ମୁମ୍ବାଇ ୨୨/୧୦: ସୁକେଶ ଚନ୍ଦ୍ରଶେଖର ମନି ଲଣ୍ଡରିଂ ମାମଲାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ନିରନ୍ତର ଅନୁସନ୍ଧାନ କରୁଛି, ଯେଉଁଥିରେ ପ୍ରତିଦିନ ନୂଆ ଖୁଲାସା କରାଯାଉଛି। ଏହି ପରିପ୍ରେକ୍ଷୀରେ ବଲିଉଡ ଅଭିନେତ୍ରୀ ନୋରା ଫତେହି ଏବଂ ଜ୍ୟାକଲିନ ଫର୍ଣ୍ଣାଡିଜ୍ଙ୍କୁ ଘଣ୍ଟା ଘଣ୍ଟା ଧରି ପଚରାଉଚରା ସରିଛି। ବର୍ତ୍ତମାନ ଏହି ମାମଲାର ଅନୁସନ୍ଧାନରେ ଆଉ ଏକ ବଡ ସୂଚନା ସାମ୍ନାକୁ ଆସିଛି। କୁହାଯାଉଛି ଯେ ୨୦୦ କୋଟି ଟଙ୍କା ଠକେଇ ମାମଲାରେ ତିହାର ଜେଲରେ ଥିବା ସୁକେଶ ଚନ୍ଦ୍ରଶେଖର ନୋରା ଫତେହି ଏବଂ ଜ୍ୟାକଲିନ ଫର୍ଣ୍ଣାଡିଜଙ୍କୁ ବିଳାସପୂର୍ଣ୍ଣ କାର ଉପହାର ଦେଇଛନ୍ତି। କେବଳ ଏତିକି ନୁହେଁ ଉଭୟ ଅଭିନେତ୍ରୀଙ୍କୁ ବଙ୍ଗଳା ଉପହାର ଦେବା ପାଇଁ ମଧ୍ୟ ପ୍ରସ୍ତୁତି ଚାଲିଥିଲା।
ସୂଚନାନୁସାରେ, ଇଡି ସନ୍ଦେହ କରୁଛି ଯେ ସୁକେଶ ନୋରାଙ୍କୁ ଏକ କୋଟି ମୂଲ୍ୟର ବିଳାସପୂର୍ଣ୍ଣ କାର ଉପହାର ଦେଇଛନ୍ତି ଏବଂ ଏହି କାରଟି ସୁକେଶଙ୍କ ପତ୍ନୀଙ୍କ ଚୋରୀ ଟଙ୍କା ସହିତ କିଣାଯାଇଛି। ଏହା ମଧ୍ୟ ଦାବି ହେଉଛି ଯେ ସୁକେଶ ଚନ୍ଦ୍ରଶେଖର ତାଙ୍କ ପତ୍ନୀ ତଥା ମାଲାୟାଲମ ଅଭିନେତ୍ରୀ ଲୀନା ପାଲଙ୍କୁ ବଲିଉଡରେ ଲଞ୍ଚ କରିବାକୁ ପ୍ରସ୍ତୁତ ହେଉଥିଲେ ଏବଂ ଏଥିପାଇଁ ସେ ପାଣି ପରି ଟଙ୍କା ଖର୍ଚ୍ଚକରୁଥିଲେ। ଫିଲ୍ମ ମାଡ୍ରାସ କାଫେରେ ଲିନାଙ୍କୁ ଅନ୍ତର୍ଭୁକ୍ତ କରିବା ପାଇଁ ସୁକେଶ ବହୁ ପରିମାଣର ଅର୍ଥ ଦେଇଥିଲେ।
ଅକ୍ଟୋବର ୧୪ ରେ, ନୋରା ଇଡି କାର୍ଯ୍ୟାଳୟରେ ପହଞ୍ଚିଥିଲେ। ଏହି ସମୟରେ, ଇଡି ଅଧିକାରୀମାନେ ୨୦୦ କୋଟି ଠକେଇ ମାମଲାରେ ନୋରାଙ୍କୁ ପ୍ରାୟ ଆଠ ଘଣ୍ଟା ଧରି ପ୍ରଶ୍ନ କରିଥିଲେ। ନୋରା ସକାଳ ୧୧.୩୦ ରେ ଇଡିର ଦିଲ୍ଲୀ କାର୍ଯ୍ୟାଳୟ ସମ୍ମୁଖରେ ହାଜର ହୋଇଥିଲେ ଏବଂ ରାତି ୮.୩୦ ପର୍ଯ୍ୟନ୍ତ ତାଙ୍କୁ ପଚରାଉଚରା କରାଯାଇଥିଲା।
