ବାଲିପାଟଣା ୨୦।୮: ବୃଦ୍ଧାଙ୍କୁ ପୁଣି ଟାର୍ଗେଟ୍ କଲେ ଲୁଟେରା । ବୃଦ୍ଧାଙ୍କ ବେକରୁ ସୁନା ଚେନ୍ ଝାମ୍ପି ନେଇ ଫେରାର ହୋଇଗଲେ ଦୁଇ ଲୁଟେରା । ରାଜଧାନୀ ଉପକଣ୍ଠ ବାଲିଅନ୍ତା ଥାନା ଗଡଶ୍ରୀରାମପୁର ଗ୍ରାମରେ ଘଟିଛି ଏଭଳି ଘଟଣା ।
ସୂଚନାଯୋଗ୍ୟ ଯେ, ଗଡଶ୍ରୀରାମପୁର ଗ୍ରାମର ପ୍ରେମଲତା ସାହୁ ନାମକ ଜଣେ ବୃଦ୍ଧା ପଡୋଶୀଙ୍କ ଘରକୁ ଯାଉଥିବା ବେଳେ ଦୁଇ ଜଣ ଲୁଟେରା ତାଙ୍କ ପାଖରେ ବାଇକ୍ ଆଣି ରଖିଥିଲେ । କିଛି ବୁଝିବା ପୂର୍ବରୁ ବୃଦ୍ଧାଙ୍କ ବେକରୁ ସୁନାଚେନ୍ ଝାମ୍ପି ଫେରାର୍ ହୋଇଯାଇଥିଲେ ଦୁଇ ଲୁଟେରା ।
ରାଜଧାନୀ ଉପକଣ୍ଠରେ ଗତ କିଛି ଦିନ ହେବା ଉତ୍ପାତ ମଚାଇଛନ୍ତି ଲୁଟେରା । ବିଶେଷକରି ବରିଷ୍ଠ ନାଗରିକମାନଙ୍କୁ ଟାର୍ଗେଟ୍ କରି ଝାମ୍ପି ନେଉଛନ୍ତି ସୁନା ଚେନ୍ ।
