Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ମହାରାଷ୍ଟ୍ରରେ ଛାୟା କ୍ୟାବିନେଟ: ଗୋଟିଏ ଆସନ ଜିତିଛନ୍ତି ରାଜ ଠାକରେ, କିନ୍ତୁ ତାଙ୍କ ସରକାରରେ ପୁଅ ଅମିତ ପର୍ଯ୍ୟଟନ ମନ୍ତ୍ରୀ

9/03/2020 at 8:30 PM

ମୁମ୍ବାଇ, ୦୯|୦୩:   ମହାରାଷ୍ଟ୍ର ବିଧାନସଭା ନିର୍ବାଚନରେ ମାତ୍ର ଗୋଟିଏ ଆସନରେ ବିଜୟୀ ହୋଇଥିବା ମହାରାଷ୍ଟ୍ର ନବନିର୍ମାଣ ସେନାର ମୁଖ୍ୟ ରାଜ ଠାକରେ ନିଜର ଏକ ଛାୟା କ୍ୟାବିନେଟ ଗଠନ କରିଛନ୍ତି। ଏହି କ୍ୟାବିନେଟରେ ସେ ନିଜ ପୁତ୍ର ଅମିତ ଟାକରେଙ୍କୁ ପର୍ଯ୍ୟଟନ ମନ୍ତ୍ରୀ ଭାବେ ଦାୟିତ୍ୱ ଦେିଛନ୍ତି। ଏହିପରି ସେ ନିଜ ପୁତ୍ରଙ୍କୁ ସେହି ମନ୍ତ୍ରାଳୟ ଦେଇଛନ୍ତି ଯାହା ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ନିଜ ପୁତ୍ର ଆଦିତ୍ୟ ଠାକରେଙ୍କୁ  ପ୍ରଦାନ କରିଛନ୍ତି।

ମହାରାଷ୍ଟ୍ର ସରକାରରେ ଆଦିତ୍ୟ ଠାକରେ ପର୍ଯ୍ୟଟନ ମନ୍ତ୍ରୀ ରହିଛନ୍ତି। ଏବେ ଅମିତ ଠାକରେ ନିଜ ଦାଦା ପୁଅ ଭାଇ ଆଦିତ୍ୟ ଠାକରେଙ୍କ କାର୍ଯ୍ୟଶୈଳୀ ଉପରେ ନଜର ରଖିବେ ଓ ପର୍ଯ୍ୟଟନର ବିକାଶ ପାଇଁ ନୀତି ନିର୍ଧାରଣ କରିବେ।

ରାଜ ଠାକରେ ସୋମବାର ଅର୍ଥାତ ମାର୍ଚ୍ଚ ୯ରେ ନିଜ ଦଳର ୧୪ତମ ପ୍ରତିଷ୍ଠା ଦିବସ ପାଳନ ଅବସରରେ ନିଜ କ୍ୟାବିନେଟ ବାବଦରେ ଘୋଷଣା କରିଛନ୍ତି। ସେ ନିଜ ପୁତ୍ରଙ୍କୁ ପର୍ଯ୍ୟଟନ ଓ ଆଇନ ମନ୍ତ୍ରୀ କରିବାକୁ ଘୋଷଣା କରିଛନ୍ତି। ସୂଚନାଯୋଗ୍ୟ, ଉଭୟ ରାଜ ଓ ଉଦ୍ଧବଙ୍କ ମଧ୍ୟରେ ପୂର୍ବରୁ ମତାନ୍ତର ରହି ଆସିଛି। ଏକଦା ରାଜ ଶିବସେନାର ଜଣେ ପ୍ରମୁଖ ନେତା ଥିଲେ। କିନ୍ତୁ ୨୦୦୬, ମାର୍ଚ୍ଚ ୯ରେ ସେ ଏମଏନଏସ ଗଠନ କରିଥିଲେ।

ଛାୟା କ୍ୟାବିନେଟ ବ୍ରିଟେନ ସଂସଦର ଏକ ପରମ୍ପରା। ଏଥିରେ ବିରୋଧୀ ନେତା ନିଜ ଦଳର ବରିଷ୍ଠ ନେତାଙ୍କୁ ଏକ ମନ୍ତ୍ରାଳୟ ପ୍ରଦାନ କରିଥାନ୍ତି। ସେ ଏହି ବିଭାଗର ବିଭିନ୍ନ ପ୍ରସଙ୍ଗ ଉପରେ ସରକାରଙ୍କୁ ଘେରିଥାନ୍ତି।

   Related Posts