ନବରଙ୍ଗପୁର ୨୧।୧: ନବରଙ୍ଗପୁର ସହର ମଙ୍ଗଳମ୍ ଟିମ୍ବର ପ୍ଲାଣ୍ଟ ନିକଟରେ ଥିବା ନୀଳଗିରି ବାଡ଼ରୁ ଯୁବକଙ୍କ ଗଳିତ ମୃତଦେହ ଉଦ୍ଧାର କରିଛି ନବରଙ୍ଗପୁର ପୋଲିସ। ସେହି ରାସ୍ତା ଦେଇ ଯାଉଥିବା କିଛି ଲୋକ ଜଣେ ଯୁବକଙ୍କ ମୃତଦେହଟିକୁ ନୀଳଗିରି ବାଡ଼ ଭିତରେ ପଡିଥିବା ଦେଖିଥିଲେ । ଏହାପରେ ନବରଙ୍ଗପୁର ପୋଲିସକୁ ଖବର ଦେଇଥିଲେ ।
ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି । ମୃତ ଯୁବକ ଜଣଙ୍କ ବେହରାଗୁଡା ଗ୍ରାମର ରମେଶ ଭତରା। ଗତ ଶନିବାର ରାତିରୁ ରମେଶ ଭତରା ନିଖୋଜ ଥିଲେ । ଶବ ଉଦ୍ଧାର କରି ପୋଲିସ ଶବ ବ୍ୟବଚ୍ଛେଦ ପାଇଁ ପଠାଇବା ସହ ମୃତ ଯୁବକ ଜଣଙ୍କ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରିଛି ଏନେଇ ତଦନ୍ତ ଆରମ୍ଭ କରିଛି ପୋଲିସ।