Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||
  • ସୋର : ଓଭରଲୋଡିଂ ପାଇଁ ଗଣିଲେ ତଣ୍ଡ, ୩ଲକ୍ଷ ଜରିମନା ଦେଲେ ୬ ଡମ୍ଫର
  • ||

ଶେଷ ପର୍ଯ୍ୟାୟ ନିର୍ବାଚନ ପୂର୍ବରୁ ମୋଦି ବନାମ ନବୀନ: ଭାଷଣ ବାଜିରେ କିଏ କାହାକୁ ମାତ୍ ଦେବ ଚାଲିଛି ପ୍ରତିଯୋଗିତା

24/04/2019 at 6:45 PM

ଭୁବନେଶ୍ବର୨୪|୪: ଶେଷ ପର୍ଯ୍ୟାୟ ନିର୍ବାଚନ ପୂର୍ବରୁ ବିଜେପି ଓ ବିଜେଡି ନେତାଏ ଭାଷଣ ବାଜିରେ କିଏ କାହାକୁ ମାତ୍ ଦେବ ସେହି  ପ୍ରତିଯୋଗିତାରେ ଅଛନ୍ତି । ମୋଦି କାଲି କହିଥିଲେ ନବୀନ ସରକାର ଯିବା ଦିନ ଆସିଗଲା । ଆଜି ନବୀନ କହିଛନ୍ତି ମନ୍ତ୍ରୀ ମଣ୍ଡଳ ଗଠନ ପାଇଁ ମୋଦିଙ୍କୁ ନିମନ୍ତ୍ରଣ ରହିଲା । ଏହି ଦୁଇଦଳର ବଡ ନେତାଏ ଯେ କେବଳ ମୁହଁ ଲଢାଲଢି ହେଉଛନ୍ତି ତା ନୁହେଁ ଅନ୍ୟନେତାଏ ବି ପ୍ରତିପକ୍ଷକୁ ଇଞ୍ଚେ ଛାଡିବାକୁ ନାରାଜ । ….

ନବୀନଙ୍କ ପ୍ରତି ମୋଦି କାହିଁକି ନରମ ଥିଲେ ତାହା ତ ଜଣାପଡ଼ିଲାନି କିନ୍ତୁ କାଲି ନବୀନଙ୍କୁ ଯେଉଁ ଢଙ୍ଗରେ ଲଲକାର୍‌ ଦେଇଛନ୍ତି ସେଥିରୁ ଗୋଟିଏ କଥା ସ୍ପଷ୍ଟ ବିଜେପି-ବିଜେଡି ଚତୁର୍ଥ ପର୍ଯ୍ୟାୟରେ ବିଲ୍‌କୁଲ୍‌ ଶିଙ୍ଗରେ ଶିଙ୍ଗ ଲଗେଇ ଠିଆ ହେଲେଣି। ମୋଦିଙ୍କ କଥାକୁ ବେଶୀ ସମୟ ହଜମ୍‌ କରିନାହାନ୍ତି ନବୀନ।   ଆଜି ନବୀନ ତାର କାଉଣ୍ଟର ବାଣ ମାରିଛନ୍ତି।  କହିଛନ୍ତି ମୋଦିଜି ଆପ୍ ଆରହୈ ହୋ । ଅର୍ଥାତ ସରକାରକୁ ନୁହେଁ ବରଂ ବିଜେଡି ମନ୍ତ୍ରୀ ମଣ୍ଡଳ ଶପଥ ଗ୍ରହଣ ଉତ୍ସବକୁ। ଶପଥ ଗ୍ରହଣ ଉତ୍ସବକୁ ନିମନ୍ତ୍ରଣ ରହିଲା ବୋଲି ପାଲଟା ଜବାବ ଦେଇଛନ୍ତି । ବୟାନବାଜିର ସ୍ତର ବି ବ୍ୟକ୍ତିଗତ ସ୍ତରକୁ ଖସିଲାଣି । ବାଲେଶ୍ବର ପ୍ରଚାର ମୈଦାନରେ ନବୀନ ଏହି ଶର ମାରୁ ମାରୁ ନିଜ ତୁଣୀରୁ ଶର ଭିଡ଼ିଛନ୍ତି ଧର୍ମେନ୍ଦ୍ର। ମିଛ ଓ ହିଂସା ବିଜେଡିର ଆୟୂଧ ବୋଲି କହିଛନ୍ତି।

୩ଟି ପର୍ଯ୍ୟାୟରେ ୧୫ ଲୋକସଭା ଓ ୧୦୫ ବିଧାନସଭା ମଣ୍ଡଳୀ ପାଇଁ ନିର୍ବାଚନ ସରିଗଲାଣି । ସେଥିରୁ କିଏ କେତେ ସିଟ ପାଇବ ସେନେଇ ସିନା ମୁହଁ ଖୋଲୁ ନାହାଁନ୍ତି ନେତାଏ, କିନ୍ତୁ ଦାବି କରୁଛନ୍ତି ଆମେ ସରକାର ଗଢିବୁ । ନବୀନତ କହୁଛନ୍ତି ତିନି ପର୍ଯ୍ୟାୟରେ ହିଁ ବିଜେଡି ସରକାର ଗଢ଼ିବ। ମାନେ ଚତୁର୍ଥ ପର୍ଯ୍ୟାୟ ବୋନସ।  ସେପଟେ ଧର୍ମେନ୍ଦ୍ର କହିଛନ୍ତି ଚତୁର୍ଥ ପର୍ଯ୍ୟାୟରେ ମୋଦି ଓ ବିଜେପିଙ୍କ ପାଇଁ ଭୋଟ ବର୍ଷା ହିଁ ହେବ। ସେପଟେ ପ୍ରଚାର ଲଢ଼େଇରେ କଂଗ୍ରେସ ଏକ ପ୍ରକାର ଅଦୃଶ୍ୟ । ଶେଷ ପର୍ଯ୍ୟାୟରେ କେବଳ ପିତାପୁତ୍ରଙ୍କ ତ୍ରାଣକର୍ତ୍ତା ସାଜି ରାହୁଲ ଗାନ୍ଧି ଆସୁଛନ୍ତି।  ୨୬ ତାରିଖରେ ବାଲେଶ୍ବରରେ କରିବେ ପ୍ରଚାର । କଂଗ୍ରେସର ଦାବି ଯେହେତୁ ବିଜେଡି ଓ ବିଜେପି ନେତା ଇଭିଏମ ଭାଙ୍ଗିବା ସହ ଫ୍ଲାଇଙ୍ଗ ସ୍କ୍ବାର୍ଡକୁ ମାଡ ମାରି ଜେଲ ଯାଉଛନ୍ତି ସେମାନେ ହାରିବା ଆଶଙ୍କା କରୁଛନ୍ତି ।

ଏହି ୩ ଦିନ ଭିତରେ ବୟାନବାଜି ଓ ପରସ୍ପର ପ୍ରତି ଆକ୍ଷେପ ଆହୁରି ଶାଣିତ ହେବ ବୋଲି ଜଣାପଡୁଛି ।

   Related Posts