Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||

ଲଗାତର ତୃତୀୟ ଦିନରେ ବି ବିଧାନସଭାରେ ମନ୍ତ୍ରୀ ବିଧାୟକଙ୍କ ଅନୁପସ୍ଥିତି : ୧୩ମନ୍ତ୍ରୀ ଗଲେ କୁଆଡେ? ସରକାରଙ୍କୁ ଘେରିଲେ ବିରୋଧୀ

17/07/2019 at 6:29 PM

ଭୁବନେଶ୍ବର୧୭|୭: ଲଗାତର ତୃତୀୟ ଦିନରେ ବି ବିଧାନସଭାରେ ମନ୍ତ୍ରୀ ବିଧାୟକଙ୍କ ଅନୁପସ୍ଥିତିକୁ ନେଇ ସରକାରଙ୍କୁ ଘେରିଛନ୍ତି ବିରୋଧୀ । ପ୍ରଶ୍ନକାଳରେ କୃଷି, ସମବାୟ, ଗଣଶିକ୍ଷା ମନ୍ତ୍ରୀଙ୍କ ପାଇଁ ଅର୍ଥ ମନ୍ତ୍ରୀ ଏବଂ ଯୋଜନା ଓ ସଂଯୋଜନା ମନ୍ତ୍ରୀ ଉତ୍ତର ରଖୁଥିବାରୁ ଅସନ୍ତୋଷ ଜାହିର କରିଛନ୍ତି ଉଭୟ କଂଗ୍ରେସ ଓ ବିଜେପି। ଆଉ ନିଜ ନିଜ ଷ୍ଟାଇଲ୍‌ରେ ସରକାରଙ୍କୁ ସମାଲୋଚନା ମଧ୍ୟ କରିଛନ୍ତି । କିଏ କ’ଣ କହିଛନ୍ତି ଚାଲନ୍ତୁ ଦେଖିବା । ….

ବିରୋଧୀଙ୍କ ପ୍ରଶ୍ନର ଉତ୍ତର ଦେବାକୁ ନାହାନ୍ତି ମନ୍ତ୍ରୀ । ମାତ୍ର ୨ଜଣ ମନ୍ତ୍ରୀଙ୍କୁ ନେଇ ଚାଲିଛି ବିଧାନସଭା । ଲଗାତର ତୃତୀୟ ଦିନରେ ବି ବିଧାନସଭାରେ ମନ୍ତ୍ରୀ ବିଧାୟକଙ୍କ ଅନୁପସ୍ଥିତିକୁ ନେଇ ସରକାରଙ୍କୁ ଘେରିଛନ୍ତି ବିରୋଧୀ ।  ଆଜି ବିଧାନସଭାରେ ଶାସକ ଦଳର ୧୧୨ ବିଧାୟକଙ୍କ ଭିତରୁ ଉପସ୍ଥିତ ଥିଲେ ମାତ୍ର ୬୧ । ସେହିଭଳି ୨୧ ମନ୍ତ୍ରୀଙ୍କ ଭିତରୁ ୮ଜଣ ମନ୍ତ୍ରୀ ଉପସ୍ଥିତ ଥିଲେ । ଏମିତିରେ ୧୫ପ୍ରତିଶତ ମନ୍ତ୍ରୀ ଉପସ୍ଥିତ ରହିବା ନିୟମ କଥା ଉଠାଇ ପ୍ରଶ୍ନ କରିଥିଲା କଂଗ୍ରେସ । ସେହଭଳି ବର୍ତମାନ ରାଜ୍ୟରେ ବ୍ଲକ ଠାରୁ ଆରମ୍ଭ କରି ବିଧାନସଭା ଯାଏଁ ସବୁ କିଛି ଇନ୍‌ଚାର୍ଜରେ ଚାଲିଛି କରି ସରକାରଙ୍କୁ ଟାର୍ଗେଟ୍‌ କରିଥିଲା ବିଜେପି ।

ପ୍ରଶ୍ନକାଳରେ ମନ୍ତ୍ରୀଙ୍କ ଅନୁପସ୍ଥିତିକୁ ନେଇ ବିରୋଧୀ ସରକାରଙ୍କୁ ଘେରିବାକୁ ଚେଷ୍ଟା କରିଥିବା ବେଳେ ବିଭିନ୍ନ ବିଭାଗ ପାଇଁ ଉତ୍ତର ରଖିଥିଲେ ଅର୍ଥମନ୍ତ୍ରୀ ନିରଞ୍ଜନ ପୁଜାରୀ । ଆଉ ବିରୋଧୀଙ୍କୁ ପଢ଼ାଇଥିଲେ ଆଇନର ପାଠ । କହିଥିଲେ କ୍ୟାବିନେଟ ମନ୍ତ୍ରୀ ଭାବେ ସେ ଯୁଗ୍ମ ଦାୟିତ୍ବ ନେଇପାରିବେ।

ଗୋଟେ ପଟେ ନିର୍ବାଚନ ପ୍ରଚାରକୁ ନେଇ ପାଟକୁରା କମ୍ପୁଥିବା ବେଳେ ଏପଟେ ମନ୍ତ୍ରୀ ମରୁଡ଼ିକୁ ନେଇ ବିଧାନସଭା କମ୍ପାଉଥିଲେ ବିରୋଧୀ । ଏମିତିରେ ଗଲା ତିନି ଦିନ ହେଲାଣି ମନ୍ତ୍ରୀ ବିଧାୟକଙ୍କ ଅନୁପସ୍ଥିତିକୁ ନେଇ ବେଶ୍ ସରଗରମ୍‌ ହୋଇଛି ପ୍ରଶ୍ନକାଳ ।

   Related Posts