Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||
  • ପଶ୍ଚିମ ଓଡିଶାରେ କରୋନା ପରିଚାଳନା ଦାୟିତ୍ୱ ନେବ ଡବ୍ଲ୍ୟୁଓଡିସି, ୧୦ ଜିଲ୍ଲାକୁ ଦେଲା ୨୫ କୋଟି ଟଙ୍କା
  • ||
  • ଅମାନିଆଙ୍କୁ ସାବାଡ୍ କରିବାକୁ ଯାଇଥିଲେ, ତହସିଲଦାରଙ୍କୁ ବାଟୁଳି ମାଡ କଲେ ଲୋକେ
  • ||
  • କବର ଦେବାକୁ ଘରେ ନଥିଲେ କେହି ପୁରୁଷ, ପିପିଇ କିଟ୍ ପିନ୍ଧି ମୁସଲିମ୍ ବୃଦ୍ଧଙ୍କ ଶେଷକୃତ୍ୟ ସମ୍ପନ୍ନ କଲେ ବିଡିଓ
  • ||
  • ପୃଥିବୀରେ ହେବ ଉଲକା ବର୍ଷା, ଏହି ଦିନ ଆକାଶରେ ଦେଖିବାକୁ ମିଳିବ ଦୁର୍ଲଭ ଦୃଶ୍ୟ…
  • ||

ଆମେରିକା ଥରହର : ଭିଏତନାମ ଯୁଦ୍ଧକୁ ବଳିଗଲା କରୋନା ମହାମାରୀ, ମୃତ୍ୟୁସଂଖ୍ୟା ଛୁଇଁଲା ୫୮,୩୬୫

29/04/2020 at 8:44 AM

ଓ୍ବାଶିଂଟନ୍ ୨୯।୪: କରୋନା ଭାଇରସ୍ ମହାମାରୀ ଆମେରିକାରେ ହଇଚଇ ସୃଷ୍ଟି କରୁଛି । ଏହି ଭାଇରସ୍ ଯୋଗୁଁ ମୃତ୍ୟୁ ସଂଖ୍ୟା ୬୦ ହଜାର ଛୁଇଁବାକୁ ବସିଲାଣି । ଗତ ୨୪ ଘଣ୍ଟା ମଧ୍ୟରେ ଆମେରିକାରେ କରୋନା ଭାଇରସ୍ ଯୋଗୁଁ ୨୨୦୭ ଲୋକଙ୍କ ମୃତ୍ୟୁ ଘଟିଛି । ଗତ କିଛି ଦିନ ମଧ୍ୟରେ ମୃତ୍ୟୁ ସଂଖ୍ୟା ହ୍ରାସ ପାଇବା ପରେ ପୁଣି ଥରେ ଏହି ସଂଖ୍ୟା ବଢିବାରେ ଲାଗିଛି ।

ଜନ ହପକିନ୍ସ ବିଶ୍ବବିଦ୍ୟାଳୟ ଅନୁଯାୟୀ, ଆମେରିକାରେ ଏପର୍ଯ୍ୟନ୍ତ ୧୦ ଲକ୍ଷରୁ ଅଧିକ ଲୋକ କରୋନା ଭାଇରସ୍ ସଂକ୍ରମିତ ହୋଇଛନ୍ତି । ଯାହା କୌଣସି ଦେଶ ତୁଳନାରେ ସର୍ବାଧିକ । ସମୁଦାୟ ୧୦,୧୦,୭୧୭ ଲୋକ କରୋନା ଭାଇରସ୍ ଶିକାର ହୋଇଥିବାବେଳେ ୫୮,୩୬୫ରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ତେବେ କରୋନାଜନିତ ମୃତ୍ୟସଂଖ୍ୟା ଭିଏତନାମ ଯୁଦ୍ଧ ସମୟରେ ହୋଇଥିବା ମୃତ୍ୟୁଠାରୁ ଅଧିକ ।

୨୦ ବର୍ଷ ଧରି ଭିଏତନାମରେ ହୋଇଥିବା ଯୁଦ୍ଧରେ ମୋଟ୍ ୫୮,୨୨୦ ଆମେରିକୀୟଙ୍କର ମୃତ୍ୟୁ ଘଟିଥିଲା । ଆମେରିକା ଏବଂ ଭିଏତନାମ ମଧ୍ୟରେ ୧୯୫୫ ରୁ ୧୯୭୫ ମଧ୍ୟରେ ଯୁଦ୍ଧ ହୋଇଥିଲା । ଏହି ଗୃହଯୁଦ୍ଧ ପରେ ଆମେରିକାର ଇତିହାସରେ ସବୁଠାରୁ ଖରାପ ସଂଘର୍ଷ ବୋଲି ପ୍ରମାଣିତ ହୋଇଥିଲା । ବର୍ତ୍ତମାନ ଚୀନ୍ ଉହାନରୁ ଉତ୍ପନ ହୋଇଥିବା କରୋନା ଭାଇରସ୍ ବିସ୍ତାର ହେତୁ ଏପର୍ଯ୍ୟନ୍ତ ୫୮,୩୬୫ ଆମେରିକୀୟଙ୍କ ମୃତ୍ୟୁ ଘଟିଛି । କରୋନା ଭାଇରସ୍ ଯୋଗୁଁ ଆମେରିକା ଚାରି ମାସ ମଧ୍ୟରେ ଭିଏତନାମ ଯୁଦ୍ଧ ଅପେକ୍ଷା ଅଧିକ ମୃତ୍ୟୁ ସଂଖ୍ୟାକୁ ଛୁଇଁଛି ।

ଆମେରିକାରେ ବର୍ତ୍ତମାନ ସୁଦ୍ଧା ୫୮ଲକ୍ଷରୁ ଅଧିକ ଲୋକଙ୍କର କରୋନା ଭାଇରସ୍ ପରୀକ୍ଷା ସରିଛି । ଗତ ରବିବାର ଏବଂ ସୋମବାର ଦିନ ଆମେରିକାରେ ମୃତ୍ୟୁ ସଂଖ୍ୟା ପ୍ରାୟ ୧୦୦୦ ଏବଂ ୧୨୦୦କୁ ହ୍ରାସ ପାଇଥିଲା । ସେତେବେଳେ ଆଶା ଥିଲା ଯେ ଆମେରିକାରେ ମୃତ୍ୟୁ ହାର କମୁଛି । କିନ୍ତୁ ବର୍ତ୍ତମାନ ପୁଣି ଥରେ ଏହି ସଂଖ୍ୟା ବଢୁଛି ।

   Related Posts