ଝାଜ୍ଜର ୪/୧୨- ହରିୟାଣା ଝାଜ୍ଜାରରେ ଘଟିଛି ଅଭାବନୀୟ ଘଟଣା । ଜଣେ ନାବାଳିକାଂକୁ ଅପହରଣ କରିଛି ପଡ଼ୋଶୀ ଯୁବକ । ଏହି ଅପହରଣ ପରେ ୫ଦିନ ରଖି ଦୁଷ୍କର୍ମ କରିବାପରେ ତଣ୍ଟିକାଟି ହତ୍ୟାକରିବା ଭଳି ଜଘନ୍ୟ ଘଟଣାର ପୋଲିସ ତଦନ୍ତ କରୁଛି ।
{"id":70456}ଡ଼ିସେମ୍ବର ୨୭ ତାରିଖରେ ଝାଜ୍ଜର ଅଂଚଳରେ ନାବାଳିକା ଅପହରଣକୁ ନେଇ ପରିବାର ପକ୍ଷରୁ ଥାନାରେ ଏତାଲା ଦିଆଯାଇଥିଲା । ପରିବାରଲୋକ ବହୁତ ଖୋଜାଖୋଜି କରିବା ପରେ ନାବାଳିକାଙ୍କୁ ପାଇ ନଥିଲେ । ଏହି ଘଟଣାରେ ପରିବାର ଲୋକ ପଡ଼ୋଶୀ ଯୁବକକୁ ସନ୍ଦେହ କରି ତା ନାଁରେ ମଧ୍ୟ ଥାନାରେ ଏତାଲା ଦେଇଥିଲେ । ପୋଲିସ ସନ୍ଦିଗ୍ଧ ଯୁବକଙ୍କୁ ଖୋଜାଖୋଜି କରିଥିଲେ ମଧ୍ୟ ପାଇ ନଥିଲା । ଫଳରେ ଅଧିକ ସନ୍ଦେହ ହେବାରୁ ଯୁବକଙ୍କ ମୋବାଇଲ ଟ୍ରାକକରି ପୋଲିସ ଯୁବକଙ୍କୁ ଧରିବା ପରେ ସବୁ ଘଟଣା ପଦାକୁ ଆସିଥିଲା ।
ଏହି ଘଟଣାସହ ସଂପୃକ୍ତଥିବା ଆଉ ୪ଜଣଙ୍କ ଖବର ମଧ୍ୟ ପୋଲିସ ସଂଗ୍ରହ କରିଛି । ନାବାଳିକାକୁ ଅପହରଣ କଲାପରେ ସେମାନେ ୫ଦିନ ଧରି ଦୁଷ୍କର୍ମ କରିଥିବା କଥା ପୋଲିସ ଆଗରେ ଅଭିଯୁକ୍ତ ପ୍ରକାଶ କରିଛି ।
ନାବାଳିକାକୁ ଅପହରଣ ପରେ ପ୍ରମାଣ ଲିଭାଇବାକୁ କରାଯାଇଛି ହତ୍ୟା । ଶବ ବ୍ୟବଚ୍ଛେଦ ରିପୋର୍ଟରେ ଏକାଧିକ ଲୋକ ଏହି ଘଟଣା ସହ ସଂପୃକ୍ତଥିବା କଥା ଜଣାପଡ଼ିଛି ।