Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ସରପଞ୍ଚଙ୍କୁ ମୋଦିଙ୍କ ପରାମର୍ଶ: ସେମାନେ ଚାହିଁଲେ ଗାଁରେ କରୋନା ପଶି ପାରିବନି

24/04/2020 at 10:13 PM

ନୂଆଦିଲ୍ଲୀ୨୪/୪: ଜାତୀୟ ପଞ୍ଚାୟତିରାଜ ଦିବସରେ ଦେଶବ୍ୟାପୀ ସରପଞ୍ଚମାନଙ୍କ ସହ ଭିଡିଓ କନଫରେସିଂରେ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଗ୍ରାମଞ୍ଚଳର ଅର୍ଥନୀତିକୁ ଆଗେଇ ନେବାକୁ ପ୍ରଧାନମନ୍ତ୍ରୀ ସରପଞ୍ଚମାନଙ୍କୁ ମନ୍ତ୍ର ଦେବା ସହ ଗ୍ରାମ ସ୍ବରାଜ ପୋର୍ଟାଲ ଏବଂ ସ୍ବାମୀତ୍ବ ଯୋଜନାର ଶୁଭାରମ୍ଭ କରିଛନ୍ତି। ଏହାସହ କରୋନା ଲଢେଇ ସଂପର୍କରେ ବି ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ।

ସରପଞ୍ଚମାନେ ଚାହିଁଲେ ଗାଁରେ କରୋନା ପଶିପାରିବନି।  ଗ୍ରାମପଞ୍ଚାୟତରେ କରୋନାକୁ କେମିତି ମୁକାବିଲା କରାଯିବ ଆଜି ସରପଞ୍ଚମାନଙ୍କ ସହିତ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।  ଆଜି ଥିଲା ଜାତୀୟ ପଞ୍ଚାୟତିରାଜ  ଦିବସ। ତେବେ ମହାମାରୀ କରୋନାର ମୁକାବିଲା ପାଇଁ ଗ୍ରାମାଞ୍ଚଳରେ କିଭଳି ବ୍ୟବସ୍ଥା ରହିଛି ସେନେଇ ସରପଞ୍ଚମାନଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରିଥିଲେ । କରୋନା ଭାଇରସ୍ ବିପର୍ଯ୍ୟୟ ଆମକୁ ଆତ୍ମନିର୍ଭରଶୀଳ ହେବା ଶିଖାଇଛି । କରୋନା ଭାଇରସ୍ ଯୋଗୁଁ ଆମେ ଅନେକ ସମସ୍ୟାର ସମ୍ମୁଖୀନ ହେଉଛେ । ଆଗକୁ ଆହୁରି ସମସ୍ୟା ଆସିବ । ଡରି ନଯାଇ ଏହାର ମୁକାବିଲା ଲାଗି ଆହ୍ବାନ ଦେଇଛନ୍ତି ପ୍ରଧାନମନ୍ତ୍ରୀ । ଏଥିସହିତ ପ୍ରଧାନମନ୍ତ୍ରୀ ୨ ଗଜ ଦୂରତା ଉପରେ ମଧ୍ୟ ଜୋର ଦେଇଛନ୍ତି।

ଗ୍ରାମାଞ୍ଚଳର ଅର୍ଥନୀତିକୁ ଆଗକୁ ନେବାକୁ ପ୍ରଧାନମନ୍ତ୍ରୀ ଇ ଗ୍ରାମ ସ୍ବରାଜ ପୋର୍ଟାଲର ଶୁଭାରମ୍ଭ କରିଛନ୍ତି । ପଞ୍ଚାୟତକୁ ସଂପୂର୍ଣ୍ଣ ଡିଜିଟାଇଜେସନ କରିବା ଏହାର ଲକ୍ଷ୍ୟ ।  ପଞ୍ଚାୟତର ବିକାଶ ଏବଂ ପାଣ୍ଠି ତଥ୍ୟ ପୋର୍ଟାଲରେ ରହିବ ।  ପୋର୍ଟାଲ ଜରିଆରେ ପଂଚାୟତର ସମସ୍ୟା ଏବଂ  ସମସ୍ତ ତଥ୍ୟ ଗୋଟିଏ ଜାଗାରେ ଉପଲବ୍ଧ ହେବ। ଗାଁର ଯେ କୌଣସି ନାଗରିକ ଏହା ଦ୍ବାରା ପଞ୍ଚାୟତରେ କାର୍ଯ୍ୟକାରୀ ହେଉଥିବା ସବୁ ସରକାରୀ ଯୋଜନା ବିଷୟରେ ଜାଣି ପାରିବେ । ଏଥି ସହ ସ୍ବାମୀତ୍ବ ଯୋଜନାର ବି ଶୁଭାରମ୍ଭ ହୋଇଛି । ଏହି ଯୋଜନାରେ ଡ୍ରୋନ୍ ଜରିଆରେ ଗ୍ରାମ ସଂପତ୍ତିର ମ୍ୟାପିଂ କରାଯିବ । ଏହା ଦ୍ବାରା ଜମିବାଡିକୁ ନେଇ ଗାଁ ଗାଁରେ ଲାଗୁଥିବା କଳି ଝଗଡା ମଧ୍ୟ ଦୂର ହେବ । ୬ଟି ରାଜ୍ୟରେ ଆରମ୍ଭ ହୋଇଛି ସ୍ବାମୀତ୍ବ ଯୋଜନା । ୩ ପଞ୍ଚାୟତ ସଶକ୍ତ ହେଲେ ଅର୍ଥନୀତି ସଶକ୍ତ ହେବ । ଅର୍ଥନୀତି ସଶକ୍ତ ହେଲେ ଦେଶର ଅଭିବୃଦ୍ଧି ଘଟିବ । ତେଣୁ ଗ୍ରାମାଞ୍ଚଳର ଅର୍ଥନୀତିକୁ ସୁଦୃଢ କରିବାକୁ ପଡିବ । ଏଥିରେ ସରପଞ୍ଚମାନଙ୍କ ପ୍ରମୁଖ ଭୂମିକା ରହିଛି

   Related Posts