ଭୁବନେଶ୍ୱର,୧୨/୦୧: 'ମୋ ବସ'ରେ ଏମବିଏସ ସ୍କୁଲ ଛାତ୍ର ସାଇ ଅନ୍ୱେଷ ଅମୃତମଙ୍କୁ କରାଗଲା ସ୍ୱାଗତ । ସାଇ 'ମୋ ବସ'ର ସମୟ ବଦଳାଇବାକୁ ସରକାରଙ୍କୁ ଅନୁରୋଧ କରି ଚର୍ଚ୍ଚାକୁ ଆସିଥିଲେ । ସେ 'ମୋ ବସ'ରେ ଚଢିବା ପରେ ବସ୍ କର୍ମଚାରୀମାନେ ତାଙ୍କୁ ସ୍ୱାଗତ କରିବା ସହ ଫଟୋ ମଧ୍ୟ ଉଠାଇଛନ୍ତି ।
ସୂଚନାନୁସାରେ, ସାଇ ୧୩ ନମ୍ବର ମୋ ବସରେ ଲିଙ୍ଗିପୁରରୁ ନିଜ ସ୍କୁଲକୁ ଯାଆନ୍ତି । ତାଙ୍କ ସ୍କୁଲରେ ଉପସ୍ଥାନ ସମୟ ହେଉଛି ୭ଟା ୩୦ । ବସ୍ ୭ଟା୪୦ରେ ଆସୁଥିବାରୁ ତାଙ୍କୁ ବିଳମ୍ବ ହେଉଥିଲା । ୯ ମାସ ପରେ ସ୍କୁଲ ଖୋଲିଥିଲା । କିନ୍ତୁ ସେ ବିଳମ୍ବରେ ପହଁଚିଥିଲେ । ୟୁନିଟ ୪ରେ ରହିଛି ତାଙ୍କ ସ୍କୁଲ । ପ୍ରଥମ ଦିନ ସ୍କୁଲରୁ ଆସିବା ପରେ ସେ ମୋ ବସ କର୍ତୃପକ୍ଷଙ୍କୁ ନିଜ ସମସ୍ୟା ବାବଦରେ ଜଣାଇଥିଲେ । ଏହାକୁ ଗୁରୁତର ସହ ନେଇଥିଲେ କ୍ରୁଟ୍ ନିର୍ଦ୍ଦେଶକ ଅରୁଣ ବୋଥ୍ରା । ସେ ବସର ସମୟ ୭ଟା କରିବାକୁ ନିର୍ଦ୍ଦେଶ ଦେଇଥିଲେ । ଏହାପରେ ସୋମବାରଠୁ ବସ୍ ସକାଳ ୭ଟାରେ ଲିଙ୍ଗିପୁରରୁ ଛାଡୁଛି ।
wp:html/wp:htmlThank you, Sayema.
— Arun Bothra (@arunbothra) January 11, 2021
Sai took the 7 AM #MoBus today morning. @CRUT_BBSR crew members were very excited to take pics with the VIP commuter ? https://t.co/qjs772Vp9x pic.twitter.com/DEGj78Nmt9
ସୋମବାର 'ମୋ ବସ'ରେ ଚଢିବା ପରେ ତାଙ୍କୁ କର୍ମଚାରୀମାନେ ସ୍ୱାଗତ କରିଥିଲେ ।ଏପରିକି ତାଙ୍କ ସହ ସେଲଫି ମଧ୍ୟ ନେଇଥିଲେ । ଏନେଇ ଅରୁଣ ବୋଥ୍ରା ନିଜେ ଟ୍ୱିଟରରେ ସୂଚନା ଦେଇଛନ୍ତି । ଏହାସହ ଫଟୋ ମଧ୍ୟ ସେୟାର କରିଛନ୍ତି । ଏପରିକି ସାଇଙ୍କୁ ଭିଆଇପି ଯାତ୍ରୀ କହିଛନ୍ତି । ଶ୍ରୀ ବୋଥ୍ରାଙ୍କ ଏହି ପଦକ୍ଷେପକୁ ଚାରିଆଡୁ ପ୍ରଶଂସା କରାଯାଉଛି ।