Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

ସ୍ବାମୀଙ୍କୁ ଛୁରୀ ଭୁସି ସ୍ତ୍ରୀ ସହ ଗଣଦୁଷ୍କର୍ମ କଲେ ୫ଯୁବକ, ଆହତ ଅବସ୍ଥାରେ ଫିଙ୍ଗିଦେଲେ ରାସ୍ତାରେ

25/08/2019 at 11:58 AM

ନାସିକ ୨୫|୮: ମହାରାଷ୍ଟ୍ର ନାସିକ ଜିଲ୍ଲା କୋଲଗଓ୍ବା ଥାନା ଅଞ୍ଚଳରେ ୫ଜଣ ଦୁର୍ବୃତ୍ତ ଯୁବକଙ୍କୁ ଛୁରୀରେ ଆକ୍ରମଣ କରି ତାଙ୍କ ସ୍ତ୍ରୀଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।  ପୀଡିତ ଦମ୍ପତ୍ତି ଫୋନ୍ ଯୋଗେ ପୋଲିସକୁ ଘଟଣା ସଂପର୍କରେ ସୂଚନା ଦେଇଥିଲେ । ପୋଲିସ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ସୂଚନାଯୋଗ୍ୟ ଯେ, ଶନିବାର ସକାଳେ ସତନାରୁ ଭରଜୁନା ଦେବୀ ମନ୍ଦିରକୁ ଦର୍ଶନ ପାଇଁ ଯାଉଥିଲେ ଦମ୍ପତ୍ତି । ପୁରହୈନି ନିକଟରେ ବାଇକ୍ ରେ ଥିବା ୫ଜଣ ଦୁର୍ବୃତ୍ତ ସେମାନଙ୍କୁ ଅଟକାଇଥିଲେ । ସେମାନେ ଅଟକିବାରୁ ସେମାନଙ୍କ ଉପରେ ଆକ୍ରମଣ କରିଥିଲେ । ଦୁର୍ବୃତ୍ତମାନେ ଯୁବକଙ୍କ ପେଟରେ ଛୁରୀ ଭୁସି ଆହତ କରିଦେଇଥିଲେ । ଏହାର ସୁଯୋଗରେ ଯୁବକଙ୍କ ସ୍ତ୍ରୀଙ୍କ ସହ ଜଣଙ୍କ ପରେ ଜଣେ ଦୁଷ୍କର୍ମ କରିଥିଲେ । ଏହାପରେ ଦୁର୍ବୃତ୍ତମାନେ ଉଭୟଙ୍କୁ ଆହତ ଅବସ୍ଥାରେ ରାସ୍ତାରେ ଫିଙ୍ଗିଦେଇ ଘଟଣାସ୍ଥଳରୁ ଫେରାର ହୋଇଯାଇଥିଲେ । ସେହି ରାସ୍ତା ଦେଇ ଯାଉଥିବା ଜଣେ ଯୁବକ ଆହତ ଅବସ୍ଥାରେ ଉଭୟ ସ୍ବାମୀ-ସ୍ତ୍ରୀଙ୍କୁ ସ୍ଥାନୀୟ ବସଷ୍ଟାଣ୍ଡରେ ଛାଡିଥିଲେ । ଯୁବକ ଜଣଙ୍କ ଘଟଣା ସଂପର୍କରେ ଫୋନ୍ କରି ପୋଲିସକୁ ସୂଚନା ଦେଇଥିଲେ । ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ହସ୍ପିଟାଲରେ ଭର୍ତ୍ତି କରାଇ ତଦନ୍ତ ଆରମ୍ଭ କରିଛି ।

ପୋଲିସ ଅଧିକାରୀଙ୍କ ସୂଚନା ଅନୁସାରେ ଆହତ ଦମ୍ପତ୍ତି ଅଭିଯୁକ୍ତଙ୍କ ନାଁ ମଧ୍ୟ କହିଛନ୍ତି । ସେମାନଙ୍କ ନାଁ ବ୍ରଜେଶ ପ୍ରତାପ ସିଂହ ଓରଫ ଡିମ୍ପଲ, ତ୍ରିବେଣୀ ତିଓ୍ବାରୀ, କଲ୍ଲୁ କୁଶଓ୍ବାହା, ତୁଳସୀ ଦାସ କୁଶଓ୍ବାହା ଏବଂ ରାଜକୁମାର କୋଲ ବୋଲି କହିଛନ୍ତି । ପୋଲିସ ଘଟଣାର ତଦନ୍ତ ଜାରି ରଖିଛି । ତଦନ୍ତ ତଥ୍ୟ ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

   Related Posts