Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଝରକା ଗ୍ରୀଲ୍ ଭାଙ୍ଗି ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଲୁଟିନେଲେ ଦୁର୍ବୃତ୍ତ

28/11/2019 at 1:21 PM

ପାଟଣା ୨୮।୧୧: କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ତୁରୁମୁଙ୍ଗା ଗ୍ରାମର ଦୁର୍ଯ୍ୟୋଧନ ସାହୁଙ୍କ ଘରୁ ବିଳମ୍ବିତ ରାତିରେ ଘର ଝରକାର ଗ୍ରୀଲ ଭାଙ୍ଗି ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଲୁଟ୍ ହୋଇଥିବା ଅଭିଯୋଗ ହୋଇଛି । ଏଥି ସହିତ ତାଙ୍କ ଘରେ ଭଡାରେ ରହିଥିବା ଜଣେ ଶିକ୍ଷୟିତ୍ରୀଙ୍କ ରୁମର କବାଟ ତାଡି ଆଲମିରା ଭାଙ୍ଗି ସୁନା ଗହଣା ଓ ନଗଦ ଟଙ୍କା ଦୁର୍ବୃତ୍ତ ଚୋରି କରି ନେଇଥିବା ତୁରୁମୁଙ୍ଗା ଥାନାରେ ଘର ମାଲିକ ଦୁର୍ଯ୍ୟୋଧନ ସାହୁ ଅଭିଯୋଗ କରିଛନ୍ତି।

ଅଭିଯୋଗ ପରେ ତୁରୁମୁଙ୍ଗା ପୋଲିସ ଛାନ ଭିନ ଜାରି ରଖିଛି । ୪୯ ନମ୍ବର ରାଜପଥ କଡ଼ରେ ଥିବା ତୁରୁମୁଙ୍ଗା ଅଞ୍ଚଳରେ ପୂର୍ବରୁ ବାରମ୍ବାର ଘରୁ ଚୋରି ହୋଉଥିବାରୁ ଅଞ୍ଚଳବାସଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି । ଖୁବ ଶୀଘ୍ର ଚୋର ଧରିବା ସହିତ ରାତ୍ରିକାଳୀନ ପାଟ୍ରୋଲିଂ ପାଇଁ ଅଞ୍ଚଳବାସୀ ଦାବି କରିଛନ୍ତି।

   Related Posts