ନୂଆଦିଲ୍ଲୀ ୧୧।୧୦: ଜାମ୍ମୁ-କାଶ୍ମୀରରେ ଆତଙ୍କବାଦୀ ଆକ୍ରମଣରେ ୫ ଭାରତୀୟ ଯବାନଙ୍କ ସହିଦ ହୋଇଛନ୍ତି। ଏହାକୁ ନେଇ କଂଗ୍ରେସ କେନ୍ଦ୍ରର ମୋଦୀ ସରକାରଙ୍କୁ ଟାର୍ଗେଟ୍ କରିଛି। କଂଗ୍ରେସ ନେତା କପିଲ ସିବଲ କହିଛନ୍ତି, ଜାମ୍ମୁ-କାଶ୍ମୀରରେ ଆତଙ୍କବାଦ ଜାରି ରହିଛି। ଛୋଟ ଛୋଟ ପିଲାଙ୍କୁ ଟାର୍ଗେଟ୍ କରାଯାଉଛି। ସେପଟେ ସରକାର ନିରବ ରହିଥିବା ସିବଲ କହିଛନ୍ତି। ସେ ପ୍ରଧାନମନ୍ତ୍ରୀଙ୍କୁ ଆକ୍ଷେପ କରି କହିଛନ୍ତି, ମୋଦୀ ଜୀ କଣ ଆପଣ ଦେଇଥିବା ପ୍ରତିଶ୍ରୁତି ଭୁଲି ଗଲେ ନା ସେ ବି ଜୁମଲା ଥିଲା।

wp:html

Militancy continues in J&K
No end in sight

Our brave soldiers , Officers martyred
Innocent gutsy citizens ( a chemist ,a teacher ) being targeted and killed

Modi ji
Have you forgotten the promises you made
Or were those too ‘ jumlas ‘ as the Home Minister might say !

— Kapil Sibal (@KapilSibal) October 11, 2021

/wp:html

ଜାମ୍ମୁ-କାଶ୍ମୀରର ପୁଞ୍ଝ ଜିଲ୍ଲାରେ ଆତଙ୍କବାଦ ନିରୋଧୀ ଅଭିଯାନରେ ସୁରକ୍ଷାବଳ ଏବଂ ଆତଙ୍କବାଦୀଙ୍କ ମଧ୍ୟରେ ସୋମବାର ଗୁଳି ବିନିମୟ ଘଟିଛି। ଏହି ସଂଘର୍ଷରେ ପାଞ୍ଚ ଯବାନ ସହିଦ ହୋଇଛନ୍ତି। ଏହା ପୂର୍ବରୁ ସେନା ବିଶେଷ ସୂଚନା ପରେ ପୁଞ୍ଝ ଜିଲ୍ଲାର ସୁରନକୋଟ ଅଞ୍ଚଳର ଦାରା ଗଳିର ଆଖାପାଖ ଗାଁ ଘେରାବନ୍ଦୀ କରି ତଲାସି ଅଭିଯାନ ଆରମ୍ଭ କରିଥିଲେ। ଏହି ସମୟରେ ଛପି ରହିଥିବା ଆତଙ୍କବାଦୀ ଯବାନଙ୍କ ଉପରେ ଗୁଳିମାଡ କରିଥିଲେ। ଏଥିରେ ଜେସିଓ ସହିତ ପାଞ୍ଚ ସୈନିକ ଗୁରୁତର ଆହତ ହୋଇଥିଲେ। ଘଟଣାସ୍ଥଳରେ ପ୍ରାୟ ୪ ରୁ ୫ ଆତଙ୍କବାଦୀ ଛପି ରହିଥିବା କୁହାଯାଉଥିଲା। ବିପୁଳ ହତିଆର ସହ ଆତଙ୍କବାଦୀ ନିୟନ୍ତ୍ରଣ ରେଖା ପାର ଚରମେର ଜଙ୍ଗଲରେ ଛପି ରହିଥିବା ଖବର ମିଳିଥିଲା।