Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ନିର୍ବାଚନ ତାରିଖକୁ ନେଇ ମମତା ପୁଣି ବର୍ଷିଲେ ମୋଦିଙ୍କ ଉପରେ, କହିଲେ ହୋଇପାରେ ଆଉ ଏକ ଷ୍ଟ୍ରାଇକ

12/03/2019 at 1:59 PM

କୋଲକାତା ୧୨/୩ : ରବିବାର ଦିନ ଲୋକସଭା ନିର୍ବାଚନ ତାରିଖ ଘୋଷଣା କରିଛନ୍ତି ମୁଖ୍ୟ ନିର୍ବାଚନ ଆୟୋଗ ସୁନୀଲ ଅରୋଡା | ନିର୍ବାଚନ ତାରିଖ ଘୋଷଣା ପରେ ବିରୋଧୀ ନାନା ମତ ପୋଷଣ କରିଥିଲେ | ନିର୍ବାଚନ ତାରିଖ ନେଇ ନିର୍ବାଚନ ଆୟୋଗଙ୍କୁ ଟାର୍ଗେଟ କରିଛନ୍ତି ବିରୋଧୀ | ଏଥିରେ ପଶ୍ଚିମବଙ୍ଗ ମମତା ବାନାର୍ଜୀ ମଧ୍ୟ ପଛରେ ନାହାନ୍ତି | ସେ କହିଛନ୍ତି ଯେ, ଲୋକସଭା ନିର୍ବାଚନ ସମୟସୀମା ଜାଣିଶୁଣି ଟଣା ଯାଇଛି | ପଶ୍ଚିମବଙ୍ଗକୁ ହଇରାଣ କରିବା ପାଇଁ ବିଜେପି ସରକାର ଆଉ ଏକ ଷ୍ଟ୍ରାଇକ କରିବା ପାଇଁ ଯୋଜନା କରୁଛି | ବିଜେପି କାଙ୍କ ଉପରେ କିଭଳି ହମଲା କରିବ ତାହା ସେ କହିପାରିବେ ନାହିଁ ବୋଲି କହିଛନ୍ତି | ମମତାଙ୍କ ଏହି ବୟାନକୁ ଭାରତୀୟ ବାୟୁସେନା ଦ୍ୱାରା କରାଯାଇଥିବା ଏୟାର ଷ୍ଟ୍ରାଇକ ସହ ତୁଳନା କରାଯାଇଛି |


ସୂଚନାଯୋଗ୍ୟ ଯେ, ମମତା ଏକ ସାମ୍ବାଦିକ ସମ୍ମିଳନୀରେ କହିଥିଲେ ଯେ, କିଛି ବରିଷ୍ଠ ସାମ୍ବାଦିକ ତାଙ୍କୁ କହିଥିଲେ ଯେ, ଆଉ ଏକ ହମଲା ବା ଷ୍ଟ୍ରାଇକ କରାଯିବ | ସେ କିଭଳି ହମଲା ତାହା ସେ କହିପାରିବେ ନାହିଁ ବୋଲି କହିଛନ୍ତି | ସେଥିପାଇଁ ନିର୍ବାଚନ ପ୍ରକ୍ରିୟା ମେ ୧୯ ତାରିଖ ପର୍ଯ୍ୟନ୍ତ ଟଣା ଯାଇଛି | ସେ କହିଛନ୍ତି, “ଦୟା କରି ମୋତେ ଓଲଟା ଭାବିବେ ନାହିଁ | ନିର୍ବାଚନ ଆୟୋଗ ଭଳି ସାମ୍ବିଧାନିକ ସଂସ୍ଥା ପ୍ରତି ମୋର ବହୁତ ସମ୍ମାନ ରହିଛି | କିନ୍ତୁ ପଶ୍ଚିମବଙ୍ଗରେ ମାହୋଲ ଖରାପ କରିବ ପାଇଁ ବିଜେପି ଯୋଜନା କରୁଛି |


ଅପରପକ୍ଷରେ ମମତାଙ୍କ ମନ୍ତବ୍ୟକୁ ବିଜେପି ପ୍ରଦେଶ ଅଧ୍ୟକ୍ଷ ଦିଲୀପ ଘୋଷ ଅମୂଳକ ବୋଲି କହିଛନ୍ତି | ସେ କହିଛନ୍ତି, ମମତା ପବନରେ କଥାବାର୍ତ୍ତା କରନ୍ତି | ଅଯଥା ଅଭିଯୋଗ କରିବା ତାଙ୍କର ପୁରୁଣା ଅଭ୍ୟାସ | ତାଙ୍କ ପାଖରେ ଯଦି କୌଣସି ପ୍ରମାଣ ଅଛି ତା’ହେଲେ ତାକୁ ସାର୍ବଜନୀନ କରିବ ଉଚିତ |


ପଶ୍ଚିମବଙ୍ଗରେ ୭ଟି ପର୍ଯ୍ୟାୟରେ ନିର୍ବାଚନ ହେବ | ପ୍ରଥମ ପର୍ଯ୍ୟାୟ ଭୋଟ ଏପ୍ରିଲ ୧୧ ତାରିଖରେ ହେବ ଏବଂ ଶେଷ ପର୍ଯ୍ୟାୟ ଭୋଟ ମେ ୧୯ ତାରିଖରେ | ମମତାଙ୍କ ଦଳ ରାଜ୍ୟର ସମସ୍ତ ୪୨ ଟି ଲୋକସଭା ଆସନରେ ବିଜୟୀ ହେବ ବୋଲି ମମତା ଦାବି କରି କହିଛନ୍ତି | ନିର୍ବାଚନ ପ୍ରକ୍ରିୟା ଯେତେ ଲମ୍ବା ହେଲେ ମଧ୍ୟ ତାଙ୍କର କୌଣସି ଅସୁବିଧା ନାହିଁ | କାରଣ ସମସ୍ତ ଆସନରେ ସେ ହିଁ ଜିତିବେ ବୋଲି କହିଛନ୍ତି ମମତା |

   Related Posts