ଚେନ୍ନାଇ - ଭାରତ ଓ ଚୀନ୍ ମଧ୍ୟରେ ଥିବା ମତଭେଦକୁ ବିବାଦ ହେବାକୁ ଦେବୁ ନାହିଁ ଚୀନ୍ ରାଷ୍ଟ୍ରପତି ଜିନ୍ପିଙ୍ଗ୍ଙ୍କୁ ପ୍ରଧାନମନ୍ତ୍ରୀ ମୋଦୀ କହିଛନ୍ତି । ପ୍ରଧାନମନ୍ତ୍ରୀ ମୋଦୀ ଓ ଚୀନ୍ ରାଷ୍ଟ୍ରପତି ଶୀ ଜିନ୍ପିଙ୍ଗ୍ଙ୍କ ମଧ୍ୟରେ ଅନୌପଚାରିକ ସାକ୍ଷାତକାରର ଦ୍ୱିତୀୟ ଦିନରେ ମୋଦୀ ଶୀ ଜିନ୍ପିଙ୍ଗ୍ଙ୍କୁ ଏ ବିଷୟରେ ସୂଚନା ଦେଇଥିଲେ ।
ତାମିଲନାଡୁର ମହାବଳୀପୁରମ୍ରେ ମୋଦୀ ଓ ଜିନ୍ପିଙ୍ଗଙ୍କ ମଧ୍ୟରେ ସାକ୍ଷାତକାର ଅନୁଷ୍ଠିତ ହୋଇଥିଲା ।
ମୋଦୀ ଓ ଜିନ୍ପିଙ୍ଗ୍ ମଧ୍ୟରେ କୋବେ ରିସର୍ଟରେ ପ୍ରାୟ ୪୦ ମିନିଟ୍ ଧରି ଅନୌପଚାରିକ କଥାବାର୍ତ୍ତା ହୋଇଥିଲା । ଏହାପରେ ଦୁଇ ଦେଶର ପ୍ରତିନିଧି ସ୍ତରୀୟ କଥାବାର୍ତା ହୋଇଥିଲା ।
ଚୀନ୍ ରାଷ୍ଟ୍ରପତିଙ୍କ ସହ ବିଦେଶମନ୍ତ୍ରୀ ଓ୍ୱାଙ୍ଗ ଓ ଷ୍ଟେଟ୍ କାଉନ୍ସିଲର ୟାଙ୍ଗ୍ ଜିଚିଙ୍କ ସହ ୧୦୦ ସଦସ୍ୟ ବିଶିଷ୍ଟ ପ୍ରତିନିଧିମଣ୍ଡଳ ଏଠାକୁ ଆସିଛନ୍ତି ।
ଭାରତ ପକ୍ଷରୁ ପ୍ରଧାନମନ୍ତ୍ରୀ ମୋଦୀଙ୍କ ସହ ବିଦେଶ ମନ୍ତ୍ରୀ ଏସ୍ ଜୟଶଙ୍କର ଓ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭଲ୍ ଏହି ଅନୌପଚାରିକ ସାକ୍ଷାତକାରରେ ଅଂଶଗ୍ରହଣ କରିଥିଲେ ।
