Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଅସାମାଜିକ ଯୁବକଙ୍କ ଆଡ୍ଡାସ୍ଥଳୀ ପାଲଟିଛି ପଞ୍ଚଲିଙ୍ଗେଶ୍ବର, ଯୁବକଙ୍କୁ ମାଡ ମାରି ଛଡାଇଲେ ଟଙ୍କା ଓ ସୁନାଗହଣା

1/10/2020 at 5:35 PM

ନୀଳଗିରି ୧।୧୦: ଦିନକୁ ଦିନ ଅସାମାଜିକ ଯୁବକଙ୍କ ଆଡ୍ଡାସ୍ଥଳୀ ପାଲଟିଛି ପଞ୍ଚଲିଙ୍ଗେଶ୍ବର ଶୈବପୀଠ । ଏବେ ଶୈବପୀଠ ବନ୍ଦ ଥିବାବେଳେ ନିଛାଟିଆ ରାସ୍ତାର ସୁଯୋଗରେ ଦୁଇ ଜଣ ଯୁବକଙ୍କୁ ଆକ୍ରମଣ କରି ସୁନାଗହଣା ଓ ଟଙ୍କା ଲୁଟ କରିନେଇଥିବା ଜଣାପଡିଛି।

ବାଲେଶ୍ଵର ଜିଲ୍ଲା ନୀଳଗିରିର ପଞ୍ଚଲିଙ୍ଗେଶ୍ବର ଶୈବପୀଠ ମୁଖ୍ୟ ଫାଟକରେ ଏବେ କରୋନା କଟକଣା ପାଇଁ ତାଲା ଝୁଲୁଛି। ପୂଜକ ନୀତିପୂଜା କରିବାକୁ ଭିତରକୁ ଯିବା ବ୍ୟତୀତ ଆଉ କାହାରିକୁ ଭିତରକୁ ନଯିବା ପାଇଁ କଟକଣା ରହିଛି। ହେଲେ ଏହାକୁ ଖାତିର ନକରି ବହୁ ଯୁବକ ଏହି ପୀଠକୁ ବୁଲିବାକୁ ଆସୁଛନ୍ତି । ସୋମବାର ଦିନ ଭଦ୍ରକ ଜିଲ୍ଲା ଚରମ୍ପା ଅଂଚଳର ଅଭୟ ବେହେରା ଓ ଜୟନ୍ତ ସେନାପତି ପଞ୍ଚଲିଙ୍ଗେଶ୍ବର ଶୈବପୀଠକୁ ବୁଲିବାକୁ ଆସିଥିଲେ। ଏକ ହୋଟେଲରେ ରହି ରାତି ୯ଟାରେ ପଞ୍ଚଲିଙ୍ଗେଶ୍ବର ପାର୍କିଂ ଅଞ୍ଚଳକୁ ବୁଲିବାକୁ ଯାଇଥିବାବେଳେ ସେହି ଅଞ୍ଚଳର ତିନି ଜଣ ଯୁବକ ତାଙ୍କୁ ମାଡ଼ ମାରି ତାଙ୍କଠାରୁ ସୁନା ହାର ଓ ୧୮ ହଜାର ୨୦୦ ଟଙ୍କା ଲୁଟିନେଲେ। ପ୍ରତିବାଦ କରିବା ପରେ ସେମାନେ ସେଠାରୁ ପଳାଇ ଆସିଥିଲେ। ପରେ ନୀଳଗିରି ପୋଲିସ ଓ ଈଶ୍ୱରପୁର ଫାଣ୍ଡି ପୋଲିସ ଘଟଣାସ୍ଥଳକୁ ଯାଇ ତଦନ୍ତ କରିଛନ୍ତି। ଏନେଇ ନୀଳଗିରି ଥାନାରେ  ୩୩୪ ନମ୍ବର ମାମଲା ରୁଜୁ ହୋଇଥିବା ଜଣାପଡିଛି।

ପ୍ରଶ୍ନ ଉଠୁଛି ପଞ୍ଚଲିଙ୍ଗେଶ୍ବର ଶୈବପୀଠ ବନ୍ଦ ଥିବା ସତ୍ତ୍ବେ ଏହି ଯୁବକ କଣ ପାଇଁ ଏଠାକୁ ଆସି ହୋଟେଲରେ ରହିଥିଲେ । ହୋଟେଲରୁ ରାତିରେ ପାହାଡିଆ ଅଂଚଳକୁ ଦୁଇ ଜଣ କେଉଁ ଉଦ୍ଦେଶ୍ୟରେ ଯାଇଥିଲେ । ସମସ୍ତ ଘଟଣାର ପୋଲିସ ତଦନ୍ତ କଲେ ପ୍ରକୃତ କଥା ପଦାକୁ ଆସିବ ବୋଲି କୁହାଯାଉଛି ।

   Related Posts