Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ଚୀନ ଉପରେ ଭାରତର ଆଉ ଏକ ଡିଜିଟାଲ୍ ପ୍ରହାର: ଡାଟା ଚୋରି ଅଭିଯୋଗରେ ବ୍ୟାନ୍ ହେଲା ୪୭ ଆପ୍

27/07/2020 at 1:23 PM

ନୂଆଦିଲ୍ଲୀ ୨୭/୦୭ : ଭାରତ-ଚୀନ ମଧ୍ୟରେ ଚାଲିଥିବା ଉତ୍ତେଜନା ମଧ୍ୟରେ କେନ୍ଦ୍ର ସରକାର ଆହୁରି ୪୭ ଚାଇନା ଆପରେ ପ୍ରତିବନ୍ଧକ ଲଗାଇଛନ୍ତି | ସରକାର ଏହା ପୂର୍ବରୁ ୫୯ ଚାଇନା ଆପକୁ ବ୍ୟାନ କରିଥିଲେ | ବର୍ତ୍ତମାନ ସରକାର ୪୭ ଚାଇନା ଆପ ବ୍ୟାନ କରିଛନ୍ତି | ଏମାନଙ୍କ ମଧ୍ୟରୁ ଅଧିକାଂଶ ଆପ ପୂର୍ବରୁ ବ୍ୟାନ ହୋଇଥିବା ଆପର କ୍ଲୋନିଙ୍ଗ ଆପ ବୋଲି କୁହାଯାଉଛି |

ଏହି ୪୭ ଆପ ଦେଶର ଡାଟା ପ୍ରୋଟୋକଲ ଉଲଙ୍ଘନ କରୁଥିବା କୁହାଯାଇଛି ଏବଂ ଏହିସବୁ ଆପ ଡାଟା ଚୋରି କରୁଥିବା ଅଭିଯୋଗ ମଧ୍ୟ ହୋଇଛି | ଏହି ସବୁ ଆପ ୟୁଜର୍ସଙ୍କ ବ୍ୟକ୍ତିଗତ ଓ ଗୋପନ ତଥ୍ୟ ବ୍ୟବହାର କରୁଥିଲେ ଓ ଏମାନେ ଗୋପନୀୟତା ଆଇନ ଉଲଙ୍ଘନ କରିଛନ୍ତି | ଯେଉଁଥିପାଇଁ କେନ୍ଦ୍ର ସରକାର ଏହିସବୁ ଆପକୁ ବ୍ୟାନ କରିଛନ୍ତି |

ଜୁନ ୨୯ ତାରିଖରେ ଭାରତରେ ୫୯ ଚାଇନା ଆପ ବ୍ୟାନ କରାଯାଇଥିଲା | ବ୍ୟାନ ହୋଇଥିବା ଆପରେ ସାମିଲ ରହିଛି ଟିକଟକ, ୟୁସି ବ୍ରାଉଜର, ସେୟାରଇଟ, ହେଲ, ଲାଇକ, କ୍ୟାମ ସ୍କାନର ଇତ୍ୟାଦି | ଆଇଟି ଆକ୍ଟ ୨୦୦୦ ଅନୁଯାୟୀ ସରକାର ଏହିସବୁ ଆପ ବ୍ୟାନ କରିଥିଲେ | 

ଲଦାଖ ଗଲୱାନ୍ ଘାଟିରେ ଜୁନ ୧୫-୧୬ ତାରିଖରେ ଭାରତୀୟ ଓ ଚୀନ ସେନା ମଧ୍ୟରେ ହିଂସା ଘଟଣାରେ ଭାରତର ୨୦ ଯବାନ ଶହୀଦ ହୋଇଥିଲେ | ଏହାପରେ ଚୀନ ଓ ଚାଇନା ସାମଗ୍ରୀ ସମେତ ଚାଇନା ଆପକୁ ନେଇ ଭାରତୀୟଙ୍କ କ୍ରୋଧ ଉଗ୍ର ରୂପ ନେଇଥିଲା | ସାରା ଦେଶରେ ବିଭିନ୍ନ ସ୍ଥାନରେ ଚାଇନା ସାମଗ୍ରୀ ବର୍ଜନ କରିବାକୁ ଅଭିଯାନ ଆରମ୍ଭ ହୋଇଥିଲା | ଏହାପରେ ଜୁନ ୨୯ ତାରିଖରେ ସରକାର ୫୯ ଚାଇନା ଆପ ବ୍ୟାନ କରିଦେଇଥିଲେ | ଏଥିରେ ସାମିଲ ଥିଲା ସବୁଠାରୁ ଲୋକପ୍ରିୟ ଆପ ଟିକଟକ |

   Related Posts