ସୋର ୧୩।୪: ତାଲା ଭାଙ୍ଗି ଘରୁ ଚୋରି । ବାଲେଶ୍ଵର ଜିଲ୍ଲା ଖନ୍ତପଡା ଥାନା ସଠି ଗାଁରେ ମନ୍ଦାକିନୀ ପୁହାଣଙ୍କ ଘରୁ ତାଲା ଭାଙ୍ଗି ପାଖାପାଖି ଲକ୍ଷାଧିକ ଟଙ୍କାର ସୁନା-ରୂପା ଗହଣା ଚୋରି ହୋଇଯାଇଛି ।
ସୂଚନାଯୋଗ୍ୟ ଯେ, ମନ୍ଦାକିନୀ ପୁହାଣ ଓ ପରିବାର ଗାଁରେ ମହାଦେବ ମନ୍ଦିରଠାରେ ହୋଇଥିବା ଯାତ୍ରା ଦେଖିବାକୁ ଯାଇଥିଲେ । ସେହି ସମୟରେ ତାଙ୍କ ଘରେ ତାଲା ଭାଙ୍ଗି ଚୋରମାନେ ପଶିଥିଲେ । ଘରୁ ଲକ୍ଷାଧିକ ଟଙ୍କାର ସୁନା ଓ ରୂପା ଅଳଙ୍କାର ସହ ଲକ୍ଷାଧିକ ଟଙ୍କା ଚୋରି କରି ଫେରାର ହୋଇଯାଇଛନ୍ତି । ଏନେଇ ଥାନାରେ ମାମଲା ରୁଜୁ ହୋଇଛି । ମାମଲା ରୁଜୁ ହେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।