Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଭାରସାମ୍ୟ ହରାଇ ବ୍ରିଜ୍ ଉପରୁ ୨୦ଫୁଟ ତଳକୁ ଖସିଲା ବାଇକ୍, ୨ ଗୁରୁତର
  • ||
  • ନୀଳଗିିରି : ବିଦ୍ୟୁତ ବିଲ୍ ବୃଦ୍ଧି ପ୍ରତିବାଦରେ ସିପିଆଇର ରାସ୍ତାରୋକ
  • ||
  • ଢେଙ୍କାନାଳ : ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଚାଲିଗଲା ଜୀବନ
  • ||
  • ଭୁବନେଶ୍ବର : ଖରା ପାଇଁ ପାନୀୟ ଜଳ ବିଭାଗର ଛୁଟି ବାତିଲ
  • ||
  • ୨ ବିଶ୍ୱବିଦ୍ୟାଳୟରେ ନୂଆ କୁଳପତି, ରାଜଭବନ ପକ୍ଷରୁ ବିଜ୍ଞପ୍ତି ପ୍ରକାଶ
  • ||
  • ଭୁବନେଶ୍ବର : ଡାକ୍ତରଖାନା ପାଇଁ କୋଭିଡ୍ ଗାଇଡ୍‌ଲାଇନ୍, ଆବଶ୍ୟକତା ନଥିଲେ ସଂକ୍ରମିତଙ୍କୁ ଆଡମିଶନ ମନା
  • ||
  • ସରିଲା ରାଜ୍ୟ କ୍ୟାବିନେଟ୍‌ ବୈଠକ, ୯ଟି ପ୍ରସ୍ତାବ ଉପରେ ବାଜିଲା ମୋହର
  • ||
  • ଭୁବନେଶ୍ବର : BMCର ପେଡ୍ କ୍ବାରେଣ୍ଟାଇନ୍ ବ୍ୟବସ୍ଥା, ନନ୍ ଏସି ୧୦୯୯ ଓ ଏସି ରୁମ୍ ୧୪୯୯ ଟଙ୍କା
  • ||
  • ଭୁବନେଶ୍ବର : ପିପିଲି ହିଂସା ଘଟଣା, ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଲା ବିଜେଡି
  • ||
  • କରଞ୍ଜିଆ : ବିଡିଓଙ୍କ ମନମୁଖୀ କାର୍ଯ୍ୟକୁ ବିରୋଧ, ବ୍ଲକ କାର୍ଯ୍ୟାଳୟରେ ତାଲା ପକାଇ ନିର୍ବାଚିତ ଜନ ପ୍ରତିନିଧିଙ୍କ ଧାରଣା ୪ର୍ଥ ଦିନରେ
  • ||

ବିରୋଧୀ ଦଳଙ୍କୁ ମୋଦିଙ୍କ ଆହ୍ୱାନ, ଶାହସ ଅଛି ତ କାଶ୍ମୀରରୁ ୩୭୦ ହଟାଇ ଦେଖାନ୍ତୁ

13/10/2019 at 8:01 PM

ଜଲଗାଓଁ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ବିରୋଧୀ ଦଳଙ୍କୁ ଆହ୍ୱାନ ଦେଇଛନ୍ତି। ମହାରାଷ୍ଟ୍ର ଜଲଗାଓଁରେ ଅନୁଷ୍ଠିତ ଏକ ନିର୍ବାଚନୀ ସଭାକୁ ସମ୍ବୋଧିତ କରି ମୋଦି ବିରୋଧୀ ଦଳମାନେ କାଶ୍ମୀରରୁ ସମ୍ବିଧାନର ଅନୁଚ୍ଛେଦ ୩୭୦ ଓ ୩୫-ଏକୁ ଏବେ ପ୍ରତ୍ୟାହାର କରିପାରିବେ କି ବୋଲି ପଚାରିଛନ୍ତି। ମୋଦି କହିଛନ୍ତି ମହାରାଜା ଶିବାଜୀଙ୍କ ପବିତ୍ର ମାଟିରେ ଛିଡା ହୋଇ ମୁଁ ସମସ୍ତ ବିରୋଧୀ ଦଳଙ୍କୁ ଆହ୍ୱାନ କରୁଛି ଯଦି ଆପଣମାନଙ୍କର ଶାହାସ ଅଛି ନିଜର ମତ ସ୍ପଷ୍ଟ କରନ୍ତୁ । ସମ୍ବିଧାନର ଅନୁଚ୍ଛେଦ ୩୭୦ ଓ ୩୫-ଏ କୁ ପ୍ରତ୍ୟାହାର କରିବାରେ ସରକାରଙ୍କ ନିଷ୍ପତିକୁ ସେମାନେ ସମର୍ଥନ କରନ୍ତି କି ନା।

ମୋଦି ଏହା ମଧ୍ୟ କହିଛନ୍ତି ‘ ଯଦି ସେମାନେ ସରକାରଙ୍କ ନିଷ୍ପତ୍ତିକୁ ସମର୍ଥନ କରନ୍ତି ନାହିଁ, ତେବେ ୨୧ ଅକ୍ଟୋବର ନିର୍ବାଚନ ଲାଗି ପ୍ରସ୍ତୁତ କରିବାକୁ ଯାଉଥିବା ଦଳରେ ମେନିଫିଷ୍ଟୋରେ ସେମାନେ ସମ୍ବିଧାନର ଅନୁଚ୍ଛେଦ ୩୭୦କୁ ପୁଣି ଲାଗୁ କରି ମୋଦି ସରକାରଙ୍କ ୫ ଅଗଷ୍ଟ ନିଷ୍ପତିକୁ ବଦଳାଇ ଦେଇ ପାରିବେ ବୋଲି ଜନତାଙ୍କୁ ଲିଖିତ ପ୍ରତିଶ୍ରୁତି ଦେଇ ପାରିବେ କି ବୋଲି ପଚାରିଛନ୍ତି ‘। ତେବେ ଜମ୍ମୁ-କାଶ୍ମୀରରେ ପରିସ୍ଥିତି ସୁଧାରିବାକୁ ସରକାର ପ୍ରୟାଶରତ ଥିବା ମୋଦି କହିଛନ୍ତି। ହୁଏତ ଏଥିଲାଗି  ଆହୁରି ୪ ମାସ ସମୟ ମଧ୍ୟ ଲାଗିପାରେ । ହେଲେ ଜମ୍ମୁ-କାଶ୍ମୀର ଦେଶର ଅନ୍ୟ ସାଧାରଣ ରାଜ୍ୟଙ୍କ ଭଳି ଦେଶର ଏକ ପ୍ରଗତିଶୀଳ ରାଜ୍ୟରେ ରୂପାନ୍ତରିତ ହେବ ବୋଲି ମୋଦି ଆଶାବ୍ୟକ୍ତ କରିଛନ୍ତି।

ସଭାରେ ମୋଦି ବିରୋଧୀ ଦଳଙ୍କୁ ଟାର୍ଗେଟ କରି ସେମାନେ ପଡୋଶୀ ଦେଶର ଭାଷା କହୁଥିବା ପରି ଲାଗୁଛି । ସେମାନଙ୍କ ମଧ୍ୟରେ ଭଲ ତାଳମେଳ ରହିଛି ବୋଲି ମୋଦି କହିଛନ୍ତି। ଅଗଷ୍ଟ ୫ ତାରିଖରେ ସରକାର ଏପରି ଏକ ପଦକ୍ଷେପ ନେଇଥିଲେ ଯାହା ଏପର୍ଯ୍ୟନ୍ତ ସମସ୍ତଙ୍କ ଲାଗି ଅସମ୍ଭବ ମନେ ହେଉଥିଲା। ସମ୍ବିଧାନର ଅନୁଚ୍ଛେଦ ୩୭୦ ହଟାଇ ଜମ୍ମୁ-କାଶ୍ମୀର ଓ ଲଦ୍ଦାଖର ଲୋକଙ୍କୁ ଜାତୀୟ ମୁଖ୍ୟଧାରାରେ ସାମିଲ କରି ପ୍ରଗତି ଲାଗି ସେମାନଙ୍କୁ ସକ୍ଷମ କରିଛନ୍ତି। ଆମ ଲାଗି ଜମ୍ମୁ-କାଶ୍ମୀର ଅଥବା ଲଦ୍ଦାଖ କେବଳ ଭୂ-ଖଣ୍ଡ ନୁହେଁ ଦେଶର ମୁକୁଟର ପ୍ରତିନିଧିତ୍ୱ କରେ।

ବିଗତ ସମୟରେ ବିଜେପି ଓ ଶିବସେନା ସରକାର ମହାରାଷ୍ଟ୍ରରେ ଉଲ୍ଲେଖନୀୟ କାର୍ଯ୍ୟ କରିଛନ୍ତି। ଏଣୁ ଲୋକେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀଶଙ୍କ ନେତୃତ୍ୱରେ ପୁଣି ରାଜ୍ୟରେ ବିଜେପି ସରକାରକୁ ମନୋନୀତ କରିବେ ବୋଲି ମୋଦି ଆଶାବ୍ୟକ୍ତ କରିଛନ୍ତି।

   Related Posts