Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କରୋନା ଉପରେ ଜିତ୍: ଗୋଟିଏ ଦିନରେ କରୋନାରୁ ସୁସ୍ଥ ହେଲେ ୭୦୫ ରୋଗୀ

21/04/2020 at 3:40 PM

ନୂଆଦିଲ୍ଲୀ ୨୧।୦୪: ଦେଶରେ କରୋନା ପ୍ରକୋପ ଦ୍ରୁତ ବେଗରେ ବଢିବାରେ ଲାଗିଛି। ସ୍ଵାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଦେଶରେ ଅଦ୍ୟାବଧି କରୋନା ସଂକ୍ରମିତ ସଂଖ୍ୟା ୧୮,୬୦୧କୁ ବୃଦ୍ଧି ଘଟିଛି। ଏହି ମହାମାରୀରେ ଏ ପର୍ଯ୍ୟନ୍ତ ୫୯୦ ଜଣଙ୍କ ମୃତ୍ୟୁ ଘଟିଛି। ମାତ୍ର ଏହା ମଧ୍ୟରେ ଆସିଛି ଆଶ୍ଵସ୍ତିକର ଖବର।  ସଂକ୍ରମିତଙ୍କ ସୁସ୍ଥ ହେବା ହାର ମଧ୍ୟ ବଢିବାରେ ଲାଗିଛି। ଦେଶରେ ଏ ପର୍ଯ୍ୟନ୍ତ ୩,୨୫୨ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। କେବଳ ସୋମବାର ୭୦୫ ରୋଗୀ ସୁସ୍ଥ ହୋଇଛନ୍ତି, ଯାହା ଦେଶରେ ଗୋଟିଏ ଦିନରେ ସର୍ବାଧିକ ଲୋକ କରୋନାରୁ ସୁସ୍ଥ ହୋଇଛନ୍ତି।

ଗତ କିଛି ଦିନ ହେବ କରୋନା ସଂକ୍ରମଣରୁ ସୁସ୍ଥ ହେବା ସଂଖ୍ୟାରେ ବୃଦ୍ଧି ଘଟିଛି। କରୋନା ଭାଇରସ୍‌ ମୁକାବିଲାରେ ଭାରତ ପାଇଁ ଏହା ବହୁତ ଶୁଭ ସଙ୍କେତ। ଗତ କିଛି ଦିନର ତଥ୍ୟ ଉପରେ ନଜର ପକାଇଲେ ଜଣାପଡେ ଯେ, ଏପ୍ରିଲ ୧୫ରେ ୧୮୩ ଜଣ ସୁସ୍ଥ ହୋଇଥିଲେ। ଏହାର ପରବର୍ତ୍ତୀ ଦିନ ଅର୍ଥାତ ୧୬ ତାରିଖରେ ସୁସ୍ଥ ରୋଗୀଙ୍କ ସଂଖ୍ୟା ବଢି ୨୬୦ ହୋଇଥିଲା। ଏହି ପରି ଏପ୍ରିଲ ୧୭ରେ ୨୪୩ ଜଣ ସଂକ୍ରମିତ ସୁସ୍ଥ ହୋଇଥିବା ବେଳେ ଏପ୍ରିଲ ୧୮ରେ ୨୩୯ ଜଣ ଆରୋଗ୍ୟ ଲାଭ କରିଥିଲେ। ଏପ୍ରିଲ ୧୯ରେ ୩୧୬ ସଂକ୍ରମିତ ସୁସ୍ଥ ହୋଇଥିବା ବେଳେ ୨୦ ତାରିଖରେ ରେକର୍ଡ ସଂଖ୍ୟକ ୭୦୫ ସଂକ୍ରମିତ କରୋନାରୁ ସୁସ୍ଥ ହୋଇଛନ୍ତି।

ଯଦି ରାଜ୍ୟ ହିସାବରେ ଦେଖାଯାଏ ତେବେ ସବୁଠୁ ଅଧିକ ସଂକ୍ରମିତ ମହାରାଷ୍ଟ୍ରରେ ଏ ପର୍ଯ୍ୟନ୍ତ ୫୭୨ ରୋଗୀ ସୁସ୍ଥ ହୋଇ ସାରିଛନ୍ତି। ସେହି ପରି ରାଜଧାନୀ ଦିଲ୍ଲୀରେ ୪୩୧, କେରଳରେ ୪୦୮ ରୋଗୀ ମଧ୍ୟରୁ ୨୯୧ ଜଣ ସୁସ୍ଥ ହୋଇ ଘରକୁ ଫେରିଛନ୍ତି।

ଏହି ପରି ବିହାରରେ ମୋଟ୍ ୧୧୩ ରୋଗୀଙ୍କ ମଧ୍ୟରୁ ୪୨ ଜଣ ସଂପୂର୍ଣ୍ଣ ସୁସ୍ଥ ହୋଇ ହସ୍ପିଟାଲରୁ ଡିସଚାର୍ଜ ହୋଇ ସାରିଛନ୍ତି। ଉତ୍ତର ପ୍ରଦେଶରେ ୧୧୮୪ ଆକ୍ରାନ୍ତଙ୍କ ମଧ୍ୟରୁ ୧୪୦ ଜଣ ସୁସ୍ଥ  ହୋଇଥିବା ବେଳେ ତାମିଲନାଡୁରେ ସୁସ୍ଥ ରୋଗୀଙ୍କ ସଂଖ୍ୟା ୪୫୭ ରହିଛି। ରାଜସ୍ଥାନରେ ୨୦୫, ତେଲେଙ୍ଗାନାରେ ୧୯୦, ମଧ୍ୟ ପ୍ରଦେଶରେ ୧୨୭, ଗୁଜରାଟରେ ୧୩୧ ଓ ହରିୟାନାରେ ୧୨୭ ରୋଗୀ ଚିକିତ୍ସା ପରେ ସୁସ୍ଥ ହୋଇ ଘରକୁ ଫେରିଛନ୍ତି।

   Related Posts