ନୂଆଦିଲ୍ଲୀ ୦୯/୧୦: ଅମିତାଭ ବଚ୍ଚନ, ଦୀପିକା ପାଦୁକୋନ ଓ ସାଉଥ ସୁପରଷ୍ଟାର ଗୋଟିଏ ଫିଲ୍ମରେ ଆଗକୁ ଏକାଠି ନଜର ଆସିବେ। ବୈଜୟନ୍ତୀ ମୁଭିଜ ଏ ବାବଦରେ ସୂଚନା ଦେଇଛି। ତେବେ ଏ ଫିଲ୍କ ମଲଟି ଷ୍ଟାରର ହେବ। ଏହା ସହ ବିଭିନ୍ନ ଭାଷାରେ ଦେଶବ୍ୟାପି ରିଲିଜ ହେବ। ଅବଶ୍ୟ ଫିଲ୍ମର ନାଁ ଏଯାଏଁ ଠିକ୍ ହୋଇ ନାହିଁ। ତେବେ ବୈଜୟନ୍ତୀ ମୁଭିଜ ଅଲଗା ଅଲଗା ଭାରତୀୟ ଭାଷାରେ ଅନେକ ହିଟ୍ ଫିଲ୍ମ ନିର୍ମାଣ କରିଛନ୍ତି।
ବୈଜୟନ୍ତୀ ମୁଭିଜର ପ୍ରଯୋଜକ ଓ ସଂସ୍ଥାପକ ଅଶ୍ବିନୀ ଦତ୍ତ କହିଛନ୍ତି ସେ ଅମିତାଭ ବଚ୍ଚନଙ୍କ ପ୍ରଶଂସକ। ସେ ଅମିତାଭଙ୍କ ଅନେକ ସୁପରହିଟ୍ ଫିଲ୍ମର ତେଲୁଗୁ ରିମେକରେ କାମ କରିଛନ୍ତି। ଏତେ ବର୍ଷ ପରେ ବାସ୍ତବରେ ଏହା ତାଙ୍କ ପାଇଁ ଗୌରବର ବିଷୟ ଓ ସନ୍ତୋଷଜନକ ସମୟ। ଗୋଟିଏ ଫିଲ୍ମରେ ଏକାଠି କାମ କରିବା ନେଇ ବେଶ୍ ଉତ୍ସାହିତ ଅଛନ୍ତି ସେ।
ଫିଲ୍ମରେ ଅମିତାଭଙ୍କ ଚରିତ୍ର ମୁଖ୍ୟ ରହିଛି। ତେବେ ଏ ଆଗାମୀ ଫିଲ୍ମରେ ଅମିତାଭ ବଚ୍ଚନ, ପ୍ରଭାସ, ଦୀପିକା ପାଦୁକୋନଙ୍କ ଭଳି ବଡ଼ ବଡ଼ ଷ୍ଟାର ନଜର ଆସିବେ। ତେବେ ଏହା ୨୦୨୨ ବେଳକୁ ରିଲିଜ ହେବ।
