କେନ୍ଦ୍ରାପଡା ୨୫|୬: କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ବାରିମୂଳ ପଞ୍ଚାୟତ ଅଫିସ ନିକଟରୁ ଜଣେ ମହିଳାଙ୍କ ମୃତଦେହ ଠାବ ହୋଇଛି | ମୃତ ମହିଳା ଜଣକ ହେଉଛନ୍ତି ସ୍ଥାନୀୟ ଓସ୍ତପୁର ଗ୍ରାମର ପାର୍ବତୀ ହେମ୍ରମ | ତାଙ୍କ ବୟସ ୪୫ବର୍ଷ ହେବ |

ସୂଚନାଯୋଗ୍ୟ ଯେ, ଗତକାଲି ମୂଲ ଲାଗିବାକୁ ଯାଇ ଆଉ ଘରକୁ ଫେରିନଥିଲେ ପାର୍ବତୀ | ପରିବାର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି କରି ନିରାଶ ହେବା ପରେ ଆଜି ବାରିମୂଳ ପଞ୍ଚାୟତ ଅଫିସ ନିକଟରୁ ପାର୍ବତୀଙ୍କ ମୃତଦେହ ମିଳିଥିଲା | ତେବେ ପାର୍ବତୀଙ୍କ ମୃତ୍ୟୁର କାରଣ ଜଣାପଡ଼ି ନାହିଁ | ସଦର ପୋଲିସ ଘଟଣା ସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି |