Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ଦେଶର ୩ ପ୍ରମୁଖ ସହରରେ ଚାଲିଛି ଟୀକା ଉତ୍ପାଦନ ପ୍ରୟାସ: ଟୀକା ଅଗ୍ରଗତି ସମ୍ପର୍କରେ ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ ମୋଦି

28/11/2020 at 6:22 PM

ହାଇଦ୍ରାବାଦ ୨୮/୧୧ : ପ୍ରଧାନମନ୍ତ୍ରୀ ମୋଦି ଆଜି କରୋନା ଟିକା ସଂପର୍କରେ ସମୀକ୍ଷା କରିଛନ୍ତି ? ଦେଶର ୩ ପ୍ରମୁଖ ସହରରେ ଏବେ କରୋନା ଟିକାର ଉତ୍ପାଦନ ପାଇଁ ପ୍ରୟାସ ଚାଲିଛି। ମୋଦି ସେହି ସବୁ ସ୍ଥାନକୁ ଯାଇ ବୈଜ୍ଞାନିକଙ୍କ ସହ ଟିକାର ଅଗ୍ରଗତି ସମ୍ପର୍କରେ ଆଲୋଚନା କରିବା ସହ ଟିକା ପ୍ରସ୍ତୁତି ସଂପର୍କରେ ବୁଲି ଦେଖିଛନ୍ତି । ମୋଦି ଅହମ୍ମଦାବାଦ୍‌ର ଜାଏଡସ୍‌ ବାୟୋଟେକ୍‌ ପାର୍କ, ହାଇଦ୍ରାବାଦ୍‌ର ଭାରତ ବାୟୋଟେକ୍‌ ପାର୍କ ଏବଂ ପୁଣେର ସିରମ୍‌ ଇନଷ୍ଟିଚ୍ୟୁଟ୍‌ ଅଫ୍‌ ଇଣ୍ଡିଆ କୁ ଯାଇ ବୁଲି ଦେଖିଛନ୍ତି ।

ପ୍ରଧାନମନ୍ତ୍ରୀଙ୍କ ମିସନ ଭାକସିନ୍‌ । କୋରାନା ଟିକା ଅଗ୍ରଗତି ସଂପର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମୀକ୍ଷା । ଭାରତର ୩ ଟି ଫାର୍ମରେ କରୋନା ଟିକା ପ୍ରସ୍ତୁତି ଚାଲିଛି । ଅହମ୍ମଦାବାଦ୍‌ର ଜାଏଡସ୍‌ ବାୟୋଟେକ୍‌ ପାର୍କ, ହାଇଦ୍ରାବାଦର ଭାରତ ବାୟୋଟେକ୍‌ ପାର୍କ ଏବଂ ପୁଣେର ସିରମ୍‌ ଇନଷ୍ଟିଚ୍ୟୁଟ୍‌ ଅଫ୍ ଇଣ୍ଡିଆରେ ଏହି ଟିକା ପ୍ରସ୍ତୁତ ହେଉଛି ।  ମୋଦି ଏହି ୩ଟି ସଂସ୍ଥାକୁ ଯାଇ ଟିକା ଅଗ୍ରଗତି ସଂପର୍କରେ ବୁଲି ଦେଖିବା ସହ ଏହାର ବୈଜ୍ଞାନିକ, ରିସର୍ଚ୍ଚରଙ୍କ ସହ ପୁଙ୍ଖାନୁପୁଙ୍ଖ ଆଲୋଚନା କରିଛନ୍ତି ।  ଦିଲ୍ଲୀରୁ ସକାଳେ ବାହାରିଥିବା ମୋଦି ସିଧା ଗୁଜରାଟର ଅହମଦାବାଦରେ ପହଞ୍ଚିଥିଲେ । ଏଠାରେ ଥିବା ଜାଏଡସ୍‌ କାଡିଲାର ପ୍ଲାଣ୍ଟରେ ପହଞ୍ଚିଥିଲେ। ଏଠାରେ ସେ ପିପିଇ କିଟ୍‌ ପିନ୍ଧି ପ୍ଲାଣ୍ଟ ମଧ୍ୟକୁ ଯାଇଥିଲେ। ବିଭିନ୍ନ ସ୍ଥାନ ବୁଲିବା ପରେ ତାଙ୍କୁ ବୈଜ୍ଞାନିକମାନେ ଟିକାର ସ୍ଥିତି କ’ଣ ରହିଛି, ସେ ସମ୍ପର୍କରେ ଅବଗତ କରାଇଥିଲେ ।

ଅହମ୍ମଦାବାଦ୍‌ ଜାଏଡସ୍ ବାୟୋଟେକ୍‌ ଫାର୍ମ ବୁଲି ଦେଖିବା ପାରେ ପ୍ରଧାନମନ୍ତ୍ରୀ ଟ୍ବିଟ୍‌ କରି ଲେଖିଥିଲେ ଯେ ଏଠାର ବୈଜ୍ଞାନିକ ମାନେ କରୋନା ଟିକା ପ୍ରସ୍ତୁତି ଅଗ୍ରଗତି ନେଇ ଯେଉଁ ପ୍ରୟାସ ଜାରି ରଖିଛନ୍ତି ସେଥିପାଇଁ ସେମାନଙ୍କୁ ଧନ୍ୟବାଦ ।  ଭାରତ ବାୟୋଟେକ୍‌ ଟିମ୍‌ ଆଇସିଏମ୍‌ଆର ସହ ମିଶି ଜୋରସୋରରେ କାମକୁ ଆଗେଇ ନେଇଛନ୍ତି ।  ଜାଏଡସ୍‌ କଂପାନୀ କରୋନା ଭ୍ୟାକସିନ୍ ଜାଇକୋଭ୍ -ଡି ପ୍ରସ୍ତୁତି କରୁଛି।

ଅଗଷ୍ଟ ମାସରୁ ଏହାର ଦ୍ବିତୀୟ ପର୍ଯ୍ୟାୟ ହ୍ୟୁମାନ ଟ୍ରାଏଲ ଆରମ୍ଭ ହୋଇଛି। ସେପଟେ ହାଇଦ୍ରାବାଦ୍‌ ଭାରତ ବାୟୋଟେକ୍‌ ରେ କୋଭାକ୍ସିନ୍‌ ଟିକାର ପ୍ରସ୍ତୁତି ଚାଲିଛି । ଏହାର ତୃତୀୟ ପର୍ଯ୍ୟାୟ ମାନବ ପରୀକ୍ଷଣ ପାଇଁ ପ୍ରସ୍ତୁତି ଆରମ୍ଭ ହୋଇଛି । ଏହାପରେ ମୋଦି ହାଇଦ୍ରାବାଦ୍‌ର ଭାରତ ବାୟୋଟେକ୍‌ ଓ ପୁମେର ସିରମ୍‌ ଇନଷ୍ଟିଚ୍ୟୁଟ୍‌ ଅଫ୍‌ ଇଣ୍ଡିଆ ବୁଲି ଦେଖିଥିଲେ ।  

ସେପଟେ ଦିଲ୍ଲୀରେ କରୋନା କରୋନା ସ୍ଥିତି ନିୟନ୍ତ୍ରଣକୁ ଆସିଛି ବୋଲି ଦିଲ୍ଲୀ ସ୍ବାସ୍ଥ୍ୟମନ୍ତ୍ରୀ କହିଛନ୍ତି । ଦିଲ୍ଲୀରେ ନଭେମ୍ବରରେ ଆକ୍ରାନ୍ତଙ୍କ ସଂଖ୍ୟା ୪୫ ପ୍ରତିଶତକୁ ଖସି ଆସିଥିବା ସେ ଦାବି କରିଛନ୍ତି ।  ସେପଟେ କରୋନାକୁ ନେଇ ଏକ ନୂଆ ଲକ୍ଷଣ ଆସିଥିବା କୁହାଯାଉଛି । ଆମେରିକାରେ କିଛି ଆକ୍ରନ୍ତଙ୍କ ଦାନ୍ତ ଉପରେ ଏହାର ପ୍ରଭାବ ପଡିଥିବା ନ୍ୟୁଅର୍କସ୍‌ ଟାଇମ୍‌ ତା ରିପୋର୍ଟରେ ଉଲ୍ଲେଖ କରିଛି । ଆମେରିକାର କିଛି ଆକ୍ରନ୍ତଙ୍କ ପାଟିର ମାଢି ଦୁର୍ବଳ ହେବା ସହ ଦାନ୍ତ ଝଡୁଥିବା ଏହି ରିପୋର୍ଟରେ କୁହାଯାଇଛି ।

   Related Posts