Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ରାଡାର ଜଣାଇଲା ସତ : ବିଦ୍ୟାଳୟ ପରିସରରୁ ଉଦ୍ଧାର ହେଲା ୨୧୫ ପିଲାଙ୍କ ମୃତଦେହ, ସନ୍ଦେହରେ ସ୍କୁଲ କର୍ତ୍ତୃପକ୍ଷଙ୍କ ଭୂମିକା

30/05/2021 at 10:08 AM

ଟରଣ୍ଟୋ ୩୦/୫ : କାନାଡାର ଏକ ସ୍କୁଲରୁ ନଜର ଆସିଛି ଅଭାବନୀୟ ଦୃଶ୍ୟ । ମାଟିତଳୁ ଉଦ୍ଧାର ହୋଇଛି ୨୧୫ ଶିଶୁଙ୍କ ମୃତଦେହ । ଏଥିମଧ୍ୟରୁ କେତେକଙ୍କ ବୟସ ୩ ବର୍ଷ ହେବା ବୋଲି ଅନୁମାନ କରାଯାଉଛି । ଏହି ବିଦ୍ୟାଳୟକୁ କାନାଡାର ସର୍ବବୃହତ ଆବାସିକ ବିଦ୍ୟାଳୟ ବୋଲି ଗଣାଯାଏ । ଯେଉଁ ସ୍କୁଲ କ୍ୟାମ୍ପସରେ ଏହି ମୃତଦେହ ମିଳିଛି ଏହାର ନାମ କେମଲୁପ୍ସ ଇଣ୍ଡିଆନ୍ ରେସିଡେନ୍ସିଆଲ୍ ସ୍କୁଲ୍ ।

ଜଣେ ସ୍କୁଲ ଅଧିକାରୀ ରୋଜାନେ କାସିମିର କହିଛନ୍ତି ଯେ ରାଡାର ସାହାଯ୍ୟରେ ସାମ୍ନାକୁ ଆସିଥିଲା ସତ । ଗତ ସପ୍ତାହରେ ମୃତଦେହକୁ କବର ଦେବା ବିଷୟରେ ସୂଚନା ମିଳିଥିଲା । ତେବେ ତଦନ୍ତ ଜାରି ରହିଥିବାରୁ ଆଗକୁ ଅଧିକ ମୃତଦେହ ଉଦ୍ଧାର କରାଯାଇପାରେ ବୋଲି ସେମାନେ ଆଶଙ୍କା କରିଛନ୍ତି । ସେ କହିଛନ୍ତି ଯେ “ଏହା ଏକ କ୍ଷତି ଯାହା ବିଷୟରେ ଆପଣ କେବେ ଚିନ୍ତା କରିପାରିବେ ନାହିଁ । ପୂର୍ବରୁ ଇତିହାସରେ ମଧ୍ୟ ଏଭଳି ଘଟଣା ଘଟିବାର ନଜର ନାହିଁ ।

ରୋଜେନ କୁହନ୍ତି, ଉନବିଂଶମ ଶତାବ୍ଦୀର ଆରମ୍ଭରୁ ୧୯୭୦ ଦଶକ ପର୍ଯ୍ୟନ୍ତ ଦେଶର ବିଭିନ୍ନ ସ୍ଥାନରୁ ପ୍ରାୟ ଦେଢଲକ୍ଷରୁ ଅଧିକ ପିଲାଙ୍କୁ ଏହି ଖ୍ରିଷ୍ଟିୟାନ ବିଦ୍ୟାଳୟକୁ ଅଣାଯାଇଥିଲା । ତେବେ ସେମାନ ଖ୍ରୀଷ୍ଟିଆନ ଧର୍ମ ଗ୍ରହଣ କରିବାକୁ ବାଧ୍ୟ କରାଯାଇଥିଲା । ଏପରକି ସେମାନଙ୍କର ମାତୃଭାଷା ମଧ୍ୟ କହିବାକୁ ଅନୁମତି ଦିଆଯାଇନଥିଲା । ଦରକାର ପଡିଲେ ଅନେକଙ୍କୁ ମାଡ ମଧ୍ୟ ଦିଆଯାଇଥିଲା ।

କୁହାଯାଏ ଯେ ଏହି ସମୟ ମଧ୍ୟରେ ପ୍ରାୟ ୬ ହଜାର ଶିଶୁ ପ୍ରାଣ ହରାଇଥିଲେ । ଏହାକୁ ନେଇ ୨୦୦୮ରେ କାନାଡା ସରକାର ସଂସଦରେ କ୍ଷମାପ୍ରାର୍ଥନା ବି କରିଥିଲେ । ଏବଂ ଏହାକୁ ବି ସ୍ୱିକାର କରିଥିଲେ ଯେ, ସେହି ସମୟରେ ଖ୍ରୀଷ୍ଟିଆନ ବିଦ୍ୟାଳୟରେ ପିଲାମାନଙ୍କୁ ଶାରୀରିକ ତଥା ଯୌନ ଉତ୍ପୀଡନର ଶିକାର ମଧ୍ୟ କରାଯାଉଥିଲା ।

   Related Posts