୍ଦୋଳନକୁ ଓହ୍ଲାଇଛନ୍ତି ନୟାଗଡ଼ କୁରାଳ ଅଞ୍ଚଳର ୩ ହଜାରରୁ ଅଧିକ ଚାଷୀ।

ନିଜ ପେଟରୁ କାଟି ଭବିଷ୍ୟତ ପାଇଁ ସଞ୍ଚିଥିବା ଏହି ଚାଷୀ ମାନେ ରଖିଥିବା ଜମା ରଖିଥିବା ୫ କୋଟିରୁ ଅଧିକ ଟଙ୍କା ହଡ଼ପ କରି ସଂପାଦକ ଓ କର୍ମଚାରୀ ମାରିଛନ୍ତି  ଛୁ’। ନୟାଗଡ଼ ଏଆର୍‌ସିଏ କାର୍ଯ୍ୟାଳୟ ଆଗରେ ବିକ୍ଷୋଭ କରୁଥିବା ଏହି ଚାଷୀ ର ଦାବି ଦୋଷୀଙ୍କୁ ତୁରନ୍ତ ଗିରଫ କରାଯିବା ସହିତ ସେମାନଙ୍କର ଜମା ଟଙ୍କା ଫେରସ୍ତ ମିଳୁ।

ଜମାକାରୀ ଚାଷୀଙ୍କର ସଂଖ୍ୟା ୩୮୦୨ । ମୋଟ୍‌ ଜମାରାଶି ୫ କୋଟି ୭୬ ଲକ୍ଷ ଟଙ୍କା । ନୟାଗଡ଼ କୁରାଳ ଓ ରଙ୍ଗଣୀ ପାଟଣା ସମବାୟ ସମିତିରେ ଜମା ରଖିଥିବା ଚାଷୀ ମାଚ୍ୟୁରିଟି ପରେ ଟଙ୍କା ଫେରସ୍ତ ପାଇବାକୁ ବ୍ୟାଙ୍କକୁ ଯିବା ପରେ ଯାହା ଶୁଣିଲେ ସେଥିରେ ଚାଷୀଙ୍କର ମୁଣ୍ଡ ଚକ୍କର କାଟିଯାଇଥିଲା । ସମବାୟ ସମିତି ସଂପାଦକ କାଳୁ ଚରଣ ରାଉତ ସବୁ ଟଙ୍କା ଚଳୁ କରିନେଇଥିବା ଜଣାପଡ଼ିଛି। ଏହାପରଠାରୁ ଜମାକାରୀ ସଂପାଦକଙ୍କ ଘର ଠାରୁ ଆରମ୍ଭ କରି ଓଡ଼ଗାଁ କେନ୍ଦ୍ର ସମବାୟ ବ୍ୟାଙ୍କ ଓ  ଏ.ଆର୍‌.ସି.ଏସ୍‌.ଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ କରିଛନ୍ତି। କିନ୍ତୁ ଫଳ ଶୂନ୍‌ । ପୂର୍ବତନ ସଂପାଦକ ଏବଂ ଅନ୍ୟଜଣଙ୍କ ନାଁରେ ମାମଲା ରୁଜୁ ହୋଇଥିବା ବେଳେ ଟଙ୍କା ଫେରସ୍ତ ଦିଆଯିବ ବୋଲି କର୍ତ୍ତୃପକ୍ଷ କହିଛନ୍ତି । କ୍ରାଇମବ୍ରାଞ୍ଚ ଅର୍ଥନୈତିକ ଅପରାଧ ଶାଖା ଏହାର ତଦନ୍ତ କରିବାକୁ ଜମାକାରୀ ଦାବି କରିଛନ୍ତି ।

   Related Posts