Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ପୁରୀରୁ ନରେନ୍ଦ୍ର ମୋଦି ପ୍ରାର୍ଥୀ ହେବା ନେଇ ଅରୁଣ ସିଂ କହିଲେ ଏମିତି କିଛି କଥା …..ବିଜେଡି କଲା କାଉଣ୍ଟର

6/10/2018 at 12:58 PM

୨୦୧୯ ନିର୍ବାଚନରେ ପୁରୀରୁ ନରେନ୍ଦ୍ର ମୋଦି ପ୍ରାର୍ଥୀ ହୋଇପାରନ୍ତି | ଏମିତି ଏକ ଚର୍ଚ୍ଚା ପୁଣି ଜୋର ଧରିଥିବା ବେଳେ ଆଜି ବିଜେପିର ଓଡିଶା ପ୍ରଭାରୀ ଅରୁଣ ସିଂ ସେଥିରେ ଘିଅ ଢାଳିଛନ୍ତି | ଓଡିଶାର ଲୋକ ନରେନ୍ଦ୍ର ମୋଦିଙ୍କୁ ବହୁତ ଭଲ ପାଆନ୍ତି ଏକଥା ପ୍ରମାଣିତ ହେବାରେ ଲାଗିଛି | ନିକଟରେ ଏକ ଜାତୀୟ ଚାନେଲ ପକ୍ଷରୁ ହୋଇଥିବା ସର୍ଭେ ଏହି ଇଙ୍ଗିତ ଦେଇସାରିଛି | ତେବେ ପୁରୀରୁ ନରେନ୍ଦ୍ର ମୋଦି ପ୍ରାର୍ଥୀ ହେବା ନେଇ ବିଜେପି ସଂସଦୀୟ ବୋର୍ଡ ନିଷ୍ପତ୍ତି ନେବ | ତାଛଡା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଏ ନେଇ ନିଷ୍ପତ୍ତି ନେବେ ବୋଲି ଆଜି ଅରୁଣ ସିଂ କହିଛନ୍ତି | ଜାତୀୟ ଚାନେଲର ସର୍ଭେରେ ଉତ୍ସାହିତ ଅରୁଣ ସିଂ କହିଛନ୍ତି ଯେ, ୨୦୧୯ରେ ରାଜ୍ୟରେ ବିଜେପି ଏକାକୀ ସରକାର ଗଠନ କରିବ | ମିଶନ ୧୨୦ ନିଶ୍ଚୟ ସଫଳ ହେବ ବୋଲି ମଧ୍ୟ ସେ ଆଶା ପ୍ରକାଶ କରିଛନ୍ତି | ନବୀନ ପଟ୍ଟନାୟକଙ୍କ ବିଜେଡି ସରକାର ସବୁ କ୍ଷେତ୍ରରେ ବିଫଳ ହୋଇସାରିଛି | ଏକଥା ଲୋକ ହୃଦୟଙ୍ଗମ କରିସାରିଲେଣି | ତେଣୁ ୨୦୧୯ରେ ନବୀନଙ୍କୁ ଲୋକେ ପ୍ରତ୍ୟାଖ୍ୟାନ କରିବେ ବୋଲି ସେ କହିଛନ୍ତି | ଲୋକଙ୍କୁ ରୋଜଗାର ଦେବାରେ ଏ ସରକାର ବିଫଳ ହୋଇଛି | ପ୍ରତ୍ୟେକ ଦିନ ଶିକ୍ଷକ ମାନେ ଆନ୍ଦୋଳନ କରୁଛନ୍ତି | ରୋଗୀଙ୍କ ପାଇଁ ହସ୍ପିଟାଲରେ ଡାକ୍ତର ନାହାନ୍ତି କି ଔଷଧ ନାହିଁ ବୋଲି ଅରୁଣ ସିନ୍ମଗହ ରାଜ୍ୟ ସରକାରଙ୍କ କଡା ସମାଲୋଚନା କରିଛନ୍ତି |

ଅପରପକ୍ଷରେ ଅରୁଣ ସିଂଙ୍କ ଏହି ବକ୍ତବ୍ୟର ଜବାବ ରଖିଛନ୍ତି ବିଜେଡିର ବରିଷ୍ଠ ନେତା ଅମର ଶତପଥୀ | ନରେନ୍ଦ୍ର ମୋଦି ପୁରୀରୁ ପ୍ରାର୍ଥୀ ହେବା ସମ୍ଭାବନା ପ୍ରସଙ୍ଗରେ ଅମର କହିଛନ୍ତି ଯେ, ଏହା ଦ୍ୱାରା କୌଣସି ପ୍ରଭାବ ପଡିବ ନାହିଁ | ସେ ପ୍ରାର୍ଥୀ ହେବେ କି ନାହିଁ ପ୍ରଥମେ ତାଙ୍କ ସଂସଦୀୟ ବୋର୍ଡ ନିଷ୍ପତ୍ତି ନେଉ ତାପରେ ଦେଖାଯିବ | ୨୦୧୯ ନିର୍ବାଚନରେ ରାଜ୍ୟରେ ବିଜେପି ସଫଳ ହେବା ନେଇ ମଧ୍ୟ ସେ ଆଶଙ୍କା ପ୍ରକାଶ କରିଛନ୍ତି | କହିଛନ୍ତି ଯେ, ଉତ୍ତର ପ୍ରଦେଶର ଗୋରଖପୁର ଉପ ନିର୍ବାଚନକୁ ସମୀକ୍ଷା କଲେ ବିଜେପି କେତେ ସଫଳ ହେବ ତାହା ଜଣାପଡୁଛି | ଗୋରଖପୁରରେ ବିଜେପିର ପରାଜୟ କାହିଁକି ହେଲା ସେନେଇ ବିଜେପି ପ୍ରଥମେ ଜବ ରଖୁ ବୋଲି ଅମର କହିଛନ୍ତି | ନରେନ୍ଦ୍ର ମୋଦି କ୍ଷମତାକୁ ଆସିବା ପରେ ହୋଇଥିବା ବିଭିନ୍ନ ଉପ ନିର୍ବାଚନରେ ବିଜେପି ଫେଲ ମାରିଚି | ଏପରିକି ନିକଟ ଅତୀତରେ ରାଜ୍ୟରେ ହୋଇଥିବା ବିଜେପୁର ଉପ ନିର୍ବାଚନରେ ବିଜେପି ଦୟନୀୟ ଭାବେ ହାରିଥିବା କଥା ଅମର ଉଠାଇଛନ୍ତି |

 

   Related Posts