Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ୪୧ ବର୍ଷ ପରେ କ୍ଵାର୍ଟର ଫାଇନାଲ୍‌ରେ ଭାରତୀୟ ମହିଳା ହକି ଦଳ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୯୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ଡିସଚାର୍ଜ, ଜାଣନ୍ତୁ କେଉଁ ଜିଲ୍ଲାରୁ କେତେ ସୁସ୍ଥ
  • ||
  • ଭୁବନେଶ୍ବରରୁ ଦିନକରେ ୩୫୪ କରୋନା ଆକ୍ରାନ୍ତ ଚିହ୍ନଟ, ୨୩୯ ସୁସ୍ଥ
  • ||
  • ଭାରତ-ଚୀନ ମଧ୍ୟରେ ଥମିବ କି ବିବାଦ ! ୯ ଘଣ୍ଟା ଧରି ଚାଲିଲା ୧୨ତମ ବୈଠକ, ଗୋଗରା-ହଟ୍ ସ୍ପ୍ରିଙ୍ଗରୁ ସୈନ୍ୟ ପ୍ରତ୍ୟାହାର ଉପରେ ଜୋର
  • ||
  • ଜେଲ୍‌ ଗଲେ କୋଟିପତି ପିଏସ୍‌ ବିରଞ୍ଚି ସାହୁ
  • ||
  • ସେମି ଫାଇନାଲରେ ହାରିଲେ ସିନ୍ଧୁ, ଧୂଳିସାତ ହେଲା ସ୍ଵର୍ଣ୍ଣ ପଦକ ଆଶା, ଏବେ କାଂସ୍ୟ ଉପରେ ନଜର
  • ||
  • ସରକାରୀ-ବେସରକାରୀ ସ୍ବିମିଂ ପୁଲ ଖୋଲିବ
  • ||
  • ମୀନା ବଜାର ଖୋଲାଯାଇପାରିବ
  • ||
  • ଭୋଜିଭାତ ଉପରେ ପୂର୍ବବତ କଟକଣା ରହିବ
  • ||
  • ବିବାହରେ ୨୫, ଶୁଦ୍ଧିକ୍ରିୟାରେ ୨୦ ଜଣଙ୍କୁ ଅନୁମତି
  • ||

ଯାଞ୍ଚ ପରେ ଗାୟବ ହୋଇଗଲେ ୨୨୯୦ କରୋନା ପଜିଟିଭ : ଦେଇଥିଲେ ଭୁଲ ନାଁ ଓ ଠିକଣା

3/08/2020 at 9:33 AM

ଲଖନଉ ୦୩/୦୮ : ଉତ୍ତର ପ୍ରଦେଶ ରାଜଧାନୀ ଲଖନଉରେ ଶହ ଶହ କରୋନା ସଂକ୍ରମିତ ରୋଗୀ ସରକାରୀ ରେକର୍ଡରେ ଭୁଲ ନାମ, ଠିକଣା, ମୋବାଇଲ ନମ୍ବର ଦର୍ଜ କରି ଗାୟବ ହୋଇଯାଇଛନ୍ତି | ଏହି ତାଲିକା ଯେତେବେଳେ ପୋଲିସ ସର୍ଭିଲେନ୍ସ ଟିମକୁ ହସ୍ତାନ୍ତର କରାଯାଇଥିଲା ୧୧୭୧ କରୋନା ପଜିଟିଭ ରୋଗୀଙ୍କୁ ଖୋଜାଯାଇଥିଲା | ଆହୁରି ୧୧୧୯ ରୋଗୀଙ୍କ ଏବେ ମଧ୍ୟ ଖୋଜା ଚାଲିଛି | ଜୁଲାଇ ୨୩ ରୁ ୩୧ ତାରିଖ ମଧ୍ୟରେ ଏହି ରୋଗୀମାନଙ୍କ ଯାଞ୍ଚ କରାଯାଇଥିଲା | ଯାଞ୍ଚ ପରେ ସମସ୍ତେ ଗାୟବ ହୋଇଯାଇଥିଲେ | ପ୍ରଶାସନ ଯେତେବେଳେ ଏମାନଙ୍କ ନାମ, ଠିକଣା ଯାଞ୍ଚ କଲା ସେସବୁ ଫର୍ଜୀ ବୋଲି ଜଣାପଡିଥିଲା | ଏହାପରେ ଏହି ତାଲିକା ପୋଲିସକୁ ହସ୍ତାନ୍ତର କରାଯାଇଥିଲା | ବର୍ତ୍ତମାନ ସର୍ଭିଲେନ୍ସ ଟିମ ଏମାନଙ୍କୁ ଖୋଜିବାରେ ଲାଗିଛି | 

ପୋଲିସ କମିଶନର ଏହି ରୋଗୀଙ୍କ ତଲାଶ ପାଇଁ କୋଭିଡ-୧୯ ସର୍ଭିଲେନ୍ସ ଟିମକୁ ଦାୟିତ୍ୱ ଦିଆଯାଇଛି | ବର୍ତ୍ତମାନ ଯାଏଁ ମିଳିଥିବା ୧୧୭୧ ରୋଗୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି | ଭୁଲ ସୂଚନା ଦେଇଥିବାରୁ ଏମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ହେବ | ପୋଲିସ କମିଶନର ସୁଜିତ ପାଣ୍ଡେଙ୍କ କହିବାନୁଯାୟୀ, କରୋନା ସଂକ୍ରମଣ ଚେନ ଭାଙ୍ଗିବା ପାଇଁ ହଜାର ହଜାର ସଂଖ୍ୟାରେ ଯାଞ୍ଚ କରାଯାଇଛି | ଅନେକ ଜାଗାରେ ଶିବିର କରି ଲୋକଙ୍କ ଯାଞ୍ଚ କରାଯାଇଥିଲା | ଏତିକିବେଳେ ଲୋକେ ଫର୍ମରେ ଭୁଲ ନାମ, ଠିକଣା, ମୋବାଇଲ ନମ୍ବର ଦେଇଥିଲେ | ଯାଞ୍ଚ ରିପୋର୍ଟ ଆସିବା ପରେ ଯେତେବେଳେ ଏମାନଙ୍କୁ ଖୋଜାଯାଇଥିଲା ନାମ, ଠିକଣା ଭୁଲ ଥିବା ଜଣାପଡିଥିଲା | 

ଅପରପକ୍ଷରେ ଜିଲ୍ଲା ପ୍ରଶାସନ ରବିବାର ଦିନ କୋଭିଡ-୧୯ ପ୍ରୋଟୋକଲ ଉଲଙ୍ଘନ କରିଥିବାରୁ ୧୮୯ ଲୋକଙ୍କ ଠାରୁ ୭୦ ହଜାର ଟଙ୍କା ଜରିମାନା ଅସୁଲ କରିଛି | ଜିଲ୍ଲା ଅଧିକାରୀ ଅଭିଷେକ ପ୍ରକାଶ କହିଛନ୍ତି ଯେ ଏ ପର୍ଯ୍ୟନ୍ତ ୭୧୭୯ ଲୋକଙ୍କ ଠାରୁ ୨୭ ଲକ୍ଷ ୧୩ ହଜାର ୬୬୭ ଟଙ୍କା ଜରିମାନା ଅସୁଲ କରିସାରିଛନ୍ତି |

   Related Posts