Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ସଚ୍ଚୋଟପଣିଆ: ସୁନା ମୁଦି, କାନଫୁଲ ,ଏଟିଏମ କାର୍ଡ ଓ ଟଙ୍କା ଥିବା ପର୍ସ ପାଇ ମୋ ବସ କର୍ମଚାରୀ ଫେରାଇଲେ ମହିଳାଙ୍କୁ

17/07/2019 at 5:59 PM

ଭୁବନେଶ୍ବର୧୭|୭: ଆଜିର ଏ ଦୁନିଁଆକୁ ସମସ୍ତେ ସ୍ବାର୍ଥପର କହୁଛନ୍ତି । କହୁଛନ୍ତି ସଚ୍ଚୋଟପଣିଆ ବୋଲି ଜିନିଷଟି ଯେମିତି ଆଉ କାହା ଭିତରେ ନାହିଁ । କିନ୍ତୁ ଆଜି ବି ବଞ୍ଚିଛି ମାନବିକତା, ଜଣେ ବସ କଣ୍ଡକ୍ଟର ଗହଣା ଓ ଟଙ୍କା ଭର୍ତ୍ତୀ ବ୍ୟାଗ ମହିଳାଙ୍କୁ ଫେରାଇବା ପରେ ତାହା ପୁଣି ପ୍ରମାଣିତ ହୋଇଛି ।ପଢନ୍ତୁ ଏହି ରିପୋର୍ଟ ।…

ଆଜିର ଏହି ସ୍ବାର୍ଥପର ଦୁନିଁଆରେ ଏବେ ବି ବଞ୍ଚିଛି ସଚ୍ଚୋଟ୍ଟପଣିଆ । ପୁଣି ଜଣେ ମୋ ବସ କଣ୍ଡକ୍ଟର ଓ ଡ୍ରାଇଭର ପାସେଞ୍ଜରଙ୍କୁ ଫେରାଇଛନ୍ତି ମୁଲ୍ୟବାନ ସାମଗ୍ରୀ । ମୋ ବସ ରୁଟ ନଂ୧୩ ରେ ପ୍ରତିଦିନ ଯାଉଥିବା ସୁଜାତା ନାଏକ ନାମକ ଯାତ୍ରୀ ତାଙ୍କର ପର୍ସଟି ବସରେ ଛାଡି ଦେଇଥିଲେ  । ଯାହା ଭିତରେ ତିନୋଟି ସୁନା ମୁଦି, କାନଫୁଲ ,ଏଟିଏମ କାର୍ଡ ଓ ଭୋଟର ଆଇଡିସହ କିଛି ଟଙ୍କା ରହିଥିଲା । ।ତେବେ ବସର କଣ୍ଡକ୍ଟର ବିଜୟ ଗୁଲଯେଡା ଓ ଡ୍ରାଇଭର ପ୍ରସନ୍ନ କୁମାର ବାରିକ ଏହାକୁ ପାଇ ନିଜ ହେଡ ଅଫିସରେ ଏହାକୁ ପଇଠ କରିଥିଲେ । ଏହା ପରେ ସୁଜାତାଙ୍କୁ ଯୋଗାଯୋଗ କରିବା ପରେ ସେ କ୍ୟାପିଟାଲ ରିଜିଅନ୍ ଟ୍ରାନ୍ସପେ।ଟ ଅଫିସକୁ ଆସି ନିଜ ପର୍ସ ନେଇଛନ୍ତି । ଜିନିଷ  ଫେରି ପାଇବାର ଆଶା ରଖିନଥିବା ବେଳେ ଏସବୁ ପାଇ ଖୁସି ବ୍ୟକ୍ତ କରିବା ସହ  ବସ କର୍ମଚାରିଙ୍କ ପ୍ରସଂଶା ମଧ୍ୟ କରିଛନ୍ତି ସୁଜାତା ।

କିଛି ଦିନ ତଳେ ମୋ ବସ କର୍ମଚାରୀମାନେ  ୫୦ହଜାର ଟଙ୍କା ପାଇବା ସହ ସପୃକ୍ତ ବ୍ୟକ୍ତିଙ୍କୁ ଫେରାଇଥିଲେ । ଯାତ୍ରୀଙ୍କ ସୁରକ୍ଷା କୁ ଗୁରୁତ୍ବ ଦେବା ଲାଗି ମୋ ବସ ଭିତରେ ସିସିଟିଭି ଲାଗିବା ସହ ଏହାର କର୍ମଚାରୀ ମାନଙ୍କୁ  ମଧ୍ୟ  ଦିଆଯାଉଛି ସ୍ବତନ୍ତ୍ର ତାଲିମ । ଯେଉଁଥିରେ  କେବଳ ଗାଡି ଚଳାଇବାର ନିୟମ ନୁହେଁ ବରଂ  ଯାତ୍ରୀଙ୍କ  ସହ ଉତ୍ତମ ବ୍ୟବହାର  ଓ ଲୋକଙ୍କ ସୁରକ୍ଷା ପ୍ରତି ଯେଭଳି ସଚେତନ ରହିବେ ସେ ପ୍ରତି ଧ୍ୟାନ ଦେବାକୁ ମଧ୍ୟ ସଚେତନ କରାଯାଉଛି । ତେଣୁ  ଯାତ୍ରୀ ମାନଙ୍କୁ   ମୋ ବସ୍ ର ସୁବିଧା ଉଠାଇବା ସହ ଏତିରେ ଅଧିକ ଯାତ୍ରା କରିବା ଲାଗି କହିଛନ୍ତି ଏହାର ଅଧିକାରୀ ।

ପ୍ରତିଦିନ ହଜାର ହଜାର ଯାତ୍ରୀ ଯାତ୍ରା କରୁଛନ୍ତି ମୋ ବସରେ । ତେବେ ଏଭଳି ଘଟଣା  ସମାଜରେ ଉଦାହରଣ ସୃଷ୍ଟି କରିବା ସହ ଲୋକଙ୍କ ମଧ୍ୟରେ ବିଶ୍ବାସ ବଢାଇବା ସହ ସମାଜରେ ଏକ ସୁସ୍ଥ ବାତାବରଣ ସୃଷ୍ଟି କରିବ ନିଶ୍ଚିତ ।

   Related Posts