Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମୋମୋ ଗେମ ଚ୍ୟାଲେଞ୍ଜକୁ ନେଇ ଜୟପୁରରେ ଆରମ୍ଭ ହୋଇଛି ସଚେତନତା କାର୍ଯ୍ୟକ୍ରମ

8/09/2018 at 3:33 PM

ଜୟପୁର ୮/୯ : ବିପଦଜନକ ବ୍ଳୁ ୱିଲ ଗେମ୍ ପରେ ଏବେ ମୋମୋ ଚ୍ୟାଲେଂଚକୁ ନେଇ ଆତଙ୍କ ଦେଖିବାକୁ ମିଳିଛି । ଅଜାଣତରେ ଏହି ବିପଜ୍ଜନକ ଖେଳର ଶୀକାର ହେଉଛନ୍ତି ଯୁବପିଢ଼ି । ଆଜି କାଲି ସମସ୍ତଙ୍କ ହାତରେ ଏପରିକି ସ୍କୁଲ ଛାତ୍ରଛାତ୍ରୀଙ୍କ ହାତରେ ବି ସ୍ମାର୍ଟ ଫୋନ ଥିବାରୁ ସେମାନେ ବି ଏହି ଚ୍ୟାଲେଂଜର ଶୀକାର ହୋଇ ପାରନ୍ତି । ଏହାକୁ ରୋକିବାକୁ ସଚେତନନା ହିଁ ଏକ ମାତ୍ର ମାଧ୍ୟମ । ତେଣୁ ବିପଜ୍ଜନକ ମୋମୋ ଚ୍ୟାଲେଂଜ ବିଷୟରେ ସ୍କୁଲ ଛାତ୍ରଛାତ୍ରୀଙ୍କୁ ଅବଗତ କରାଇବାକୁ ଜୟପୁର ପୋଲିସ ଆରମ୍ଭ କରିଛି ପଦକ୍ଷେପ । ଯୁବ ଆଇପିଏସ୍ ସାଗରିକା ନାଥଙ୍କ ତତ୍ୱାବଧାନରେ ସହରର ମର୍ଡଣ୍ନ ଇଂଲିସ ସ୍କୁଲ ଓ ପବ୍ଲିକ ସ୍କୁଲରେ ଏ ନେଇ ସଚେତନତା କାର୍ଯ୍ୟକ୍ରମ ଆରମ୍ଭ କରାଯାଇଥିବା ବେଳେ ଆଗକୁ ଆହୁରୀ ଅନେକ ସ୍କୁଲରେ ଏପରି ସଚେତନତା କାର୍ଯ୍ୟକ୍ରମ କରିବାକୁ ଲକ୍ଷ୍ୟ ରଖିଛି ପୋଲିସ । ଆବଶ୍ୟକ ପଡିଲେ କଲେଜ ସ୍ଥରରେ ମଧ୍ୟ ଏପରି ସଚେତନତା କାର୍ଯ୍ୟକ୍ରମ କରାଯିବ ବୋଲି କହିଛନ୍ତି ଆଇପିଏସ୍ ସାଗରିକା ନାଥ।

   Related Posts