କଳାହାଣ୍ଡି ରାବଣଦର ଜଳପ୍ରପାତରେ ବୁଡି ନିଖୋଜ ଥିବା ଯୁବକଙ୍କ ମୃତଦେହ ଦୁଇଦିନ ପରେ ଉଦ୍ଧାର
Published By : Prameya-News7 Bureau | September 30, 2018 IST
କଳାହାଣ୍ଡି ୩୦/୯ : କଳାହାଣ୍ଡି ରାବଣ ଦର ଜଳପ୍ରପାତରେ ବୁଡି ତେଲେଙ୍ଗାନାର ଜଣେ ଯୁବକ ନିଖୋଜ ହୋଇଯାଇଥିଲେ | ଆଜି ଯୁବକଙ୍କ ମୃତ୍ୟ ଦେହ ଠାବ ହୋଇଛି | ଭବାନୀପାଟଣା ସଦର ପୋଲିସ ସୂଚନା ଅନୁସାରେ ଗତ ଶୁକ୍ରବାର ଦିନ ମୃତକ ଡବ୍ଲୁ. କ୍ରିଷ୍ଣା ତାଙ୍କ ୧୦ ଜଣ ସାଙ୍ଗ ସହିତ ବଣଭୋଜି କରିଯାଇଥିଲେ | ଗାଧୋଇବା ସମୟରେ ନିଖୋଜ ହୋଇ ଯାଇଥିଲେ | ସାଙ୍ଗମାନେ ପୋଲିସକୁ ଖବର ଦେଲା ପରେ ଦମକଳ ବିଭାଗ ଓ ପୋଲିସ ଘଟଣାସ୍ଥଳରେ ପହଂଚି ଖୋଜାଖୋଜି କରିଥିଲେ | କିନ୍ତୁ ପାଇନଥିଲେ | ବହୁ ଖୋଜାଖୋଜି ପରେ ଆଜି ମୃତ୍ୟୁଦେହ ଠାବ ହୋଇଥିଲା | ପ୍ରାଥମିକ ସୂଚନା ଅନୁସାରେ ମୃତ୍ୟକ ଭବାନୀପାଟଣା ନକଟିଗୁଡା ଅଞ୍ଚଳରେ ଦୁଇ ମାସ ହେବ ରହି ଏକ ସଂସ୍ଥାରେ କମ କରୁଥିଲେ।