Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋଟିଏ ରାତିରେ ୨ଟି ଘରୁ ଲୁଟ୍, ନେଇଗଲେ ୬ ଭରି ସୁନା ଓ ଲକ୍ଷାଧିକ ଟଙ୍କା
  • ||
  • ଉଦ୍ଧାର ହେଲା ବିରାଟ ହରିଣ, ଓଜନ ୧ କ୍ୱିଣ୍ଟାଲ, ପେଟରେ ଗଭୀର କ୍ଷତ
  • ||
  • ସୁବର୍ଣ୍ଣପୁର : ରାସ୍ତା କଡରେ ପଡି କାନ୍ଦୁଥିଲା ନବଜାତ ଶିଶୁ, ଉଦ୍ଧାର କଲେ ଦମ୍ପତ୍ତି
  • ||
  • ହାଇଦର ସହଯୋଗୀ ୟାକୁବର ଆତ୍ମସମର୍ପଣ, SCBରେ ହାଇରଦରକୁ ଭେଟିଥିଲା ୟାକୁବ
  • ||
  • ଚମକ ହରାଉଛି ସୁନା : ପୁଣି କମିଲା ଦାମ୍, ୧୦ ହଜାର ଟଙ୍କା ହେଲାଣି ଶସ୍ତା
  • ||
  • ଗଜପତି : ଘାରିଲା କରୋନା ଭୟ, ଆଜିଠୁ ଗଜପତି ଜିଲ୍ଲାର ସବୁ ସୀମା ସିଲ୍
  • ||
  • ନୀଳଗିରି : ମାସ୍କ ଚେକିଂ ନାଁରେ ୨ ଯୁବକଙ୍କୁ ଗୁଡେଇ ତୁଡେଇ ପିଟିଲା ପୋଲିସ, ସୋସିଆଲ୍ ମିଡିଆରେ ଭିଡିଓ ଭାଇରାଲ୍
  • ||
  • ଚାନ୍ଦବାଲି : ମାସ୍କ ଚେକିଂ ନାଁରେ ୨ ଯୁବକଙ୍କୁ ଗୁଡେଇ ତୁଡେଇ ପିଟିଲା ପୋଲିସ, ସୋସିଆଲ୍ ମିଡିଆରେ ଭିଡିଓ ଭାଇରାଲ୍
  • ||
  • ଜଳେଶ୍ବର : ଓଭରବ୍ରିଜ୍ ଓ୍ବାଲ୍‌କୁ ଧକ୍କା ଦେଇ ଓଲଟିଲା ବୋଲେରୋ, ୬ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୨୮ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ସରକାରୀ ନିୟମକୁ ଫୁ, ବେଆଇନ ଭାବେ ଚାଲିଛି ମୋବାଇଲ ଟାଓ୍ବାର ନିର୍ମାଣ

25/06/2019 at 1:35 PM

ଜଟଣୀ ୨୫|୬: ସବୁ ନିୟମକୁ ଫୁ କରି ଜଟଣୀ ବାଲିଛକ ସାହିରେ ଚାଲିଛି ମୋବାଇଲ୍ ଟାଓ୍ବାର ନିର୍ମାଣ । କୌଣସି ସ୍କୁଲ, ହସ୍ପିଟାଲ୍ କି ଜନବସତି ବହୁଳ ଅଂଚଳରେ ମୋବାଇଲ୍ ଟାଓ୍ବାର୍ ନିର୍ମାଣ କରାଯାଇପାରିବ ନାହିଁ ବୋଲି ନିୟମ ଥିଲେ ମଧ୍ୟ ସବୁ ନିୟମକୁ ଉଲଂଘନ କରାଯାଇଛି । ଏମିତିକି ଜଟଣୀ ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ନିର୍ମାଣକୁ ବେଆଇନ ଘୋଷଣା କରି କାମ ବନ୍ଦ କରିବାକୁ ନିର୍ଦେଶ ଦେଇଥିଲେ ବି ଏହାକୁ ଖାତିର କରିନାହାନ୍ତି ଟାଓ୍ବାର କମ୍ପାନୀ କର୍ତ୍ତୃପକ୍ଷ ।

ରାତିରେ ଲାଇଟ୍ ଲାଗି ଚାଲିଛି କାମ ।  କାମ ବନ୍ଦ ପାଇଁ ନିର୍ବାହୀ ଅଧିକାରୀ ପୋଲିସର ସହାୟତା ଲୋଡିଥିଲେ ମଧ୍ୟ ଥାନାବାବୁ ଧରାଛୁଆଁ ଦେଇନଥିଲେ । ଏତଲା ଦେବାକୁ ଜଟଣୀ ଥାନାରେ ଘଣ୍ଟା ଘଣ୍ଟା ଧରି ବସିଥିଲେ ପୌର ନିର୍ବାହୀ ଅଧିକାରୀ ତପନ ମହାପାତ୍ର । ହେଲେ କାହାରି ଦେଖା ନଥିଲା ।  ଟାଓ୍ବାର ନିର୍ମାଣ ପାଇଁ ଖୋଳା ଯାଇଥିବା ବଡ଼ ଖାଲ ଯୋଗୁ ପାଖରେ ଥିବା ଘର ସବୁ ବିପଦରେ । ଟଙ୍କା ଲୋଭରେ ନିଜ ଜାଗାରେ ଟାଓ୍ବାର ନିର୍ମାଣ ପାଇଁ ଅନୁମତି ଦେଇ ଅନ୍ୟର ଜୀବନକୁ ବିପଦରେ ପକାଇଛନ୍ତି ଜାଗା ମାଲିକ ।

ଜଟଣୀରେ ଜଗନ୍ନାଥ ଜମିକୁ ଦୀର୍ଘ ଦିନ ଧରି ବିବାଦ ରହିଛି ।  ଏହାକୁ ନେଇ  ପ୍ରଶାସନ କୌଣସି ନିର୍ମାଣ କାମ କରିବାକୁ ଅନୁମତି ଦେଉନଥିବା ବେଳେ ବାଲିଛକ ସାହିରେ ଏହି ଜାଗା ଉପରେ କେମିତି ମୋବାଇଲ୍ ଟାଓ୍ବାର ନିର୍ମାଣ ପାଇଁ ଅନୁମତି ଦିଆଯାଇଛି ତାକୁ ନେଇ ମଧ୍ୟ ଉଠିଛି ପ୍ରଶ୍ନ । ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀଙ୍କ ନିର୍ଦ୍ଦେଶକୁ ମଧ୍ୟ ଖାତିର କରାଯାଉନି । ଏହା ପଛରେ ଆଉ କେଉଁ ବଡବଡିଆଙ୍କ ହାତ ରହିଛି କି । ପୋଲିସର ଭୂମିକା ମଧ୍ୟ ସନ୍ଦେହ ଘେରରେ । ତୁରନ୍ତ ଜିଲ୍ଲା ପ୍ରଶାସନ ଏଥିରେ ହସ୍ତକ୍ଷେପ କରିବାକୁ ଦାବି ହୋଇଛି ।

   Related Posts