କେନ୍ଦୁଝର ୫।୧୧: ପୋଖରୀରୁ ନିଖୋଜ ଶିଶୁ ପୁତ୍ରର ମୃତଦେହ ଉଦ୍ଧାର ହୋଇଛି । କେନ୍ଦୁଝର ଟାଉନ ଥାନା ଅନ୍ତର୍ଗତ ଖିଡିକିଦ୍ବାର ସାହିରେ ଗତକାଲିଠାରୁ ନିଖୋଜ ଥିବା ୪ବର୍ଷର ଶିଶୁର ମୃତଦେହ ନିକଟସ୍ଥ ଏକ ପୋଖରୀରୁ ଉଦ୍ଧାର ହୋଇଛି ।
{"id":179477}ସୂଚନାଯୋଗ୍ୟ ଯେ, ଗତକାଲି ଦିନବେଳେ ଜିତେନ୍ଦ୍ର ନାଏକଙ୍କ ଚାରି ବର୍ଷର ପୁଅ ଦିବ୍ୟାଙ୍କର ନାଏକ ଖେଳିବାକୁ ଯାଇଥିବା ବେଳେ ଆଉ ଘରକୁ ଫେରି ନଥିଲେ । ବହୁ ଖୋଜା ଖୋଜି ପରେ ଦିବ୍ୟାଙ୍କରକୁ ନପାଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ । କିନ୍ତୁ ଆଜି ସକାଳୁ ଖୋଜା ଖୋଜି ଚାଲିଥିବା ବେଳେ ହଠାତ୍ ନିକଟସ୍ଥ ପୋଖରୀରେ ମୃତଦେହଟି ଭାସୁଥିବା ସାହି ଲୋକେ ଦେଖିଥିଲେ। ଖବର ପାଇ ଟାଉନ ପୋଲିସ ଘଟଣାସ୍ଥଳରେ ପହଁଚି ଶବକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।