Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ମହାନଦୀରେ ଖସିପଡିଲା ବସ: ଅଗ୍ନିଶମ ବାହିନୀ କେମିତି କରିବ ଉଦ୍ଧାର, ଆଜି ହେଲା ମକଡ୍ରିଲ

3/02/2019 at 6:01 PM

କଟକ ୩|୨: ଦୁର୍ଘଟଣା ବେଳେ ଉଦ୍ଧାର କାର୍ଯ୍ୟକୁ କିଭଳି ତ୍ବରାନ୍ବିତ କରିହେବ ତାର ମକ୍ ଡ୍ରିଲ କରିଛି ଅଗ୍ନିଶମ ବିଭାଗ । ମହାନଦୀ ବ୍ରିଜରେ ହୋଇଥିଲା ମକ୍ ଡ୍ରିଲ୍ । ଏହି ଡେମୋରେ ୫ ୟୁନିଟରେ ପ୍ରାୟ ୮୦ ଜଣ ଆଗ୍ନିକ ନିଜର ରଣକୌଶଳ ଦେଖାଇଛନ୍ତି । ଏଭଳି ମକ୍ ଡ୍ରିଲ୍ ଦ୍ବାରା ଅଗ୍ନିଶମ ବିଭାଗ ଅଧିକ ବଳଶାଳୀ ହୋଇପାରିବ ବୋଲି କହିଛନ୍ତି ଚିଫ୍ ଫାୟାର ଅଫିସର । …

ସମୟ ପାଖାପାଖି ଦିନ ୧୨ଟା । ମହାନଦୀ ପୋଲ ଉପରେ ଚାଲୁଥିଲା ଗାଡି ମୋଟର । ହଠାତ୍ ଗୋଟିଏ ବସ୍ ଦୁର୍ଘଟଣାଗ୍ରସ୍ତ ହୋଇ ମହାନଦୀ ପୋଲରୁ ତଳକୁ ଖସି ପଡିଲା । ଖବର ପାଇ ଘଟଣାସ୍ଥଳରେ ପହଞ୍ଚିଲେ ଅଗ୍ନିଶମ କର୍ମଚାରୀ, ପୋଲିସ ଓ ଉଦ୍ଧାରକାରୀ ଦଳ । କିଏ ଅଣ୍ଟାରେ ଦଉଡି ବାନ୍ଧି  ତଳକୁ ଖସୁଥିଲା ତ ଆଉ କିଏ ମହାନଦୀରେ ବୋଟ୍ ଯୋଗେ ଦୁର୍ଘଟଣାସ୍ଥଳକୁ ଧାଇଁ ଯାଇଥିଲେ ।

ତୁରନ୍ତ ଆହତ ବ୍ୟକ୍ତିଙ୍କୁ ଉଦ୍ଧାର କରି ମେଡାକାଲ ପଠାଇଥିଲେ ଅଗ୍ନିଶମ ଅଧିକାରୀ ଓ କର୍ମଚାରୀ । … ତେବେ ଏହା କୌଣସି ସତ ଦୁର୍ଘଟଣା ନଥିଲା । ଗତ ନଭେମ୍ବର ୨୦ରେ ମହାନଦୀ ବ୍ରିଜରେ ଘଟିଥିବା ବସ୍ ଦୁର୍ଘଟଣାକୁ ମନେ ପକାଇ ହୋଇଥିଲା ମକ୍ ଡ୍ରିଲ୍ । ଏହା ଦ୍ବାରା ଓଡିଶା ଅଗ୍ନିଶମ ବିଭାଗ ଅଧିକ ବଳଶାଳୀ ହୋଇପାରିବ ବୋଲି ଚିଫ୍ ଫାୟାର ଅଫିସର କହିଛନ୍ତି ।

ମକ୍ ଡ୍ରିଲ୍ ବେଳେ ଆଗ୍ନିକମାନଙ୍କୁ କିଛି କାମଚଳା ଯନ୍ତ୍ରପାତି ଦିଆଯାଇଥିଲା । ରେସକ୍ୟୁ ବେଳେ ଏହି ଯନ୍ତ୍ରପାତିକୁ ଆଗ୍ନିକମାନେ କିଭଳି ବ୍ୟବହାର କରିପାରୁଛନ୍ତି, ତାର ମଧ୍ୟ ପରୀକ୍ଷା ଦେଇଥିଲେ । ମକ୍ ଜ୍ରିଲରେ ୫ଟି ଅଗ୍ନିଶମ ଗାଡି, ୨ଟି ଆମ୍ବୁଲାନ୍ସ ଓ ଗୋଟିଏ କ୍ରେନ୍ ସହ ପ୍ରାୟ ୮୦ ଜଣ ଆଗ୍ନିକ ଭାଗ ନେଇଥିଲେ ।

ରାଜ୍ୟର ବିଭିନ୍ନ ସ୍ଥାନରେ ଘଟୁଥିବା ବଡ ଦୁର୍ଘଟଣାର କିଭଳି ସଫଳ ମୁକାବିଲା କରିହେବ ସେନେଇ ଏଭଳି ମକଡ୍ରିଲ କରାଯାଉଛି ବୋଲି ଅଗ୍ନିଶମ ବିଭାଗ ଅଧିକାରୀ କହିଛନ୍ତି ।

   Related Posts