Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ମାତିଛନ୍ତି ମୋରମ ଲୁଟେରା, ପ୍ରତିଦିନ ଚାଲାଣ ହେଉଛି ଶହଶହ ଟ୍ରିପ୍

5/07/2021 at 8:03 AM

ନୀଳଗିରି, ୦୫|୦୭: ବାଲେଶ୍ୱର ଜିଲ୍ଲା ନୀଳଗିରି ତହସିଲ ଅଧିନ ବିଭିନ୍ନ ସ୍ଥାନରେ ଦିନ ରାତି ମାତିଛନ୍ତି ମୋରମ ଲୁଟେରା। ସରକାରୀ ଓ ନିଜସ୍ୱ ଜମିରୁ ଦିନକୁ ଲକ୍ଷଲକ୍ଷ ଟଙ୍କାର ମୋରମ ବାହାରକୁ  ଚାଲାଣ କରୁଛନ୍ତି। ନୀଳଗିରି ତହସିଲ ଅଧିନ ସଜନାଗଡ଼,ଜଡ଼ିବାଲି,ଅଯୋଧ୍ୟା, ମାଟିଆଳି, ବରମପୁର, ଗୋହିରା,ବେଗୁନିଆ, ମିତ୍ରପୁର ଅଞ୍ଚଳରେ ଏବେ ମୋରମ ମାଫିଆ ସକ୍ରିୟ ହୋଇ ଉଠିଛନ୍ତି। ଫାର୍ମ ପଣ୍ଡ୍ ଆଳରେ ପୋଖରୀ ଗାଡ଼ିଆ ତାଡି ବାହାରୁ ଥିବା ମୋରମକୁ ଅର୍ଥ ଲାଳସା ଦେଖାଇ ମୋରମ ବେପାରୀ ନେଉଥିବା ଦେଖାଯାଇଛି।

ଆଉ କିଛି ଆଦିବାସୀ ନୀରିହ ଲୋକଙ୍କୁ ଗାଡ଼ିଆ ଖୋଳି ଦେବାର ପ୍ରଲଭନ ଦେଖାଇ ମଧ୍ୟ ମୋରମ ନେଇ ଯାଉଥିବାର ଦେଖାଯାଇଛି।ସ୍ୱଳ୍ପ ଜୋରିମାନା ଦେଇ ତାଠାରୁ ଦଶ ଗୁଣ ଅଧିକା ମୋରମ ନେଉଛନ୍ତି।ଗଛିତ ମୋରମକୁ ଜୋରିମାନା ଧାର୍ଯ୍ୟ କରାଯିବାର ନିୟମ ଥିବାବେଳେ ବେପାରୀ ମାନେ ଅତି ଚତୁରତା ସହ ଅଳ୍ପ ଗଛିତ କରି ସ୍ୱଳ୍ପ ରୟାଲଟି କାଟି ଚାଲାଣ କରିବାକୁ ଯେଉଁ ୬/୭ ଦିନ ସମୟ ପାଉଛନ୍ତି ସେହି ସମୟ ଭିତରେ ଦିନ ରାତି ଏକ କରି ମେସିନ ସାହାଯ୍ୟରେ ମୋରମ ଖୋଳି ଶତାଧିକ ଟ୍ରିପ୍ ମୋରମ ନେଇଯାଉଛନ୍ତି।ଜାତୀୟ ରାଜପଥ କାମ ସାଙ୍ଗକୁ ଅନ୍ୟ ସରକାରୀ କାମରେ ମଧ୍ୟ ଏହି ମୋରମ ଲାଗୁଥିବା ଜଣାପଡିଛି।ଫାର୍ମପଣ୍ଡ କାମ ସହିତ ପଞ୍ଚାୟତ ପୋଖରୀ ଖୋଳା,ମୃତ୍ତିକା ସଂରକ୍ଷଣ ବିଭାଗ ତରଫରୁ ଗାଡ଼ିଆ ଖୋଳାରେ ଏଭଳି ଚୋରି ବୃଦ୍ଧି ପାଇବାରେ ଲାଗିଛି।

ସବୁଠାରୁ ଆଶ୍ଚର୍ଯ୍ୟର କଥା ୧୫୦ କୋଟି ଟଙ୍କା ବ୍ୟୟରେ ଚାଲୁଥିବା ପାନୀୟ ଜଳ ପ୍ରକଳ୍ପରେ ମଧ୍ୟ ମୋରମ ଚୋରି ହେଉଥିବା ଅଭିଯୋଗ ଉଠିଛି। ପାଣି ଗଛିତ ନେଇ ଚାଲୁଥିବା ଟାଙ୍କି ନିର୍ମାଣ ପାଇଁ ଯେଉଁ ବିରାଟକାୟ ଫାଉଣ୍ଡେସନ ଗାତ ଖୋଲାଯାଇଛି ସେଥିରୁ ବାହାରିଥିବା ଲକ୍ଷ ଲକ୍ଷ ଟଙ୍କାର ମୋରମ ସବୁ ହୋଇଥିବା ବେଳେ ସେଗୁଡିକୁ ରାଜସ୍ଵ ବିଭାଗର ବିନା ଅନୁମତି ଆଉ ବିନା ରୟାଲଟିରେ ଏହାକୁ ବାହାରକୁ ଚାଲାଣ ହେଉଥିବା ଅଭିଯୋଗ ଉଠିଛି।ଖାଲି ସେତକ ନୁହଁ ବିଭିନ୍ନ ପଞ୍ଚାୟତରେ ଖୋଲାଯାଇଥିବା ଟାଙ୍କି ଫାଉଣ୍ଡେସନରୁ ବହୁ ମୋରମ ବାହାରି ଗଛିତ ଥିବା ବେଳେ ଏହା ଉପରେ ମଧ୍ୟ ମାଫିଆଙ୍କ ଲୋଲୁପ ଦୃଷ୍ଟି ପଡିଛି।ତେଣୁ ରାଜସ୍ଵ ବିଭାଗ ଘଟଣା ଉପରେ ଗୁରୁତ୍ୱ ଦେଇ ତଦନ୍ତ ପୂର୍ବକ କାର୍ଯ୍ୟନୁଷ୍ଠାନ ନେବାକୁ ସାଧାରଣରେ ଦାବି ହୋଇଛି।

   Related Posts