Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

‘ସାଇ’ର କଥା ରହିଲା, ଶୀଘ୍ର ବସ୍ ଆସିଲା, ଖୁସିରେ ସମସ୍ତେ କୁନି ପିଲାଟିକୁ କଲେ ସ୍ୱାଗତ

12/01/2021 at 3:39 PM

ଭୁବନେଶ୍ୱର,୧୨/୦୧:  ‘ମୋ ବସ’ରେ ଏମବିଏସ ସ୍କୁଲ ଛାତ୍ର ସାଇ ଅନ୍ୱେଷ ଅମୃତମଙ୍କୁ କରାଗଲା ସ୍ୱାଗତ । ସାଇ ‘ମୋ ବସ’ର ସମୟ ବଦଳାଇବାକୁ ସରକାରଙ୍କୁ ଅନୁରୋଧ କରି ଚର୍ଚ୍ଚାକୁ ଆସିଥିଲେ । ସେ ‘ମୋ ବସ’ରେ ଚଢିବା ପରେ ବସ୍ କର୍ମଚାରୀମାନେ ତାଙ୍କୁ ସ୍ୱାଗତ କରିବା ସହ ଫଟୋ ମଧ୍ୟ ଉଠାଇଛନ୍ତି ।

ସୂଚନାନୁସାରେ, ସାଇ ୧୩ ନମ୍ବର ମୋ ବସରେ ଲିଙ୍ଗିପୁରରୁ ନିଜ ସ୍କୁଲକୁ ଯାଆନ୍ତି । ତାଙ୍କ ସ୍କୁଲରେ ଉପସ୍ଥାନ ସମୟ ହେଉଛି ୭ଟା ୩୦ । ବସ୍ ୭ଟା୪୦ରେ ଆସୁଥିବାରୁ ତାଙ୍କୁ ବିଳମ୍ବ ହେଉଥିଲା । ୯ ମାସ ପରେ ସ୍କୁଲ ଖୋଲିଥିଲା । କିନ୍ତୁ ସେ ବିଳମ୍ବରେ ପହଁଚିଥିଲେ । ୟୁନିଟ ୪ରେ ରହିଛି ତାଙ୍କ ସ୍କୁଲ । ପ୍ରଥମ ଦିନ ସ୍କୁଲରୁ ଆସିବା ପରେ ସେ ମୋ ବସ କର୍ତୃପକ୍ଷଙ୍କୁ ନିଜ ସମସ୍ୟା ବାବଦରେ ଜଣାଇଥିଲେ । ଏହାକୁ ଗୁରୁତର ସହ ନେଇଥିଲେ କ୍ରୁଟ୍ ନିର୍ଦ୍ଦେଶକ ଅରୁଣ ବୋଥ୍ରା । ସେ ବସର ସମୟ ୭ଟା କରିବାକୁ ନିର୍ଦ୍ଦେଶ ଦେଇଥିଲେ । ଏହାପରେ ସୋମବାରଠୁ ବସ୍ ସକାଳ ୭ଟାରେ ଲିଙ୍ଗିପୁରରୁ ଛାଡୁଛି ।

ସୋମବାର ‘ମୋ ବସ’ରେ ଚଢିବା ପରେ ତାଙ୍କୁ କର୍ମଚାରୀମାନେ ସ୍ୱାଗତ କରିଥିଲେ ।ଏପରିକି ତାଙ୍କ ସହ ସେଲଫି ମଧ୍ୟ ନେଇଥିଲେ । ଏନେଇ ଅରୁଣ ବୋଥ୍ରା ନିଜେ ଟ୍ୱିଟରରେ ସୂଚନା ଦେଇଛନ୍ତି । ଏହାସହ ଫଟୋ ମଧ୍ୟ ସେୟାର କରିଛନ୍ତି । ଏପରିକି ସାଇଙ୍କୁ ଭିଆଇପି ଯାତ୍ରୀ କହିଛନ୍ତି । ଶ୍ରୀ ବୋଥ୍ରାଙ୍କ ଏହି ପଦକ୍ଷେପକୁ ଚାରିଆଡୁ ପ୍ରଶଂସା କରାଯାଉଛି ।

   Related Posts