Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ଆକାଶରୁ ଆସିଲା ଧନ : ଉଲକା ବର୍ଷା ପରେ ଶୀତଳପିଣ୍ଡରୁ ମିଳିଲା ଦୁର୍ମୂଲ୍ୟ ପଥର, ତାକୁ ବିକି ଗାଁ ଲୋକେ ଲକ୍ଷପତି

3/09/2020 at 4:00 PM

ବ୍ରାଜିଲ, ୦୩|୦୯ :  ବେଳେବେଳେ ଆକାଶରୁ ଉଲକା ପିଣ୍ଡ କିମ୍ବା ମହାକାଶରେ ଥିବା କିଛି ପଥର ପୃଥିବୀ ପୃଷ୍ଠରେ ପଡିଥାଏ । କିନ୍ତୁ ଏହାକୁ ଲୋକମାନେ ନଜର ଦିଅନ୍ତି ନାହିଁ । କାରଣ ଏଥିରୁ ସେମାନଙ୍କର କୌଣସି ଲାଭ ହୋଇନଥାଏ । ତେବେ ବୈଜ୍ଞାନିକମାନେ ଏହି ଉଲକାପିଣ୍ଡର ଭଗ୍ନାବଶେଷକୁ ଗବେଷଣା ପାଇଁ ନେଇଥାନ୍ତି । ବ୍ରାଜିଲରେ କିଛି ଏପରି ଦୃଶ୍ୟ ଦେଖିବାକୁ ମିଳିଛି ଯାହା ସମସ୍ତଙ୍କୁ ଚକିତ କରିଛି ।

ବ୍ରାଜିଲର ଏକ ଗ୍ରାମରେ ଆକାଶରୁ ଶହଶହ ପଥର ପଡିଛି । ପ୍ରତି ପଥରର ଦାମ ଲକ୍ଷାଧିକ ଟଙ୍କା ହେବ ବୋଲି କୁହାଯାଉଛି । ସବୁଠାରୁ ବଡ ପଥରର ଦାମ୍ ହେଉଛି ୧୯ ଲକ୍ଷ ଟଙ୍କା ।

ସୂଚନାନୁସାରେ, ବ୍ରାଜିଲର ସେଣ୍ଟା ଗ୍ରାମରେ ଗତ ୧୯ ତାରିଖରେ ଉଲକା ବର୍ଷା ହୋଇଥିଲା । ଏଠାରେ ଲୋକମାନେ ଏହାକୁ ଟଙ୍କା ବର୍ଷା ବୋଲି କହୁଛନ୍ତି । କାରଣ ଲୋକମାନେ ଏହି ସବୁ ଉଲକା ଖଣ୍ଡକୁ ସଂଗ୍ରହ କରି ରଖିଥିଲେ । ପରେ ଏସବୁ ଦୁର୍ଲଭ ବୋଲି ଜଣାପଡିଥିଲା । ବୈଜ୍ଞାନିକମାନେ ଲୋକଙ୍କୁ ପଥର ମାଗିବାରୁ ସେମାନେ ଏହା ବଦଳରେ ଟଙ୍କା ମାଗିଥିଲେ । ଅଧିକାଂଶ ଲୋକ ପଥର ଦେଇ ଲକ୍ଷାଧିକ ଟଙ୍କା ରୋଜଗାର ମଧ୍ୟ କରିଛନ୍ତି ।

ସବୁଠାରୁ ବଡ ପଥରର ଓଜନ ଥିଲା ୪୦ କେଜି । ଯାହା ୨୬ ହଜାର ଡଲାରରେ ବିକ୍ରି ହୋଇଛି । ଅର୍ଥାତ ଏହାର ଦାମ୍ ୧୯ ଲକ୍ଷ ଟଙ୍କା । ଛୋଟବଡ ହୋଇ ପ୍ରାୟ ୨୦୦ଟି ଏପରି ଦୁର୍ଲଭ ପଥର ରହିଛି ।

ବୈଜ୍ଞାନିକଙ୍କ କହିବାନୁସାରେ, କେବଳ ୧ ପ୍ରତିଶତ ଉଲକା ପିଣ୍ଡ ରହିଥାଏ ଯାହା ଲକ୍ଷାଧିକ ଟଙ୍କାରେ ବିକ୍ରି ହୁଏ । ଏହି ଗାଁ ଲୋକେ ବହୁତ ଗରିବ ଥିଲେ । ଏବେ ପଥର ପାଇ ସେମାନେ ରାତାରାତି କୋଟିପତି ହୋଇଯାଇଛନ୍ତି । ୨୦ ବର୍ଷୀୟ ଛାତ୍ର ଏଡିମାର୍ ଡା କୋଷ୍ଟା କହିଛନ୍ତି ଯେ, ଯେଉଁଦିନ ପଥର ବର୍ଷା ହେଲା ସେହି ଦିନ ଆକାଶ ସାରା ଧୂଆଁରେ ଭର୍ତ୍ତି ହୋଇଯାଇଥିଲା । ତାଙ୍କ ପାଖକୁ ଆକାଶରୁ ଜ୍ୱଳନ୍ତ ପଥର ଖସୁଥିବା ନେଇ ମେସେଜ୍ ଆସିଥିଲା ।

ଏହି ଉଲକାପିଣ୍ଡ ପ୍ରାୟ ୪.୬ ବିଲିୟନ ବର୍ଷ ପୁରୁଣା ବୋଲି କୁହାଯାଉଛି । ଏହା ଦୁର୍ଲଭ ଉଲକା ପିଣ୍ଡ । ଏହା ସୋଲାର ସିଷ୍ଟମର ଅଂଶବିଶେଷ ବୋଲି ଅନୁମାନ କରାଯାଉଛି ।

   Related Posts