Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୪ଦିନ ପାଇଁ ବନ୍ଦ ହେଲା ଟଙ୍କା ଛାପାଖାନା : ୪୦ଜଣ କର୍ମଚାରୀ କରୋନାରେ ସଂକ୍ରମିତ

31/08/2020 at 2:21 PM

ନାସିକ ୩୧/୮: ମହାରାଷ୍ଟ୍ରର ନାସିକରେ ଥିବା ଟଙ୍କା ଛାପାଖାନା ଏବଂ ଇଣ୍ଡିଆ ସିକ୍ୟୁରିଟି ପ୍ରେସ୍ ସୋମବାର ୪ଦିନ ପାଇଁ ନିଜ ପରିଚାଳନା ବନ୍ଦ କରି ଦେଇଛନ୍ତି। ଏହାର କାରଣ ହେଉଛି ୨ଟି ସଂସ୍ଥାର ୪୦ଜଣ କର୍ମଚାରୀ କରୋନାରେ ସଂକ୍ରମିତ ହୋଇଛନ୍ତି।

ସିଏନପି ବିଭିନ୍ନ ମୂଲ୍ୟର ୧୭ମିଲିୟନ୍ ଟଙ୍କା ଛାପିଥିବାବେଳେ ଆଇଏସପି ରାଜସ୍ବ ଟିକେଟ,ଷ୍ଟାମ୍ପ ପେପର,ପାସପୋର୍ଟ ଏବଂ ଭିସା ଛାପିଥାଏ। ସିଏନପିରେ ୨,୩୦୦ ଏବଂ ଆଇଏସପିରେ ୧୭୦୦ ସ୍ଥାୟୀ କର୍ମଚାରୀ ଅଛନ୍ତି। ୪ଦିନ ବନ୍ଦ ଯୋଗୁଁ ନୋଟର ୬୮ ମିଲିୟନ ଉତ୍ପାଦନ କ୍ଷତିକୁ ରବିବାର କାମ କରି ପୂରଣ କରାଯିବ।

ସିଏନପି ଏବଂ ଆଇଏସପିର ସୂଚନା ମୁତାବକ ୨ଟି ସଂସ୍ଥାର ପାଖାପାଖି ୧୨୫କର୍ମଚାରୀ ଗତ ୩ମାସ ମଧ୍ୟରେ କୋଭିଡ-୧୯ପଜିଟିଭ ଥିବା ଜଣା ପଡ଼ିଛନ୍ତି। ଯେଉଁ କର୍ମଚାରୀମାନେ ସଂକ୍ରମିତ ଜଣା ପଡ଼ିଛନ୍ତି ସେମାନେ ନିଜ ପରିବାର କିମ୍ବା ସମ୍ପର୍କୀୟଙ୍କ ଜରିଆରେ ଏହାର ଶିକାର ହୋଇଛନ୍ତି।

ଦୁଇଟି ସଂସ୍ଥାରେ ପରିଚାଳନା ଆରମ୍ଭ ହେବା ପରେ ନାସିକ ନଗର ନିୟମ ସମସ୍ତ କର୍ମଚାରୀଙ୍କ ଆଣ୍ଟିଜେନ୍ ପରୀକ୍ଷା କରିବ।

   Related Posts