Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ତିନି ମାସ ହେଲା ବିଦ୍ୟୁତ୍ ଟାୱାରରେ ଫଶି ରହିଥିଲେ ୧୧ମାଙ୍କଡ, ପାଣିରେ ବୁଡି ଏବଂ ବିଦ୍ୟୁତ୍ ଆଘାତରେ ମଲେଣି ୫, ଆହୁରି ୬ଟି ମାଙ୍କଡ ଜୀବନ ସହ କରୁଛନ୍ତି ସଂଘର୍ଷ

13/11/2019 at 2:53 PM

ଝାରସୁଗୁଡା ୧୩|୧୧:  ବିପଦରେ ୬ଟି ମାଙ୍କଡ।ସମୁଦାୟ୧୧ ମାଙ୍କଡଙ୍କ ମଧ୍ୟରୁ ୨ଟି ମାଙ୍କଡ ବିଦ୍ୟୁତ ଆଘାତରେ ଓ ଅନ୍ୟ ୩ଟିଣ ପାଣିରେ ବୁଡି ପ୍ରାଣ ହରାଇଥିବା ବେଳେ ଆଉ ୬ଟି ନିଜ ଜୀବନ ନେଇ ସନ୍ଦିହାନ।  ସତସତିକା ମାଙ୍କଡମାନେ ଖେଳୁ ଖେଳୁ ନିଜ ଜୀବନ ବାଜିରେ ଲାଗିଥିବା ଦେଖିବାକୁ ମିଳିଛି ଝାରସୁଗୁଡା ଜିଲ୍ଲାରେ । ଉପରକୁ ଗଲେ ବିଦ୍ୟୁତର ଭୟ ତଳକୁ ଗଲେ ପାଣିରେ ବୁଡିଯିବାର ଭୟ । ଏପରି କିଛି ଜୀବନ-ମୃତ୍ୟୁର ମଝିରେ ଅଟକି ରହିଛନ୍ତି ୬ ମାଙ୍କଡ ।

ଝାରସୁଗୁଡା ଜିଲ୍ଲାର ଡୁମେରମୁଣ୍ଡା ଗାଁକୁ ଲାଗି ବହିଯାଇଛି ଈବ ନଦୀ । ଆଉ ଏହି ନଦୀ ଉପର ଦେଇ ଯାଇଛି ଏକ ଉଚ୍ଚ କ୍ଷମତା ସମ୍ପନ୍ନ ବିଦ୍ୟୁତ ଟାୱାର । ପାଣି ଓ ଟାୱାର ଖୁଣ୍ଟ ମଝିରେ ଫସି ରହିଛି ୬ ମାଙ୍କଡଙ୍କ ଜୀବନ ।  ଖରାଦିନେ ନଦୀରେ ପାଣି ନଥିବା ବେଳେ ପାଖାପାଖି ୧୧ଟି ମାଙ୍କଡ ଏହି ଉଚ୍ଚ କ୍ଷମତା ସମ୍ପନ୍ନ ବିଦ୍ୟୁତ ଟାୱାର ଖୁଣ୍ଟ ନିକଟରେ ରହି ବୁଲାବୁଲି କରୁଥିବା ସ୍ଥାନୀୟ ଲୋକ କହିଛନ୍ତି ।

ବର୍ଷା ଆରମ୍ଭ ହେବା ସହ ଧୀରେ ଧୀରେ ନଦୀ ଜଳସ୍ତର ବି ବୃଦ୍ଧି ପାଇବା ସହ ଗତ ଅଗଷ୍ଟ ମାସ ପରେ ହୀରାକୁଦ ଜଳଭଣ୍ଡାର ର ପଛୁଆ ପାଣି ଜଳସ୍ତର ମଧ୍ୟ ବୃଦ୍ଧି ପାଇଥିଲା । ଫଳରେ ବିଦ୍ୟୁତ ଟାୱାର ଖୁଣ୍ଟ ଚତୁଃର୍ପାର୍ଶ୍ବରେ ପାଣି ଘେରି ଯିବାରୁ ମାଙ୍କଡମାନେ ସେଠାରୁ ଆଉ ଯାଇପାରି ନଥିଲେ ।

୨ଟି ମାଙ୍କଡ ସେଠାରୁ ଯିବାକୁ ଉଦ୍ୟମ କରି ପାଣିରେ ବୁଡି ପ୍ରାଣ ହରାଇଥିବା ବେଳେ ଅନ୍ୟ ୩ମାଙ୍କଡ ଖୁଣ୍ଟ ଉପରକୁ ଯାଇ ହାଇକରେଣ୍ଟ ବିଦ୍ୟୁତ ସଂସ୍ପର୍ଷରେ ଆସି ପ୍ରାଣ ହରାଇଥିବା ସ୍ଥାନୀୟ ଲୋକେ କହିଛନ୍ତି । ଅନ୍ୟପଟେ ଦୀର୍ଘ ତିନି ମାସ ରୁ ଉର୍ଦ୍ଧ୍ବ ହେବ ଟାୱାର ଖୁଣ୍ଟରେ ୬ ମାଙ୍କଡ ଫସି ରହିଛନ୍ତି ।

ଦୀର୍ଘ ଦିନ ଧରି ହାଇକରେଣ୍ଟ ବିଦ୍ୟୁତ ଟାୱାର ଖୁଣ୍ଟରେ ଫସି ରହିଥିବା ଦେଖି ସ୍ଥାନୀୟ ଲୋକେ ଓ ମତ୍ସ୍ୟଜୀବୀ ମାନେ ବାରମ୍ବାର ମାଙ୍କଡମାନଙ୍କୁ ଉଦ୍ଧାର କରିବା ପାଇଁ ଚେଷ୍ଟା କରି ବିଫଳ ହୋଇଛନ୍ତି । ମାଙ୍କଡଙ୍କୁ ରହିବା ଖାଇବା ଅସୁବିଧା ଦେଖି ସ୍ଥାନୀୟ ଲୋକ ଓ ମତ୍ସ୍ୟଜୀବୀ  ଦିନକୁ ୩ଥର ମାଛ ଧରା ଡଙ୍ଗା ସାହାଯ୍ୟରେ ଟାୱାର ଖୁଣ୍ଟ ନିକଟକୁ ଯାଇ ମାଙ୍କଡ ମାନଙ୍କୁ ଖାଇବା ପହଞ୍ଚାଇ ଦେଉଛନ୍ତି ।

ସ୍ଥାନୀୟ ଲୋକେ ଓ ମତ୍ସ୍ୟାଜୀବୀ ବନବିଭାଗକୁ ଯୋଗାଯୋଗ କଲାପରେ ବନବିଭାଗର କର୍ମଚାରୀ ୨ଥର ଆସି ଉଦ୍ଧାର କରିବାରେ ବିଫଳ ହେବା ପରେ ଆଉ ବନ କର୍ମଚାରୀ ଅନେକ ଦିନ ହେବ ଉଦ୍ଧାର କରିବା ପାଇ ଆସୁନଥିବା ସ୍ଥାନୀୟ ଲୋକେ ଓ ମତ୍ସ୍ୟଜୀବୀ ଅଭିଯୋଗ କରିଛନ୍ତି । ଶେଷରେ ସ୍ଥାନୀୟ ଯୁବକ ମାନେ ମିଶି ଏକ ଯନ୍ତା ତିଆରି କରି ମାଙ୍କଡ଼ ମାନଙ୍କୁ ଉଦ୍ଧାର କରିବେ ବୋଲି କହିଛନ୍ତି ।

   Related Posts