Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

ଆତ୍ମାହୂତି ଦେବାକୁ ଚେତାବନୀ ଦେଲେ ବିଧାୟକ ସୁର ରାଉତରାୟ

23/12/2019 at 7:51 PM

ଭୁବନେଶ୍ୱର ୨୩।୧୨ – ଜଟଣୀର ୨୭ ଗାଁର ଲୋକଙ୍କୁ ସେମାନଙ୍କ ଜମି ହକ୍ ଫେରାଇବା ଏବଂ ଦାରୁଠେଙ୍ଗରୁ ଡମ୍ପିଂୟାର୍ଡ ସ୍ଥାନନ୍ତାର ପାଇଁ ଦାବି କରିଛନ୍ତି ବିଧାୟକ ସୁର ରାଉତରାୟ । ଏଥିପାଇଁ ସରକାରଙ୍କୁ ଜାନୁଆରୀ ୨୭ ତାରିଖ ଯାଏ ଡେଟ୍ ଲାଇନ୍ ଦେଇଛନ୍ତି । ୨୭ ତାରିଖ ଭିତରେ ଦାବି ପୂରଣ ନହେଲେ ନବୀନ ନିବାସ ଘେରାଉ କରିବା ସହ ସମୂହ ଆତ୍ମାହୁତି ଦେବାକୁ ଧମକ ଦେଇଛନ୍ତି ।…

ବହୁତ ହୋଇଗଲା, ଆଉ ନୁହଁ । ତୁରନ୍ତ ଲୋକଙ୍କୁ ସେମାନଙ୍କ ଜମି ଫେରାଅ । ଜଗନ୍ନାଥଙ୍କ ନାଁ ନେଇ ଆଉ ହଲାପଟା କରନି । ନହେଲେ ସମୂହ ଆତ୍ମାହୂତି ଦେବୁ । ଜଟଣୀରେ ଚଞ୍ଚକତା କରି ଜଗନ୍ନାଥଙ୍କ ନାଁରେ ରେକର୍ଡ ହୋଇଥିବା ଜମିକୁ ତୁରନ୍ତ ଲୋକଙ୍କୁ ଫେରାଇବାକୁ ପ୍ରଶାସନକୁ ଚେତାବନୀ ଦେଇଛନ୍ତି ବିଧାୟକ ସୁର ରାଉତରାୟ । ୨୦୧୨ରେ ଜଟଣୀର ୨୭ଟି ଗାଁର ୧୫ ହଜାର ଏକରରୁ ଅଧିକ ସ୍ଥିତିବାନ ସମ୍ପତ୍ତିକୁ ଚଞ୍ଚକତା କରି ମହାପ୍ରଭୁ ଜଗନ୍ନାଥଙ୍କ ନାଁରେ ରେକର୍ଡ କରିଛି ପ୍ରଶାସନ । ଲୋକଙ୍କ ଦାବିକୁ ବିଚାର କରିବାକୁ ହାଇକୋର୍ଟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।

କିନ୍ତୁ ଯେତେ ହାରି ଗୁହାରୀ କଲେ ବି ପ୍ରଶାସନ ଶୁଣୁନି । ସେପଟେ ଦାରୁଠେଙ୍ଗ ପଞ୍ଚାୟତରୁ ଡମ୍ପିଂୟାର୍ଡ ହଟାଇବାକୁ ବି ଦାବି କରିଛନ୍ତି ଜଟଣୀ ବିଧାୟକ । ଜାନୁଆରୀ ୨୬ ସୁଦ୍ଧା ଦୁଇଟି ଦାବି ପୂରଣ କରିବାକୁ ସରକାରଙ୍କୁ ଅଲଟିମେଟମ୍ ଦେଇଛନ୍ତି । ନହେଲେ ପରିଣାମ ପାଇଁ ସରକାର ଦାୟୀ ରହିବେ ବୋଲି ଚେତେଇ ଦେଇଛନ୍ତି ।

ନିଜ ଜମିରେ ନିଜର ହକ୍ ନାହିଁ । ପିଲାଙ୍କ ପାଠପଢା ହେଉ କି ଝିଅ ବାହାଘର, ଅବା ରୋଗୀଣା ବାପା ମାଙ୍କ ଚିକିତ୍ସା । ଯେତେ ଯାହା ଅସୁବିଧା ପଡିଲେ ବି ଲୋକେ ନା ଜମି ବିକି ପାରୁଛନ୍ତି ନା ବନ୍ଧକ ରଖି ପାରୁଛନ୍ତି । ଜମି ଥାଇବି ଲୋକେ ସମସ୍ୟା ଭୋଗୁଛନ୍ତି । ତେଣୁ ବିଧାୟକଙ୍କ ଏଭଳି ପଦକ୍ଷେପକୁ ସମସ୍ତେ ସ୍ବାଗତ କରିଛନ୍ତି । ଦାବି ପୂରଣ ନହେଲେ ସମସ୍ତେ ଆତ୍ମାହୁତି ଦେବେ ବୋଲି କହିଛନ୍ତି ।

ଲୋକଙ୍କୁ ସେମାନଙ୍କ ଜମି ଫେରାଇ ଦେବାକୁ ଅନେକ ଥର ଆନ୍ଦୋଳନ ହୋଇଛି, ଲୋକେ ରାସ୍ତାକୁ ଓହ୍ଲାଇଛନ୍ତି, ପ୍ରଶାସନକୁ ଗୁହାରୀ କରିଛନ୍ତି । କିନ୍ତୁ ଏଯାଏ କିଛି ବି କାର୍ଯ୍ୟାନୁଷ୍ଠାନ ହୋଇନି । କିନ୍ତୁ ଏଥର ବିଧାୟକ ଶୁଣାଇଥିବା ଚରମବାଣୀ କେତେ ଫଳପ୍ରଦ ହେଉଛି ତାହା ଦେଖିବାକୁ ବାକି ରହିଲା

   Related Posts