ରେକଜାଭିକ୍ ୧୨।୪: ବର୍ତ୍ତମାନ ସୁଦ୍ଧା ୩ ଲକ୍ଷ ୧୬ ହଜାର ଜନସଂଖ୍ୟା ବିଶିଷ୍ଟ ଦେଶ ଆଇସଲ୍ୟାଣ୍ଡରେ କରୋନା ଭାଇରସ୍ ଯୋଗୁଁ ୮ ଜଣଙ୍କର ମୃତ୍ୟୁ ହୋଇଛି । ଏହି ଦେଶର ଲୋକମାନଙ୍କୁ ଲାଗୁଥିଲା ଯେ ସେମାନଙ୍କ ଦେଶ କରୋନା ଭାଇରସ୍ କବଳରୁ କିଛି ମାତ୍ରାରେ ରକ୍ଷା ପାଇଯାଇଛି । କିନ୍ତୁ ଯେତେବେଳେ ବହୁଳ ଭାବେ ପରୀକ୍ଷା କରାଗଲା ସେତେବେଳେ କରୋନା ପଜିଟିଭ୍ ଚିହ୍ନଟ ହୋଇଥିବା ଅଧାରୁ ଅଧିକ ଲୋକଙ୍କଠାରେ ଏହି ରୋଗର କୌଣସି ଲକ୍ଷଣ ନଥିଲା ।
{"id":253055,"sizeSlug":"large"}ପରୀକ୍ଷା ଏବଂ ଚିକିତ୍ସା ସୁବିଧା ଅଭାବ ହେତୁ ବର୍ତ୍ତମାନ ବିଶ୍ବର ଅଧିକାଂଶ ଦେଶରେ ଲକ୍ଷଣ ନଥିବା ଲୋକଙ୍କର କରୋନା ପରୀକ୍ଷା କରାଯାଉ ନାହିଁ । ବିଶେଷକରି ଯେତେବେଳେ ସେମାନେ ସଂକ୍ରମିତ ହୋଇଥିବା କୌଣସି ବ୍ୟକ୍ତିଙ୍କୁ ଭେଟି ନାହାଁନ୍ତି । କିନ୍ତୁ ଆଇସଲ୍ୟାଣ୍ଡ ଏହିପରି ଲୋକଙ୍କୁ ପରୀକ୍ଷା କରିବାକୁ ନିଷ୍ପତ୍ତି ନେଇଛି ।
{"id":252988,"sizeSlug":"large"}ଆଇସଲ୍ୟାଣ୍ଡରେ ୩୬୪୧୩ ଲୋକଙ୍କ ପରୀକ୍ଷା କରାଯାଇଛି । ଏହାର ଅର୍ଥ ହେଉଛି ସମୁଦାୟ ଜନସଂଖ୍ୟାର ୧୦ ପ୍ରତିଶତ ପରୀକ୍ଷା କରାଯାଇଛି । ବ୍ରିଟେନରେ ଏପର୍ଯ୍ୟନ୍ତ କେବଳ ୦.୪୮ ପ୍ରତିଶତ ଲୋକ ପରୀକ୍ଷା କରିଛନ୍ତି । ଆଇସଲ୍ୟାଣ୍ଡରେ ଏପର୍ଯ୍ୟନ୍ତ ପ୍ରାୟ ୧୬୦୦ଲୋକ ସଂକ୍ରମିତ ହୋଇଥିବା ଜଣାପଡିଛି । ଅର୍ଥାତ୍ ୪.୩ ପ୍ରତିଶତ ଲୋକ ପରୀକ୍ଷା କରିଥିଲେ । କିନ୍ତୁ ଯେଉଁମାନଙ୍କଠାରେ ପଜିଟିଭ୍ ମିଳିଥିଲା ସେମାନଙ୍କ ମଧ୍ୟରୁ ଅଧାରୁ ଅଧିକ ଯେଉଁମାନଙ୍କଠାରେ ପୂର୍ବରୁ କୌଣସି ଲକ୍ଷଣ ନଥିଲେ ।
{"id":253054,"sizeSlug":"large"}ଅନ୍ୟ ଦେଶମାନଙ୍କ ପରି ଆଇସଲ୍ୟାଣ୍ଡରେ ଡାକ୍ତରୀ କର୍ମଚାରୀ ଏବଂ ସୁବିଧା ଅଭାବର ସମ୍ମୁଖୀନ ହେଉଛି । ଏଠାରେ ନ୍ୟାସନାଲ ୟୁନିଭରସିଟି ହସପିଟାଲ ଲୋକଙ୍କ କରୋନା ଭାଇରସ୍ ପରୀକ୍ଷା କରେ ଯାହାର ଅବସ୍ଥା ଗୁରୁତର ହୋଇପଡିଛି କିମ୍ବା ଯେଉଁମାନଙ୍କଠାରେ ଲକ୍ଷଣ ଦେଖାଯାଉଛି । ଅନ୍ୟପଟେ ଡିକୋଡେ ଜେନେଟିକ୍ସ ନାମକ ଏକ କମ୍ପାନୀକୁ ବହୁ ପରିମାଣରେ ଲୋକଙ୍କୁ ପରୀକ୍ଷା କରିବାକୁ କୁହାଯାଇଛି । ଯାହାର କୌଣସି ଲକ୍ଷଣ ନାହିଁ ଏବଂ ଯାହାକୁ କ୍ବାରେଣ୍ଟାଇନ୍ କରାଯାଇ ନାହିଁ ।
{"id":252815,"sizeSlug":"large"}ବିଶ୍ବର ଅନେକ ସ୍ବାସ୍ଥ୍ୟ ବିଶେଷଜ୍ଞ ଅପିଲ କରୁଛନ୍ତି ଯେ ସମସ୍ତ ପ୍ରଭାବିତ ଦେଶରେ ଅଧିକରୁ ଅଧିକ ଲୋକଙ୍କର କରୋନା ପରୀକ୍ଷା କରାଯାଉ । ଯାହାଦ୍ବାରା ସେମାନଙ୍କୁ ଆଇସୋଲେଟ୍ କରାଯାଇପାରିବ । ଅନେକ ଥର ଯେପର୍ଯ୍ୟନ୍ତ ଜଣେ ବ୍ୟକ୍ତିଙ୍କଠାରେ ସଂକ୍ରମଣର ଲକ୍ଷଣ ଦେଖାଇବା ଆରମ୍ଭ ହୋଇଥାଏ ସେ ଅନେକ ଲୋକଙ୍କ ସଂସ୍ପର୍ଶରେ ଆସିଯାଇଥାନ୍ତି ।