ଭୁବନେଶ୍ୱର ୦୪।୦୧ - ଥଣ୍ଡାରେ ଥରୁଛି ସାରା ଓଡ଼ିଶା । ବର୍ଷା ଏବଂ କୋହଲା ପାଗ ଯୋଗୁଁ ଲୋକେ ଘରୁ ବାହାରିବା ମୁସ୍କିଲ। ଜରୁରୀ କାମ ନଥିଲେ ଲୋକେ ଘରୁ ବାହାରକୁ ବାହାରୁନାହାନ୍ତି । ତେବେ ଆସନ୍ତା ୨୪ ଘଣ୍ଟା ପରେ ପାଗରେ ପରିବର୍ତ୍ତନ ଆସିବ, ବର୍ଷାର ପରିମାଣ କମିଯିବ। ୬ ତାରିଖରୁ ଥଣ୍ଡାର ପ୍ରକୋପ ପୁଣି ବଢିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ସେପଟେ ଅସମୟରେ ବର୍ଷା ଚାଷୀଙ୍କ ଚିନ୍ତା ବଢ଼ାଇ ଦେଇଛି । ଖଳା ଆଉ ମଣ୍ଡିରେ କେମିତି ଧାନ ଭିଜୁଛି ଆସନ୍ତୁ ଦେଖିବା ।…

{"id":206820,"sizeSlug":"large"}

କୋହଲା ପାଗ ସାଙ୍ଗକୁ ଝିପିଝିପି ବର୍ଷା ।… ଘନ କୁହୁଡ଼ି ଯୋଗୁଁ ସୂର୍ଯ୍ୟଙ୍କର ଦେଖା ନାହିଁ। କଲିଜା ଥରା ଶୀତରେ ଥରୁଛି ସାରା ଓଡ଼ିଶା। ୧୪୫ଟି ଷ୍ଟେସନରୁ ୧୩୦ଟି ଷ୍ଟେସନରେ ଲାଗି ରହିଛି ବର୍ଷା ।

{"id":206822,"sizeSlug":"large"}

ତାଳଚେରରେ ସର୍ବାଧିକ ୫୮ ମିଲିମିଟର ବର୍ଷା ରେକର୍ଡ ହୋଇଥିବା ବେଳେ, କଙ୍କଡ଼ାହାଡ଼ରେ ୪୯.୨, ଆନନ୍ଦପୁରରେ ୩୭ ମିଲିମିଟର ବର୍ଷା ହୋଇଛି । ଆସନ୍ତାକାଲି ପାଇଁ ଜଗତସିଂହପୁର, ଭଦ୍ରକ, କେନ୍ଦୁଝର ଭଳି ୧୪ଟି ଜିଲ୍ଲାରେ ୟେଲୋ ୱାର୍ଣ୍ଣିଂ ଜାରି କରାଯାଇଛି । ୨୪ ଘଣ୍ଟା ପରେ ବର୍ଷାର ପରିମାଣ କମିବ। ଆଭ୍ୟନ୍ତରୀଣ ଓଡ଼ିଶାର ଗୋଟିଏ ଦୁଇଟି ସ୍ଥାନରେ କଁ ଭାଁ ବର୍ଷା ହେବ । ୬ ତାରିଖରୁ ଥଣ୍ଡାର ପ୍ରକୋପ ବଢିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।…

{"id":206823,"sizeSlug":"large"}

ଏପଟେ ତିନି ଦିନ ଧରି ବର୍ଷା ଲାଗି ରହିଥିବାରୁ ଚାଷୀଙ୍କ ଚିନ୍ତା ବଢ଼ିଯାଇଛି। ଜମିରେ ପାଚିଲା ଧାନ ଭିଜୁଛି। ବର୍ଷା, କାଦୁଅ ଭିତରେ ଧାନ ଅମଳ କରିବା ଚାଷୀ ପାଇଁ ଏକବାର ମୁସ୍କିଲ୍ ହୋଇପଡ଼ିଛି l କେନ୍ଦ୍ରାପଡ଼ାରୁ ସୁବର୍ଣ୍ଣପୁର ସବୁଠି ଏଇ ସମାନ ସମସ୍ୟା । ମାଲକାନଗିରିରେ ମଣ୍ଡିରେ ପାଣିରେ ଭାସୁଛି ବସ୍ତାବସ୍ତା ଧାନ। ଝିପି ଝିପି ବର୍ଷା ଯୋଗୁଁ ଜିଲ୍ଲାର ଅନେକ ମଣ୍ଡିରେ ଏମିତି ଶହଶହ ବସ୍ତା ଧାନ ଭିଜୁଛି।…

{"id":206824,"sizeSlug":"large"}

ସେପଟେ ଅଦିନିଆ ବର୍ଷା ଯୋଗୁଁ କ୍ଷୟକ୍ଷତିର ଆକଳନ ନେଇ ଜିଲ୍ଲାପାଳମାନଙ୍କୁ ରିପୋର୍ଟ ମାଗିଛନ୍ତି ଏସଆରସି । ଜିଲ୍ଲାପାଳଙ୍କ ରିପୋର୍ଟ ଆସିବା ପରେ କ୍ଷୟକ୍ଷତିର ଭରଣା କରାଯିବ ବୋଲି କହିଛନ୍ତି ରାଜସ୍ବ ମନ୍ତ୍ରୀ ।…

ଗତବର୍ଷ ଦୁଇ ଦୁଇଟି ବାତ୍ୟାର ସାମ୍ନା କରିଥିବା ଚାଷୀ ଏବର୍ଷ ଆରମ୍ଭରୁ ଅଦିନିଆ ବର୍ଷାରେ ଫସଲ ନଷ୍ଟ ହେବା ଦେଖି ହତାଶ ହୋଇପଡ଼ିଛନ୍ତି ।…