ସାଲେପୁର ୨୮।୭: ଗାଈ, ଗୋରୁ, ଷଣ୍ଢ ଅଳିଆଗଦା ଆଉ ଡଷ୍ଟବିନରୁ ଖାଦ୍ୟ ଖାଇବାର ଦୃଶ୍ୟ ଦେଖିଥିବେ।  ବହୁ ଜଗାରେ ଖାଦ୍ୟ ନପାଇ ମାନସିକ ବିକାରଗ୍ରସ୍ତ ଲୋକ ମଧ୍ୟ ଡଷ୍ଟବିନରୁ ଖାଦ୍ୟ ଖାଇବାର ନଜିର ଦେଖିଥିବେ। ହେଲେ ଏଠି ମାଙ୍କଡ଼ ଡଷ୍ଟବିନରୁ ଖାଦ୍ୟ ଖାଇବାର ଦୃଶ୍ୟ ଦେଖିବାକୁ ମିଳିଛି । ଏଭଳି ଦୃଶ୍ୟ କଟକ ଜିଲ୍ଲା ସାଲେପୁର ଅଞ୍ଚଳର ଚନ୍ଦ୍ରାଦେଇପୁର ଗାଁରେ ଦେଖିବାକୁ ମିଳିଛି। ବନ୍ୟଜନ୍ତୁଙ୍କ ଖାଦ୍ୟର ଅଭାବକୁ ଏ ଦୃଶ୍ୟ ବୟାନ କରୁଛି। ଖାଦ୍ୟ ପାଇଁ ମାଙ୍କଡ଼ କେଉଁଠି ଘରେ ପଶି ପନିପରିବା ଖାଉଥିବାର ଦେଖିଥିବେ ହେଲେ ଏଠି ମାଙ୍କଡ଼ମାନେ ଡଷ୍ଟବିନରୁ ଉଣ୍ଡାଳି ଅଇଁଠା ଖାଦ୍ୟ ଖାଉଛନ୍ତି। ପ୍ରଶାସନ ଏହାର ପ୍ରତିକାର ପାଇଁ ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି।