Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ସଂପ୍ରସାରଣ ହେବ ମୋଦୀ ସରକାରଙ୍କ କ୍ୟାବିନେଟ୍‌, ସ୍ଥାନ ପାଇବେ ନୂଆ ମୁହଁ, ଦିଲ୍ଲୀରେ ଆରମ୍ଭ ହୋଇଗଲାଣି କସରତ

30/11/2020 at 8:29 AM

ନୂଆଦିଲ୍ଲୀ, ୩୦|୧୧:   ସଂସଦର ଆଗାମୀ ଅଧିବେଶନ ପୂର୍ବରୁ ମୋଦୀ ସରକାରଙ୍କ ମନ୍ତ୍ରୀମଣ୍ଡଳର ସଂପ୍ରସାରଣ ହୋଇପାରେ । ଏବେସୁଦ୍ଧା ଏନେଇ ସ୍ପଷ୍ଟ ସୂଚନା ମିଳିପାରି ନାହିଁ । ବିହାରରେ ଏନଡିଏ ସରକାର ଜିତିବା ସହ ଦେଶର ବିଭିନ୍ନ ରାଜ୍ୟରେ ହୋଇଥିବା ଉପ ନିର୍ବାଚନରେ ବିଜେପିକୁ ଅହେତୁକ ସଫଳତା ମିଳିଛି । ଫଳରେ ମନ୍ତ୍ରୀମଣ୍ଡଳରେ ସଂପ୍ରସାରଣ ଚର୍ଚ୍ଚା ଜୋର୍ ଧରିଛି ।

ମନ୍ତ୍ରୀମଣ୍ଡଳରେ ସଂପ୍ରସାରଣ ଚର୍ଚ୍ଚା ଜୋର ଧରିବା ମଧ୍ୟରେ ଏବେ ବିଭିନ୍ନ ବିଜେପି ନେତା ଦିଲ୍ଲୀରେ ଆସି ବରିଷ୍ଠ କର୍ମକର୍ତ୍ତାଙ୍କୁ ଭେଟୁଛନ୍ତି । ବିହାର ନିର୍ବାଚନରେ ସଫଳତା ପଛରେ ହାତ ଥିବା କିଛି ନେତା ମଧ୍ୟ ମନ୍ତ୍ରୀମଣ୍ଡଳରେ ସ୍ଥାନ ପାଇବା ପାଇଁ ଲବି ଆରମ୍ଭ କରିଦେଇଛନ୍ତି । ଏପରିକି ଜେଡିୟୁର କିଛି ସାଂସଦ ମଧ୍ୟ କ୍ୟାବିନେଟରେ ସାମିଲ ହେବା ପାଇଁ ଆଶା ରଖିଛନ୍ତି । ଏଲଜେପିର ବରିଷ୍ଠ ନେତା ରାମବିଳାସ ପାଶ୍ୱଓ୍ୱାନଙ୍କ ଦେହାନ୍ତ ପରେ ଜେଡିୟୁ ନେତାଙ୍କ ସମ୍ଭାବନା ଜୋର୍ ଧରିଛି । ସେହିପରି ରାମଦାସ ଆଠଓ୍ୱାଲେଙ୍କୁ ମଧ୍ୟ ପଦୋନ୍ନତି ମିଳିପାରେ ।

ମଧ୍ୟପ୍ରଦେଶ ଉପନିର୍ବାଚନରେ ବିଜେପିର ବିପୁଳ ବିଜୟ ପରେ ଏଠାରୁ କେହି ନେତା ମନ୍ତ୍ରୀ ହୋଇପାରନ୍ତି । କଂଗ୍ରେସ ଛାଡି ବିଜେପିରେ ଯୋଗ ଦେଇଥିବା ଜ୍ୟୋତିରାଦିତ୍ୟ ସିନ୍ଧିଆଙ୍କ ନାଁ ମଧ୍ୟ ଚର୍ଚ୍ଚାରେ ରହିଛି । ସୂତ୍ରାନୁସାରେ, ସଂସଦର ଆସନ୍ତା ଅଧିବେଶନ ପୂର୍ବରୁ ମନ୍ତ୍ରୀମଣ୍ଡଳ ସଂପ୍ରସାରଣ କରାଯାଇପାରେ । ଏହାସହ ଆସନ୍ତାବର୍ଷ ହେବାକୁ ଥିବା ବଜେଟ୍ ଅଧିବେଶନ ସହ ଏହାକୁ ଯୋଡା ଯାଇପାରେ ବୋଲି ସମ୍ଭାବନା ରହିଛି ।

   Related Posts