Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାବିତ୍ରୀ ଭୋଗ ଖାଇ ୧୦ରୁ ଅଧିକ ଗୁରୁତର, ମେଡିକାଲରେ ଭର୍ତ୍ତି

23/05/2020 at 3:06 PM

ଭଦ୍ରକ ୨୩।୦୫ : ସାବିତ୍ରୀ ବ୍ରତରେ ଭୋଗ ଖାଇ ୧୦ରୁ ଅଧିକ ମେଡିକାଲରେ ଭର୍ତ୍ତି ହୋଇଛନ୍ତି । ଅସୁସ୍ଥଙ୍କ ମଧ୍ୟରେ ଅଧିକାଂଶ ମହିଳା ଓ ଶିଶୁ ଥିବା ଜଣାପଡିଛି ।ସାବିତ୍ରୀ ବ୍ରତ ପାଇଁ , ଗାଁ ନିକଟ ଠାକୁରାଣୀ ଙ୍କ ନିକଟ ରେ ପୂଜା ହୋଇଥିଲା । ପରେ ଏହି ଭୋଗ ଖାଇବା ପରେ ଝାଡା ଓ ବାନ୍ତି ହେବାରୁ ମହିଳା ଓ ଶିଶୁଙ୍କୁ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ରାମପୁର ଗାଁର ଠାକୁରାଣୀ ନିମାଇଁଶୁଣିଙ୍କ ନିକଟରେ ସାବିତ୍ରୀ ବ୍ରତ ପାଇଁ ପୂଜା ହୋଇଥିଲା । ପରେ ଭୋଗ ନେଇ ମହିଳା ମାନେ ଘରକୁ ଫେରିଥିଲେ । କିନ୍ତୁ ଭୋଗ ଖାଇବା ପରେ ଝାଡା ଓ ବାନ୍ତି ହୋଇଥିଲା । ଘରର ଯେଉଁ ମାନେ ଭୋଗ ଖାଇଥିଲେ ସମସ୍ତେ ବାନ୍ତି କରିବାରୁ ଲୋକେ ତାଙ୍କୁ କେନ୍ଦୁଆପଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି । ୧୦ରୁ ଅଧିକ ମହିଳା ଓ ଛୋଟ ପିଲା ମେଡିକାଲରେ ଭର୍ତ୍ତି ହୋଇଛନ୍ତି । ଗାଁରେ ଅଧିକାଂଶ ଲୋକଙ୍କୁ ମଧ୍ୟ ସମାନ ଅବସ୍ଥା ଥିବାରୁ ଏକ ମେଡିକାଲ ଟିମ୍‌ ଗାଁକୁ ଯାଇଥିବା ସୂଚନା ମିଳିଛି ।

   Related Posts