Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||

ରାଜଧାନୀରେ ପୁଣି କଳା ପଲସର ଆତଙ୍କ : ଲୁଟିନେଲେ ମୋବାଇଲ, ଲୁଟେରାଙ୍କ ପିଛା କରୁଥିବା ବେଳେ ଯୁବକଙ୍କର ଭାଙ୍ଗିଲା ଗୋଡ

17/12/2020 at 1:08 PM

ଭୁବନେଶ୍ୱର,୧୭/୧୨: ରାଜଧାନୀରେ କିଛି ଦିନର ନିରବତା ପରେ ପୁଣି ବ୍ଲାକ ପଲସର୍ ଆତଙ୍କ ଦେଖିବାକୁ ମିଳିଛି । ରାଜଧାନୀର ସବୁଠାରୁ ହାଇ ସିକ୍ୟୁରିଟି ଅଞ୍ଚଳ କୁହାଯାଉଥିବା ଏଜି ଛକରେ ଲୁଟେରା ମାନେ ଏକ ବ୍ଲାକ ପଲସରରେ ଆସି ମୋବାଇଲ ଲୁଟି ନେଇଛନ୍ତି । ଏକ ସ୍କୁଟିରେ ଯାଉଥିବା ଭାଇ-ଉଭଣୀଙ୍କଠୁ ଲୁଟେରାମାନେ ମୋବାଇଲ ଛଡାଇ ନେଇଯାଇଛନ୍ତି । ଏହାପରେ ଲୁଟେରାଙ୍କୁ କାବୁ କରିବାକୁ ତାଙ୍କୁ ପିଛା କରୁଥିବା ଭାଇ-ଉଭଣୀଙ୍କୁ ଧକ୍କା ମାରି ତଳେ ପକାଇଦେଇଛନ୍ତି ଦୁଇ ଲୁଟେରା ।

ସୂଚନାନୁସାରେ, ଦେବରାଜ ବିଶୋୟୀ ନାମକ ଜଣେ ଯୁବକ ତାଙ୍କ ଭଉଣୀଙ୍କୁ ଧରି କ୍ୟାପିଟାଲ ହସ୍ପିଟାଲ ଯାଉଥିଲେ । ସେମାନେ ଜନଗହଳିପୂର୍ଣ୍ଣ ଏଜି ଛକ- ଆଚାର୍ଯ୍ୟ ବିହାର ରାସ୍ତାରେ ଯିବା ବେଳେ ସଚିବାଳୟ ଆଗରେ ଦୁଇ ଲୁଟେରା ଏକ ନମ୍ବର ବିହୀନ କଳା ପଲସରରେ ଆସିଥିଲେ । ଏହାସହ ଯୁବତୀଜଣଙ୍କ ଧରିଥିବା ମୋବାଇଲ ଫୋନ୍ ଛଡାଇ ନେଇ ରାଜମହଲ ଆଡେ ଦ୍ରୁତ ଗତିରେ ଚାଲିଯାଇଥିଲେ ।

ମୋବାଇଲ ଛଡାଇ ନେବାପରେ ଉଭୟ ଦେବରାଜ ଓ ତାଙ୍କ ଭଉଣୀ ଲୁଟେରାଙ୍କୁ ପିଛା କରିଥିଲେ । କିନ୍ତୁ ରାଜମହଲ ଛକ ନିକଟରେ ଥିବା ଏକ ଜୋତା ସୋରୁମ ଆଗରେ ଲୁଟେରାମାନେ ଉଭୟ ଭାଇ-ଉଭଣୀଙ୍କ ସ୍କୁଟିକୁ ଧକ୍କା ମାରି ଫେରାର ହୋଇଯାଇଥିଲେ । ଫଳରେ ସ୍କୁଟିଟି ତଳେ ପଡିଯାଇଥିଲା । ଏଥିରେ ଦେବରାଜଙ୍କ ଗୋଡ ଭାଙ୍ଗି ଯାଇଛି । ଏନେଇ ଉଭୟ କ୍ୟାପିଟାଲ ଥାନାରେ ଏତଲା ଦେଇଛନ୍ତି । ଆହତ ଦେବରାଜଙ୍କୁ ଗୁରୁତର ଅବସ୍ଥାରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।

   Related Posts