Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ଡିସେମ୍ବରରେ ଓଡିଶାରେ ମୁହାଁମୁହିଁ ହେବେ ମୋଦି ଓ ରାହୁଲ, ୨୪ତାରିଖରେ ଖୋର୍ଦ୍ଧା ସମାବେଶରେ ଯୋଗଦେବେ ପ୍ରଧାନମନ୍ତ୍ରୀ

6/12/2018 at 12:50 PM

ଭୁବନେଶ୍ବର ୦୬|୧୨: ଡିସେମ୍ବର ୧୧  ତାରିଖରେ ୫ଟି ରାଜ୍ୟର ନିର୍ବାଚନ ଫଳ ପ୍ରକାଶ ପାଇବା ପରେ ଉଭୟ କଂଗ୍ରେସ ଓ ବିଜେପି ଓଡିଶାକୁ କରିବ ଫୋକସ । ସେଥିପାଇଁ ରଣନୀତି ପ୍ରସ୍ତୁତ ସରିଛି । ଆସନ୍ତା ୨୪ତାରିଖ ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶା ଗସ୍ତରେ ଆସିବେ । ଖୋର୍ଦ୍ଧାଠାରେ ହେବାକୁ ଥିବା ସମାବେଶ ରେ ଯୋଗଦେବେ । କେବଳ ଡିସେମ୍ବର ୨୪ତାରିଖ ନୁହେଁ, ଜାନୁଆରୀ ୫ତାରିଖରେ ମଧ୍ୟ ପୁଣି ମୋଦି ଓଡିଶା ଗସ୍ତ କରିବେ । ବିଜେପିର ଓଡିଶା ପ୍ରଭାରୀ ଅରୁଣ ସିଂହ ଆଜି ନିଶ୍ଚିନ୍ତକୋଇଲିଠାରେ ଏହି ସୂଚନା ଦେଇଛନ୍ତି ।

ଅପରପକ୍ଷରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ମଧ୍ୟ ଏହି ମାସରେ ଦୁଇ ଦିନିଆ ଓଡିଶା ଗସ୍ତରେ ଆସିବା ପାଇଁ ସମ୍ମତି ପ୍ରଦାନ କରିଥିବା ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକ ସୂଚନା ଦେଇଛନ୍ତି ।  ତେବେ ଦିନେ ଦୁଇ ଦିନ ଭିତରେ ତାରିଖ ଓ କାର୍ଯ୍ୟକ୍ରମ ସ୍ଥିର ହେବ ବୋଲି ସେ ସୂଚନା ଦେଇଛନ୍ତି ।

ରାହୁଲ ଗାନ୍ଧି ଏବଂ ନରେନ୍ଦ୍ର ମୋଦି ଓଡିଶା ଗସ୍ତରେ ଆସୁଥିବାବେଳେ ଡିସେମ୍ବର ୨୬ତାରିଖରେ ରହିଛି ବିଜେଡିର ପ୍ରତିଷ୍ଠା ଦିବସ । ପ୍ରତିଷ୍ଠା ଦିବସରେ କଂଗ୍ରେସ ଓ ବିଜେପିର କିଛି ତୁଙ୍ଗ ନେତା ବିଜେଡିରେ ଯୋଗଦେଇପାରନ୍ତି । ଏହାଛଡା ଆଗକୁ ନିର୍ବାଚନ ଥିବାରୁ ବିଜେଡି ତାର ପ୍ରତିଷ୍ଠା ଦିବସକୁ ବ୍ୟାପକ ଭାବେ ପାଳନ କରିବ । ତେଣୁ ଡିସେମ୍ବର ମାସରେ ଓଡିଶାରେ ଶୀତ ବଦଳା ଗରମ ରାଜନୈତିକ ପବନ ବହିବା ନିଶ୍ଚିତ ବୋଲି କୁହାଯାଇପାରେ ।

୧୧ତାରିଖରେ ୫ଟି ରାଜ୍ୟର ଫଳାଫଳ ଆସିବ । ଏହିସବୁ ଫଳାଫଳ ଆଗାମୀ ଦିନରେ ରାଜନୈତିକ ବୟାନବାଜିକୁ ଆହୁରି ଶାଣିତ କରିବ । ତେଣୁ ଉଭୟ ନେତା ୧୧ତାରିଖ ପରେ ଓଡିଶା ଆସୁଥିବାରୁ ବିଜୟୀ ଦଳର ବାହାସ୍ପୋଟ ଏବଂ ପରାଜିତ ଦଳର ପ୍ରତିକ୍ରିୟା ରାଜନୈତିକ ପାଣିପାଗକୁ ସରଗରମ କରିବ ।

   Related Posts