ନୂଆଦିଲ୍ଲୀ ୧୫।୫: ଚଳିତ ବର୍ଷ କେରଳରେ ଦକ୍ଷିଣ-ପଶ୍ଚିମ ମୌସୁମୀର ସାମାନ୍ୟ ବିଳମ୍ବରେ ଆସିବାର ସମ୍ଭାବନା ଅଛି । ଭାରତୀୟ ପାଣିପାଗ ବିଭାଗ ଅନୁଯାୟୀ, ଚଳିତ ବର୍ଷ ଜୁନ୍ ୫ରେ କେରଳରେ ମୌସୁମୀ ୪ଦିନ ବିଳମ୍ବରେ ଆସିବାର ସମ୍ଭାବନା ରହିଛି ।
ପାଣିପାଗ ବିଭାଗ କହିଛି ଯେ, ମୌସୁମୀ ଦକ୍ଷିଣ ରାଜ୍ୟରେ ଜୁନ୍ ୫ରେ ପହଞ୍ଚିବ। କେରଳରେ ମୌସୁମୀ ପହଞ୍ଚିବା ସହିତ ଦେଶରେ ଚାରି ମାସର ବର୍ଷା ଋତୁ ଆରମ୍ଭ ହୁଏ । ଉଲ୍ଲେଖଥାଉ କି, ଗତ ୧୫ ବର୍ଷ ମଧ୍ୟରେ, ୨୦୦୫ ବ୍ୟତୀତ ମୌସୁମୀର ପାଣିପାଗ ଆକଳନ ଭୁଲ ନୁହେଁ । ଗତ ବର୍ଷ ପାଣିପାଗ ବିଭାଗ ପୂର୍ବାନୁମାନ କରିଥିଲା ଯେ, କେରଳରେ ମୌସୁମୀ ଜୁନ୍ ୬ ସୁଦ୍ଧା ଆସିବ। ଦୁଇ ଦିନ ପରେ ଜୁନ୍ ୮ରେ ମୌସୁମୀ କେରଳରେ ପହଞ୍ଚିଥିଲା । ସେହିଭଳି ୨୦୧୮ରେ ପାଣିପାଗ ବିଭାଗ ପୂର୍ବାନୁମାନ କରିଥିଲା ଯେ, ମୌସୁମୀ ତାରିଖ ମେ ୨୯ ତାରିଖରେ କେରଳରେ ପହଞ୍ଚିବ, ସେହି ଦିନ ହିଁ ପହଞ୍ଚିଥିଲା । ତେଣୁ ଏଥର ମଧ୍ୟ ମୌସୁମୀ ଜୁନ୍ ୫ରେ ପହଞ୍ଚିବ ବୋଲି ଆଶା କରାଯାଉଛି।
ମୌସୁମୀ କିଛି ଦିନ ବିଳମ୍ବରେ କେରଳରେ ପହଞ୍ଚିବ ବୋଲି ଆଶା କରାଯାଉଛି । କିନ୍ତୁ ଚଳିତ ବର୍ଷ ଶତପ୍ରତିଶତ ବର୍ଷା ହେବାର ଆଶଙ୍କା ରହିଛି ବୋଲି କୁହାଯାଉଛି । କୃଷି ଅର୍ଥନୀତି ପାଇଁ ଏହା ଅତ୍ୟନ୍ତ ଗୁରୁତ୍ବପୂର୍ଣ୍ଣ । କାରଣ ଦେଶରେ ବାର୍ଷିକ ବୃଷ୍ଟିପାତର ୭୫ ପ୍ରତିଶତ ଏହି ମୌସୁମୀରୁ ଆସିଥାଏ । ତେଣୁ ରେକର୍ଡ ଉତ୍ପାଦନର ଏକ ସମ୍ଭାବନା ଅଛି । ଲକ୍ ଡାଉନ୍ ସମୟରେ ସମସ୍ୟାର ସମ୍ମୁଖୀନ ହେଉଥିବା ଚାଷୀଙ୍କ ପାଇଁ ଏହା ଅତ୍ୟନ୍ତ ଆରାମଦାୟକ ଖବର ।
wp:html/wp:htmlForecast for the 2020 SW Monsoon Onset over Kerala
— RWFC New Delhi (@RWFC_ND) May 15, 2020
This year, the onset of s-west monsoon over Kerala is likely to be slightly delayed as compared to normal date of onset of 1st June. Its onset over Kerala this year is likely to be on 5th June with a model error of ± 4 days. pic.twitter.com/TRX1miwkUA
