Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଟିକ୍ ଟକ୍ ବଦଳରେ Mitron ? ୫ ମିଲିୟନରୁ ଅଧିକ ଡାଉନଲୋଡ୍ ହୋଇଛି ଆଇଆଇଟି ରୁର୍କି ଛାତ୍ର ଦ୍ୱାରା ପ୍ରସ୍ତୁତ ଏହି ଆପ୍

26/05/2020 at 11:29 AM

ନୂଆଦିଲ୍ଲୀ ୨୬/୦୬ : ଟିକଟକ ଛଡା ପ୍ଳେଷ୍ଟୋରରେ ଅନେକ ସର୍ଟ ଭିଡିଓ ମେକିଙ୍ଗ ଆପ ରହିଛି | କିନ୍ତୁ ସମସ୍ତ ଆପ ମଧ୍ୟରୁ ଟିକଟକ ବହୁତ ଲୋକପ୍ରିୟ | ବର୍ତ୍ତମାନ ଏହି ଭିଡିଓ ମେକିଙ୍ଗ ଦୁନିଆରେ ଆଉ ଏକ ଆପ ଯୋଡି ହୋଇଯାଇଛି | ‘ମିତ୍ରୋଂ’ ନାମକ ଏହି ଆପ ବହୁତ ଲୋକପ୍ରିୟ ହାସଲ କରିବା ଭଳି ଜଣାପଡୁଛି | ଏହି ଆପ ଭାରତରେ ତିଆରି ହୋଇଥିବା ଜଣାପଡିଛି | ଏହି ଆପକୁ ଆଇଆଇଟି ରୁର୍କିର ଜଣେ ଛାତ୍ର ମାସେ ପୂର୍ବରୁ ତିଆରି କରିଥିଲେ | ଏହି ଆପକୁ ପ୍ଲେଷ୍ଟୋରରେ ୫ ମିଲିୟନରୁ ଅଧିକ ଡାଉନଲୋଡ଼ କରାଯାଇଛି | ଅପରପକ୍ଷରେ ଟିକଟକ ଆପକୁ ବିବାଦ ମୁଣ୍ଡ ଟେକିଚି ଯାହାଫଳରେ ଏହାକୁ ବ୍ୟାନ କରିବାକୁ ଦାବି ହୋଇଛି | ଫଳରେ ମିତ୍ରୋଂ ଆପକୁ ଲୋକେ ବହୁତ ପସନ୍ଦ କରୁଛନ୍ତି |

ପ୍ଲେଷ୍ଟୋରରେ ଦିଆଯାଇଥିବା ବିବରଣୀ ଅନୁସାରେ, ମିତ୍ରୋଂ ଏକ ଫ୍ରି ସର୍ଟ ଭିଡିଓ ମେକିଙ୍ଗ ଆପ | ଏହି ଆପ ସେମାନଙ୍କ ପାଇଁ ପ୍ରସ୍ତୁତ କରାଯାଇଛି ଯେଉଁମାନଙ୍କ ମଧ୍ୟରେ କଳାତ୍ମକ ଭିଡିଓ ତିଆରି କରିବା ସଉକ ରହିଛି | ଏହି ଆପ ବ୍ୟବହାର କରିବାରେ ବହୁତ ରୋମାଞ୍ଚକ | ଏହି ଆପରେ ଆପଣ ନିଜ ଇଛା ମୁତାବକ ଭିଡିଓକୁ ଏଡିଟ, ଡିଜାଇନ ଏବଂ ସେୟାର କରିପାରିବେ | ଲାଇବ୍ରେରୀ ସର୍ଚ୍ଚ କରି ୟୁଜର ନିଜର ଭିଡିଓ ମଧ୍ୟ ପ୍ରସ୍ତୁତ କରିପାରିବେ | ଟିକଟକ ଆପ ସହ ଏହି ଆପର ଇଣ୍ଟରଫେସର ଅନେକ ସାମଞ୍ଜସ୍ୟ ରହିଛି | ଏହି ଆପରେ କୌଣସି ୟୁଜରଙ୍କ ପ୍ରୋଫାଇଲ ପେଜ ଟିକଟକ ଆପ ପେଜ ଭଳି ରହିଛି |

ଯଦି ଜଣେ ୟୁଜରଙ୍କୁ ବିଡ଼ିଓ କରିବାର ଅଛି ତାହେଲେ ତାଙ୍କୁ ଏହି ଆପରେ ଅନ୍ୟ ଆପ ଭଳି ରେଜିଷ୍ଟର କରି ନିଜର ପ୍ରୋଫାଇଲ କ୍ରିଏଟ କରିବାକୁ ହେବ | ଏଥିପାଇଁ ନିଜର ୟୁଜର ଆଇଡି ଏବଂ ପାସୱାର୍ଡ଼ ଦେବାକୁ ହେବ | ଏହାଛଡା ଟିକଟକ ଭଳି ହୋମପେଜକୁ ଯାଇ ଅନ୍ୟ ଭିଡିଓ ମଧ୍ୟ ଦେଖି ପାରିବେ | ଭିଡିଓ ପ୍ରସ୍ତୁତ କରିବା ପାଇଁ ଏହାର ନାଲି ବଟନକୁ କ୍ଲିକ କରି ଭିଡିଓ ରେକଡିଂ କରି ପବ୍ଲିସ କରିପାରିବେ | ଏହିସବୁ ଭଡ଼ିଓକୁ ଆପଣ ଲାଇକ, କମେଣ୍ଟ ଓ ସେୟାର ମଧ୍ୟ କରିପାରିବେ |

ଯଦି ଆପଣ ଟିକଟକ ବ୍ୟବହାର କରୁଛନ୍ତି ତାହେଲେ ମିତ୍ରୋଂ ଆପ ବ୍ୟବହାର କରିବାରେ କିଛି ସମସ୍ୟା ହେବନାହିଁ | ଏହା ଟିକଟକ ଆପ ଭଳି | କିଛି ଟ୍ୱିଟରୁ ଜଣାପଡିଛି ଯେ ଆଇଆଇଟି ରୁର୍କି ଛାତ୍ର ଦ୍ୱାରା ତିଆରି ହୋଇଥିବା ଏହି ଆପ ବର୍ତ୍ତମାନ ଗୁଗଲ ଏଣ୍ଡ୍ରଏଡ଼ ପ୍ଲେଷ୍ଟୋରରେ ଟପ ଚାର୍ଟରେ ରହିଛି |

ଗତ କିଛି ଦିନ ଦିନ ହେଲା ଟିକଟକ ଆପକୁ ନେଇ ନାନା ବିବାଦ ଉପୁଜିଛି | ଫଳରେ ଲୋକେ ଏହାକୁ ବହୁତ ଖରାପ ରେଟିଙ୍ଗ ମଧ୍ୟ ଦେଇଛନ୍ତି | ଏହାପରେ ପ୍ଲେଷ୍ଟୋରରେ ଏହାର ରେଟିଙ୍ଗ ବହୁତ ତଳକୁ ଖସି ଯାଇଛି | ତେବେ ଏହାକୁ ଟିକଟକ ଭରସେସ ୟୁଟ୍ୟୁବର ପରିଣାମ ବୋଲି ମଧ୍ୟ କୁହାଯାଉଛି | ତେବେ ଆଗାମୀ ଦିନରେ ମିତ୍ରୋଂ ଆପ ଟିକଟକକୁ ପଛରେ ପକାଇଦେବା ବୋଲି ଅନୁମାନ କରାଯାଉଛି |

   Related Posts