ଭଦ୍ରକ ୧୪।୩: ସୁନା ଦୋକାନ ଲୁଟିବା ପାଇଁ ଆସିଥିଲେ । ଜଣେ ବାଇକରେ ଥିଲେ, ଆଉ ଦୁଇ ଜଣ ଦୋକାନକୁ ଯାଇ ଲୁଟ୍ କରିବା ପାଇଁ ଉଦ୍ୟମ କଲେ । ସୁନା ଗହଣା ଧରି ଦୌଡିବା ବେଳେ ଧରିନେଲେ ଦୋକାନୀ । ଜଣେ ଧରାପଡିଲା । ଆଉ ଦୁଇଜଣ ଖସିଗଲେ । ଏମିତି ଏକ ଘଟଣା ଘଟିଛି ଭଦ୍ରକ ଜିଲ୍ଲା ଧାମନଗର ଥାନା ବଡବଜାର ନିକଟରେ ।
{"id":238176,"sizeSlug":"large"}ସୂଚନାଯୋଗ୍ୟ ଯେ, ଭଦ୍ରକ ଧାମନଗର ବଡବଜାରଠାରେ ଥିବା ମା’ ଖରାଖାଇ ସୁନା ଦୋକାନରୁ ଲୁଟ୍ ହୋଇଛି । ତିନି ଜଣ ଲୁଟେରା ଗୋଟିଏ ବାଇକରେ ଆସିଥିବା ବେଳେ ଜଣେ ଲୁଟେରା ବାଇକ୍ ନିକଟରେ ରହିଥିଲେ । ଆଉ ଦୁଇ ଜଣ ଆସି ଦୋକାନୀଙ୍କୁ ସୁନା ଲକେଟ୍ ଦେଖାଇବା ପାଇଁ କହିଥିଲେ । ଅନ୍ୟ ଜଣେ ଗ୍ରାହକ ଦେଖୁଥିବା ଗହଣା ଝାମ୍ପି ନେବା ପାଇଁ ଚେଷ୍ଟା କରୁଥିବା ବେଳେ ଦୋକାନ ମାଲିକ ଜଣେ ଲୁଟେରାଙ୍କୁ କାବୁ କରିଥିଲେ । ଅନ୍ୟ ଜଣଙ୍କ କିଛି ସୁନା ଗହଣା ନେଇ ଅପେକ୍ଷା କରିଥିବା ବାଇକରେ ପଳାଇଯାଇଥିଲେ ।
{"id":238177,"sizeSlug":"large"}ସ୍ଥାନୀୟ ଲୋକେ ଲୁଟେରାକୁ କାବୁ କରିଥିଲେ । ଲୁଟେରା ନିକଟରୁ କେତେକ କେମିକାଲ ମଧ୍ୟ ଜବତ ହୋଇଛି । ଧରାପଡିଥିବା ଲୁଟେରାକୁ ପୋଲିସ ଜିମା ଦେଇଛନ୍ତି ଲୋକେ । ଲୁଟ୍ ହୋଇଥିବା ଦୋକାନ ନିକଟ ସିସିଟିଭିରେ ଲୁଟେରାଙ୍କ ଗତିବିଧି ଦେଖିବାକୁ ମିଳିଛି ।