Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଅଭିନବ ଉପାୟରେ ଦମ୍ପତ୍ତିଙ୍କଠାରୁ ସୁନା ଅଳଙ୍କାର ଲୁଟିନେଲେ ଦୁର୍ବୃତ୍ତ, ଥାନାରେ ଏତଲା

27/02/2020 at 7:05 AM

ନବରଙ୍ଗପୁର ୨୭।୨:  ଦିନ ଦ୍ବିପ୍ରହରରେ ନବରଙ୍ଗପୁର ସହର ମଧ୍ୟରେ ଦମ୍ପତ୍ତିଙ୍କଠାରୁ ଅଭିନବ ଉପାୟରେ ସୁନା ଗହଣା ଲୁଟିବାରେ ସଫଳ ହୋଇଛନ୍ତି ଚୋର। ଚୋରମାନଙ୍କର ଏହି ସାହସକୁ ଦେଖିଲେ ପୋଲିସ ପ୍ରତି ତିଳେ ମାତ୍ର ଭୟ ନଥିବା ଜଣାପଡୁଛି।

ସୂଚନାଯୋଗ୍ୟ ଯେ, ନବରଙ୍ଗପୁର ଦାସହରାପଦା ସାହିରେ ଦମ୍ପତ୍ତି ପି.ଲକ୍ଷ୍ମଣ ରାଓ ଓ ତାଙ୍କ ପତ୍ନୀ  ପି.ଜୟାଲକ୍ଷ୍ମୀ ପ୍ରତିଦିନ ଭଳି ବୁଧବାର ମଧ୍ୟ ସକାଳ ୧୦ ଟାରୁ ୧୧ ମଧ୍ୟରେ  ଏକ ସ୍କୁଟିରେ ନୂଆ ମାର୍କେଟ ସ୍ଥିତ କନ୍ୟାକା ପରମେସ୍ବେରୀ ମନ୍ଦିର ଯାଉଥିଲେ । ସେହି ସମୟରେ ଆର. ସି.ଡି ହାଇସ୍କୁଲ ରାସ୍ତାରେ ପ୍ରଥମେ ଜଣେ କାନ୍ଧରେ ବ୍ୟାଗ ପକାଇ  ଥିବା ଲୋକ ଦମ୍ପତ୍ତିଙ୍କୁ ଅଟାକାଇ କହିଥିଲା ଯେ, ଆଗ ଛକରେ ପୋଲିସ ଏସପି ସୁନା ଅଳଙ୍କାର ପିନ୍ଧିଥିବା ଲୋକଙ୍କୁ ୨ ହଜାର ଟଙ୍କା ଫାଇନ ପକାଉଛନ୍ତି । ତେଣୁ ସବୁ କାଢ଼ିଦେଇ ଏହି ଧଳା କାଗଜରେ ରଖି ଡ଼ିକିରେ ରଖିଦିଅନ୍ତୁ ବୋଲି କହିଥିଲେ ।

ସେହି ସମୟରେ ପୂର୍ବ ଯୋଜନା ଅନୁସାରେ ପ୍ରଥମ ଚୋରର ଦୁଇ ଜଣ ସହଯୋଗୀ  ବାଇକରେ ସେହି ରାସ୍ତା ଦେଇ ଯାଉଥିଲେ ସେମାନଙ୍କୁ ଅଟକାଇ ଦମ୍ପତ୍ତିଙ୍କୁ କହିଥିବା ଭଳି ଅନୁରୂପ ସେମାନଙ୍କୁ ବି କହିଥିଲା ଦୁଇଜଣ ସହଯୋଗୀ ତୁରନ୍ତ ସେମାନେ ପିନ୍ଧିଥିବା ସୁନା ଚେନ ଓ ମୁଦି କାଢି ଦେଇଦେଇଥିଲେ।

ଏହାପରେ ଦମ୍ପତ୍ତି ଚୋରଟି କଥାରେ ବିଶ୍ବାସ କରିନେଇଥିଲେ । ଜୟାଲକ୍ଷ୍ମୀ ପିନ୍ଧିଥିବା ୮ ପଟ ସୁନା ଚୁଡ଼ି, ଦୁଇ ଟିକିଆ ସୁନା ଚେନ ସହ, କଳାମାଳି ବିଶିଷ୍ଟ ଆଉ ଗୋଟିଏ ସୁନା ଚେନ, ଦୁଇଟି ସୁନା ମୁଦି ଏହିଭଳି ମୋଟ୍ ୧୮ ତୋଳା ଅଳଙ୍କାର କାଢି ଚୋରାକୁ ଦେଇଥିଲେ। ଚୋର ଜଣକ ଏକ ଧଳା କାଗଜରେ ସବୁ ଗହଣା ଧରି ନିଜେ ସ୍କୁଟିର ଡିକି ଖୋଲି ଦମ୍ପତ୍ତିଙ୍କ ସାମ୍ନାରେ ଡ଼ିକିରେ ରଖିଥିଲା । କିନ୍ତୁ ଡିକି ବନ୍ଦ କରିବା ସମୟରେ ଚୋର ଜଣଙ୍କ ଅତି ଚତୁରତାର ସହ ଗହଣା କାଢ଼ିନେଇଥିଲା।

ଏହାପରେ ଦମ୍ପତ୍ତି ମନ୍ଦିରକୁ ଯାଇ ଡିକି କାଢି ଦେଖିଲାବେଳକୁ ଡ଼ିକିରେ ଗହଣା ନଥିଲା । ଏହାପରେ ଲକ୍ଷ୍ମଣ ରାଓ ନବରଙ୍ଗପୁର ଥାନାରେ ଏକ ଅଭିଯୋଗ ଦେବାପରେ ପୋଲିସ ଘଟଣାସ୍ଥଳ ଏବଂ ଆଖପାଖ ଅଞ୍ଚଳର ସିସିଟିଭି ଫୁଟେଜ ଯାଞ୍ଚ କରୁଛି। ଜିଲ୍ଲାରେ ଦିନକୁ ଦିନ ଚୋରି, ଡକାୟତି ବୃଦ୍ଧି ପାଉଥିବାରୁ ଲୋକ ଭୟଭୀତ ହୋଇ ରହିଛନ୍ତି।

   Related Posts